ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ինչի՞ Համար Է Սրբազան Շարժումը

12 Հունիս 2024

Ամէն օր, օրական բազմաթիւ անգամներ, ծանօթներ, բարեկամներ ու ընկերներ հարց կու տան, թէ ի՞նչ պիտի պատահի Հայաստանի մէջ: Շարժում մը սկսեր է արդէն գրեթէ ամիսէ մը ի վեր. ե՞րբ պիտի վերջանայ ու ի՞նչ արդիւնքով: Հանրային սպասումը միշտ այսպէս է` շուտափոյթ արդիւնք կը պահանջէ: Իսկ վերջին օրերուն, կիրակի, 9 յունիսի հաւաքէն ետք, երբ յայտարարուեցաւ Ազգային ժողովի արտահերթ նիստ հրաւիրելու նախաձեռնութեան մասին, շտապողականութիւնը աւելի անմիջական դարձաւ:

Իրողապէս, ի՞նչ տեղի կ՛ունենայ:

Շարժումին տեսանելի անմիջական նպատակը Նիկոլ Փաշինեանի իշխանութենէն հեռացումն է: Փաշինեանի իշխանութենէն հեռացումը, եւ ոչ` իշխանափոխութիւնը, վարչաձեւի փոփոխութիւնը: Իշխանափոխութիւնը պիտի կատարուի ժողովրդային ազատ ընտրութեամբ, ընտրութեամբ մը, որուն հաւասար իրաւունքներով եւ հնարաւորութիւններով մասնակցելու պիտի հրաւիրուին բոլոր քաղաքական ուժերը: Ժողովուրդը պիտի ընտրէ անշուշտ ներկայացուող ծրագիրներու հիման վրայ, այնպիսի ծրագիրներու, որոնց մէջ տեղ չունենան ամբոխավարութիւնն ու ձրի ամբոխահաճութիւնը: Փաշինեանի հեռացումէն ետք, անհրաժեշտ է կազմել ժամանակաւոր կառավարութիւն մը, անկուսակցական մասնագէտներէ կազմուած, որ պիտի ունենայ երկու պարտականութիւն. կանգնեցնել զիջումներու ընթացքը եւ սեղմ ժամկէտներու ընթացքին կազմակերպել Ազգային ժողովի ընտրութիւններ: Ժամանակաւոր կառավարութեան վարչապետը (առաջադրուած է Բագրատ արքեպիսկոպոս Գալստանեանը) եւ նախարարները չեն կրնար թեկնածու ըլլալ Ազգային ժողովի արտահերթ ընտրութեան. անոնք իշխանութիւն պահելու խնդիր չունին: Այսպէս, նոր իշխանութիւն մը պիտի ձեւաւորուի ժողովուրդին կողմէ, ինչպէս ըսուեցաւ` կառավարական ծրագիրներու հիման վրայ:

Այս գործընթացը սահմանադրական ու խաղաղ միջոցներով իրականացնելու երկու ճանապարհ կայ. խորհրդարանը անվստահութիւն կը յայտնէ կառավարութեան, որ հրաժարած կը համարուի, կամ վարչապետը կամաւոր հրաժարական կու տայ, որ նմանապէս կը յանգի կառավարութեան հրաժարականին:

Թեթեւօրէն քննենք այս կարելիութիւնները:

Կառավարութեան անվստահութիւն յայտնելու դիմում կրնայ ներկայացնել Ազգային ժողովի պատգամաւորներուն մէկ երրորդը` 36 պատգամաւոր:

Ընդդիմադիրները կ՛ըսեն, որ կրնան ապահովել այդ թիւը: Խորհրդարանը պարզ մեծամասնութեամբ կրնայ անվստահութիւն յայտնել, այսինքն` 54 պատգամաւորներով: Ընդդիմութիւնը այդ թիւը ապահովելու համար պէտք ունի մեծամասնութենէն 18 կամ 19 պատգամաւորի քուէներուն, որ առ այժմ անկարելի կը թուի: Անվստահութեան նախագիծին պէտք է ընկերանայ առաջադրուած նոր վարչապետին անունը: 55 քուէ չապահովելու պարագային, նոր դիմում կարելի է ներկայացնել վեց ամիս ետք միայն: Պարզ է, որ այս ընտրանքը յաջողութեան հնարաւորութիւն չունի, գէթ ներկայ հանգրուանին:

Երկրորդ ընտրանքը աւելի պարզ է եւ… մատչելի: Վարչապետը, անդրադառնալով, որ կորսնցուցած է ընտրողներու մեծամասնութեան վստահութիւնը, ժողովրդավարական հասկացողութեամբ կը քաշուի եւ կը դիմէ ժողովուրդին` իր կամքը արտայայտելու: Այն պատճառաբանութիւնները, որ Ազգային ժողովը ընտրուած է հինգ տարուան ժամկէտով եւ կառավարութիւնը կազմուած է նոյնքան ժամանակով իշխելու համար, ժողովրդավարական հասկացողութեամբ ընդունելի չեն: Օրինակները չեն պակսիր: Շուրջ տասը օր առաջ, Մեծն Բրիտանիոյ խորհրդարանը լուծուեցաւ եւ նոր ընտրութիւններ նշանակուեցան սովորական ժամկէտէն առաջ. կիրակի երեկոյեան, Եւրոպական խորհրդարանի ընտրութիւններուն պարտութիւն կրելով, Ֆրանսայի նախագահը լուծեց խորհրդարանը եւ նոր ընտրութիւններ նշանակեց: Մեր ժամանակներուն կատարուած այս երկու լուծարումները եւ արտահերթ ընտրութիւններու հրաւէրները ճշմարիտ ժողովրդավարութեան ցուցանիշներ են: Հայաստանի մէջ, շատոնց վարչապետը դիմած պէտք է ըլլար այս քայլին: Երբ կը յամառի, ողբերգական դէպքերէ ետք, պահել իշխանութիւնը եւ չդիմել ժողովուրդին իրմով կամ ուրիշով իշխանութիւն կազմաւորելու ընտրութիւն կատարելու համար, յարգած չ՛ըլլար այն ժողովրդավարութիւնը, որով կը յոխորտայ: Ժողովուրդին կը մնայ օրէնքին թոյլատրած միջոցներով ճնշում բանեցնել, Սրբազան շարժումի դիմել:

Խորհրդարանի արտակարգ նիստ գումարելու դիմումը մերժուեցաւ Ազգային ժողովի խորհուրդին կողմէ: Օրէնքի ուժով, արտակարգ նիստ կրնայ գումարուիլ 17 յունիսին: Հոն պիտի քննարկուի փոփոխութեան երկրորդ տարբերակը դիւրացնող ուղերձի նախագիծ մը. դիմում «Կառավարութեան հրաժարականի եւ նոր կառավարութիւն ձեւաւորելու անհրաժեշտութեան մասին»: Քաղաքացիական պայմանագիր կուսակցութիւնը կ՛ըսէ, որ պոյքոթի պիտի ենթարկէ պարտադրական նիստը, որպէսզի մեծամասնութիւն չգոյանայ եւ անիկա տեղի չունենայ: Ահա ժողովրդավարութեան եւ սահմանադրական օրէնքի նոր ոտնահարում մը:

Եթէ այս փորձն ալ ձախողի, կը մնայ շարունակել ճնշումը, բացատրել ու իրազեկել, որպէսզի ճշմարտութեան հաւատացողներուն թիւը անդադար աճի, այնքան աճի, որ փոփոխութիւնը անդառնալի ըլլայ:

Պէտք չէ յուսահատիլ ու ձեռնթափ ըլլալ: Պայքարը կրնայ երկար տեւել:

ՏԻԳՐԱՆ ՃԻՆՊԱՇԵԱՆ

Ազդակ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company