Բրյուսելում տեղի է ունեցել Հայաստան-Ադրբեջան հարաբերությունների մանրակերտը, Հայաստանը ասում է՝ գնանք խաղաղության, նրանք սպանելու մասին են խոսում։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ՀՅԴ անդամ, ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Բրյուսելում ադրբեջանցի դեսպանի՝ Հայաստանի ԵՄ դեսպան Տիգրան Բալայանին սպանելու վերաբերյալ սպառնալիքներին։

Խոսելով Ադրբեջանում պահվող հայ գերիների վերադարձի մասին՝ Խաչատրյանը նշեց՝ Փաշինյանը չի ցանկանում, որ Արցախի ռազմաքաղաքական ղեկավարությունը ազատ արձակվի, դա իրեն շահեկան չէ․ «Փաշինյանի քաղաքականությունը կառուցված է մի թեզի վրա՝ Արցախում եղավ իշխանափոխություն՝ Ադրբեջանը հարձակվեց, պատկերացրեք՝ Արայիկ Հարությունյանը գա ու ասի՝ ես ինքս եմ հրաժարական տվել, այդ օրերին չգիտեի՝ ինչ անել։ Փաշինյանը կուզենա՞, այդ առումով Ալիևի և Փաշինյանի շահերը համընկնում են։

Խոսելով ԱԺ ընդդիմության մանդատները դնելու վերաբերյալ արտախորհրդարանական գործիչների կոչերի մասին՝ պատգամավորը նշեց, որ մանդատ դնելը խորհրդարանական ճգնաժամ չի առաջացնելու, այդպես խոսողները փորձում են խորհրդարանական ընդդիմությանը թուլացնել։ «Միակ պայքարող ուժը ԱԺ ընդդիմությունն է, ովքեր իրենց ընդդիմություն են կոչում, ի՞նչ են արել։ Երեք հոգի հանեք փողոց, նոր քննադատեք խորհրդարանական ընդդիմությանը։ Նման բան խոսողները Փաշինյանի պասով աշխատող մարդիկ են, մենք ենք մեր վրա զգացել Փաշինյանի ռեպրեսիաները»,- ընդգծեց նա։

Մանրամասները՝ տեսանյութում