ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Քաղաքացիական լիրբ եւ անբարոյ պայմանագիր…. կը սրբապղծեն եկեղեցին հայկական

05 Հունիս 2025

Հանելուկ չէ մեր վերնագիրը։ Յստակ է, որ մեղադրուողը, ամբաստանուողն ու բուռն կերպով քննադատուողը երկրին ղեկը ստանձնած «Քաղաքացիական Պայմանագիր» կուսակցութիւնն է, իր պետով եւ գործակիցներով։ Շատ աւելի ծանր եւ խարանող բառապաշար կարելի է գործածել, սակայն երբ խնդրոյ առարկայ անձնաւորութիւնները «նորաձեւ կրթութիւն»-ով կը փորձեն խաբել հայորդին, այսքանն ալ բաւարար է: Աւելին… մսխում պիտի ըլլայ:

44-օրեայ պատերազմի ծանր ու կազմակերպուած պարտութենէն, Արցախի ամբողջական յանձնումէն, երկրի պաշտպանութեան կառոյցի խորտակումէն եւ դեռ՝ պատառ-պատառ հողաշերտեր թշնամիին յանձնելէ ետք (ցանկը չէ փակուած), ՔՊ-ական «ցեղախումբ»-ը դարձեալ թիրախ դարձուցած է ՍՐԲՈՒԹԻՒՆԸ՝ եկեղեցին հայկական, որուն մասին որքա՜ն գուրգուրանքով, խունկ ու մոմով բանաստեղծութիւն երկնած է Վահան Թէքէեան: Այժմու պատահարներուն լոյսին տակ, վստահաբար անհանգիստ ու վրդոված է անոր հանգչած մարմինը, Սփիւռքի երբեմնի կեդրոններէն՝ Գահիրէի (Հելիոփոլիս) հայկական գերեզմանատան մէջ։

Եկեղեցւոյ դէմ ՔՊ-ական նորագոյն յարձակողականը (աւելորդ կը նկատենք թուել նախկինները) աղաղակող արձագանգն է շարք մը պատահարներու եւ նախաձեռնութիւններու: Յիշատակենք մէկ մասը:

Մայիս 28-ի տօնակատարութեան առթիւ, Սարդարապատի յուշահամալիրին մէջ, Մայր Աթոռի արտաքին յարաբերութիւններու եւ արարողակարգի բաժանմունքի պատասխանատու Նաթան Արք․ Յովհաննիսեան վերահաստատեց, որ եկեղեցին իր կարծիքը չէ փոխած, ինչ կը վերաբերի Նիկոլ Փաշինեանի հրաժարականի պահանջին եւ բնականաբար՝ Սահմանադրութեան փոփոխութեան անոր բարբաջանքներուն մասին։

Ամենայն Հայոց Գարեգին Բ․ Կաթողիկոսը, որ անցեալ տարի, Սարդարապատի յուշահամալիրի մուտքին դէմ յանդիման գտնուեցաւ «ազգընտիր»-ին հլու կամակատար՝ ոստիկանական խիտ շարքերու անցարգելին, այս տարի յուշահամալիր չէր այցելած, պարզ այն պատճառով, որ երկրէն դուրս կը գտնուէր. Զուիցերիա մեկնած էր ու կը մասնակցէր Պերնի մէջ, Եկեղեցիներու Համաշխարհային խորհուրդի նախաձեռնած՝ Արցախի մշակութային ժառանգութեան պահպանման նուիրուած համագումարին։

Սարդարապատի մէջ կատարուած յայտարարութիւններն ու Պերնի համագումարը անհանգստացուցած էին, ժողովրդական յենարաններէն աւելի՝ հաւասարակշռութիւնն իսկ կորսնցուցած վարչապետը, որ իր լիրբ, գռեհիկ եւ ոեւէ իշխանաւորի, մարդո՛ւ անվայել յայտարարութիւններով ու մեղադրանքներով, հայհոյախառն կիսատ-պռատ խծբծանքներով անարգեց ու քարկոծեց «եկեղեցին հայկական», սկսելով Կաթողիկոսէն ու հասնելով բարձրաստիճան հոգեւորականներու։

Թէքէեան զմայլանք առթող պատկերներով կը նկարագրէ, թէ այդ սրբատեղին իր հոգւոյն ծննդավայրն է։ Իսկ վարչապետի աթոռը գրաւած «մարդ»-ը եւ կողակիցը, իրենց կողքին ունենալով կոյր ու բթամիտներու խուժան մը, հաւանաբար չեն կարդացած այդ հռչակաւոր բանաստեղծութեան սա քանի մը տողերը, իսկ թէ ո՞ւր է անոնց հոգիին ծննդավայրը՝ ինկած է մեծ հարցականներու տակ.-

Եկեղեցին Հայկական ես աչքս գոց կը տեսնեմ,

Ու կը շնչեմ, կը լսեմ՝ իր Յիսուսով մանկադէմ,

Իր խորանէն մխացող, քուլայ-քուլայ խունկերով,

Եւ իր պատերը ցնցող աղօթքներով ալեխռով…

Պերնի վեհաժողովին, ահազանգ կը հնչեցուէր, որ Արցախի մէջ եկեղեցիներ, վանքեր, յուշարձաններ կը սրբապղծուէին կամ ամբողջութեամբ կը քանդուէին, մինչ Երեւանի մէջ, Փաշինեան ամոլն ու հետեւորդներու խուժանը ափեղցփեղ վերագրումներով կ՛աղաւաղէր Եկեղեցին, որ մէկ մասնիկն է մեր պատմութեան ու ազգին, նոյնինքն ՊԵՏԱԿԱՆՈՒԹԵԱՆ: Պաքուի մամուլը մե՜ծ ախորժակով կը ձայնակցէր փաշինեանական ջոլիրի վերագրումներուն…

Արդարացի են բոլոր այն նշումները, թէ «իշխանական ամոլը» յստակ դիտաւորութեամբ եւ պահը յարմար նկատելով կը ձեռնարկէր այս անբարոյ եւ սին զրպարտութիւններուն, երբ գրեթէ միեւնոյն ժամանակ, Կովկասի մահմետականներու վարչութեան պետ եւ Ատրպէյճանի կրօնապետ՝ շէյխ Ալլահշիւքիւր Փաշազատէ Էջմիածինը կը կոչէր Իւչմիաձին եւ զայն կը հռչակէր «ատրպէյճանական պատմական հող»։

Ահաւասիկ, եւ քանի՛երորդ անգամ ըլլալով, կ’արդարանան այն խարանումները, թէ ՔՊ-ական իշխանաւորները պարզապէս Ատրպէյճանի գործակատարներն են, կը ծառայեն թշնամիին շահերուն, պատրաստ են զոհելու եւ ոչնչացնելու ամէն բան՝ որ հայկական է, մաս կը կազմէ մեր անվիճելի եւ անսակարկելի իրաւունքներուն, պատմութեան, մշակոյթին:

Յիշատակելի է Թէքէեանի բանաստեղծութեան աւարտը․-

Եկեղեցին Հայկական մէն մի քարին տակ գետնի

Դէպի երկինք բարձրացող գաղտնի ճամբայ մը ունի:

Եկեղեցին Հայկական հայ հոգիին եւ մարմնոյն

Զրահանդերձ է փայլուն, մինչ իր խաչերն են դաշոյն

Եւ զանգակներն են բոմբիւն եւ երգն է միշտ յաղթութիւն…

Ճիշդ այդպէ՛ս․․․ Քարին Տակէն բարձրանալով՝ հայ քաջարի մարտիկները 33 տարի առաջ յաջողեցան բարձրանալ վեր՝ դէպի երկինք եւ գրաւել Շուշին, իսկ այդ զանգակներու բոմբիւնն ու ղօղանջը՝ 1918-ին կերտեցին Սարդարապատի յաղթանակը։

Այսպիսի լիրբ եւ կորստաբեր Քաղաքացիական Պայմանագիր պէտք է անյապաղ վերնայ Կովկասեան Բարձրաւանդակէն: Մեր ազգը, Հայաստանէն մինչեւ սփիւռքեան ափեր, իրաւունք չունի լուռ հանդիսատես մնալու: Ամբողջ ա՛զգը կոչուած է միանալու ԸՆԴԴԻՄԱԴԻՐ ճակատի դրօշին տակ:

«Հայրենիք» – Պոսթըն

Խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company