ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Խաղաղութեան Անել Խաչմերուկ

18 Հունիս 2025

«Ես պարզապէս մարդ էակ մըն եմ, որ կը փորձէ գոյատեւել աշխարհի մը մէջ, որ շատ արագ կը կորսնցնէ մարդ ըլլալու հասկացութիւնը»։
Ճոն Թրուտէլ (1946 – 2015, ամերիկացի բնիկ հնդիկ, գրող, բանաստեղծ, դերասան, երաժիշտ եւ քաղաքական գործիչ)

Գ․ Աշխարհամարտը վայրագօրէն կը շարունակուի ապակեդրոն ձեւով եւ տարբեր արտայայտութիւններով, բայց մի՛շտ նոյն հետեւանքներով՝ ջարդ, աւեր ու բազմապիսի կորուստներ։

Իսկ հայրենի վարիչները մանկամտօրէն կ՛երազեն «խաղաղութեան խաչմերուկ»-ի մը մասին, երբ մեր երկիրն ու ընդհանրապէս Մերձաւոր Արեւելքը կլանած իրադարձութիւնները անհեթեթի թատերգութեան մը վիճակը ստացած են, հրոյ ճարակ կը դարձնեն տեսանելի հորիզոնները:

Արեւմուտքը ընդդէմ Արեւելքի, Հիւսիսը ընդդէմ Հարաւի․․․: Ահաւոր տարողութեամբ դէպքեր ու պատերազմներ՝ որոնց երկինքին տակ յստակ չէ, թէ պղտոր ջուրին մէջ ի՞նչ կը պատահի, ո՞վ է ձուկ որսացողը, ո՞վ է ձուկը…։ Բայց ո՜չ: Մէկ բան որոշ է, այսինքն՝ յայտնի են թէ՛ որսացող ձկնորսները եւ թէ՛ «որսացուած» ձուկերը, միայն ջուրն է որ կը մնայ պղտոր…։

Գ․ Աշխարհամարտի մը ծալք առ ծալք ծաւալման ցուցանիշները բազմաթիւ են։ Մեծ պետութիւններ տարբեր քաղաքականութիւն կը կիրարկեն, իրենց որդեգրած ռազմավարութիւնը իրագործելով։ Ռուսիոյ պատերազմը՝ Ուքրայինայի դէմ, կարելի է նկատել հնաձեւ (old-fashioned). անշուշտ խօսքը գործածուած զինամթերքին եւ ռազմաճակատին վրայ զինուորական ոլորտին մասին չէ, այլ մարդուժի մասին։ Որոշ ժամանակ մը գործի վրայ էին Եւգենի Փրեկոժինի (այժմ մահացած) հիմնած վարձկան զինուորներու «Վակնըր» զօրաբաժինները, որոնց լուծման ենթարկուելէն եւ զինաթափուելէն ետք, ընդհանրապէս Ռուսիոյ բանակն է, որ կը շարունակէ աշխարհամարտեան պատերազմը Ուքրայինայի ճակատին վրայ, մերթ ընդ մերթ օժանդակութիւն ստանալով Հիւսիսային Քորէայէն։

Գ․ Աշխարհամարտի նորագոյն ճակատը՝ «մասնաճիւղը», Իսրայէլ ընդդէմ Իրանի, աւելի արդիական է, կը մղուի հեռահաս կերպով, եւ «արգասիք»-ն է Ա․Մ․Ն․-ի կիրարկած (ան)քաղաքականութեան։ Սպիտակ Տունը ո՛չ միայն քաղաքականութիւնը վստահած է արտաքին յանձնակատարներու (outsourcing), այլ նոյնինքն՝ ամբողջ պատերազմը։ Փաստօրէն, Իսրայէլ ամերիկեան թեքնիք ցուցմունքներու գերարդիական կառոյցները իր տրամադրութեան տակ ունենալով գործի լծուած է, հոգ չէ թէ Սպիտակ Տունը կը փորձէ համոզել, թէ ինք մասնակից չէ ճակատումին։ Ամերիկեան զինամթերանոցն ու նաւատորմին աջակիցի կարելիութիւնները դրուած են Իսրայէլի տրամադրութեան տակ:

Նախագահ Թրամփի եւ իր աշխատակազմի անդամներուն յայտարարութիւնները մերթ անհասկնալի եւ յաճախ զիրար հակասող են, նոյնքան մըն ալ տկար ու ոչ-համոզիչ մեկնաբանութիւններ են: Դէպքերուն հետեւողին համար յստակ է, թէ Արեւմուտքէն յանձնարարութիւն ու կանաչ լոյս ստացած Իսրայէլը, յանձին «Կազան ազատագրած» Նաթենիահուի, թեւեր առած կը շարժի առօք-փառօք, առանց որեւէ սանձումի։

Յայտնապէս, «կար ու չկար»-ի հեքիաթային պատմութեան մը վերածուած են Օմանի մէջ վերջին ամիսներուն սկսած Իրան-Ա․Մ․Ն․ խօսակցութիւնները՝ Իրանի հիւլէական թղթածրարին շուրջ բանակցութիւնները: Սպիտակ Տունը ունէր եւ կը տարածէր այն պատրանքը, որ հակառակ ահաւոր հրթիռարձակումներուն, բանակցութիւնները կանգ պիտի չառնէին։ Իրան որոշեց չշարունակել, սակայն կը կարծէ, թէ ամերիկեան կողմը կրնայ «մէկ հեռաձայնով» կասեցնել Իսրայէլի յարձակումները:

Միջազգային քաղաքականութեան մէջ, քաղաքական առաջնորդութիւնը ունի վճռական եւ առաջնահերթ դեր՝ միջազգային յարաբերութիւններու, համաշխարհային խնդիրներու եւ ամբողջ միջազգային համակարգի կայունութեան ու յառաջընթացին վրայ իր ազդեցութեամբ։

Ահա թէ ինչո՛ւ առաջնորդութիւնը այսքան կարեւոր է այս ոլորտէն ներս։ Դեռ աւելին, պետութիւններու միջեւ յարաբերութիւններու կառավարումը՝ դիւանագիտութիւնը, հիմնուած է – պէտք է ըլլայ

– հմուտ եւ փորձառու առաջնորդի մը վրայ, որպէսզի թշնամի կողմերը վարեն բանակցութիւններ։ Դիւանագիտական առաջնորդներ պէտք է կարողանան վստահութիւն կառուցել եւ հաղորդակցութիւն ապահովել՝ բարդ հարցերը լուծելու համար։

Իրականութիւնը շատ հեռու է նման սպասումէ: Այն պահուն, երբ Միջին Արեւելքը ինկած է իրողական Գ․ Աշխարհամարտէն իրեն բաժին հանուած նոր ու բարդ պատերազմի մը մէջ, դժբախտաբար, բեմահարթակի վրայ գտնուող ամէնահզօր պետութեան ղեկավարը «շպարուած» է իր 79 գարունները տօնելու հանդիսութիւններով, որոնք զուգորդուեցան իր ղեկավարած երկրի բանակին 250-ամեակին նուիրուած՝ ուաշինկթընեան տողանցքով, որուն համար բազմատասնեակ միլիոններ ծախսուեցան, իբրեւ յաւելում՝ քանի մը օր առաջ անոր մսխած այլ գումարներուն, երբ անտեղիօրէն զօրք ուղղարկեց Լոս Անճելըս, վառելանիւթ թափելով ներքին՝ միջ-կուսակցական հակադրութիւններուն վրայ։

Սպիտակ Տան ներկայ վարձակալը արդեօք յանդգնութիւն կամ ժամանակը պիտի ունենա՞յ կարդալու Ա․Մ․Ն․-ի երրորդ նախագահ եւ անկախութեան հռչակագրի գլխաւոր հեղինակ Թոմըս Ճեֆըրսընի (1743-1826) իմաստուն խօսքերը, որոնցմէ մէկը հետեւեալն է․

«Մինչեւ որ դադրինք վնաս հասցնել բոլոր միւս կենդանի արարածներուն, մենք տակաւին վայրենիներ ենք»:

Դժբախտաբար, աշխարհը առանց իմաստուն ղեկավարի՝ վերածուած է լաբիւրինթոսի։ Իմաստութիւն կոչուածը արձակուրդ առած է ո՛չ միայն Միացեալ Նահանգներու մէջ, այլ քիչ մը ամէն տեղ:

Արհաւիրքները, ընդհանրապէս մեզմէ անկախ, կը բախեն մեր հայրենիքին դուռները եւս. Հայաստան փաստօրէն ամբողջական պաշարման եւ մեկուսացման կ’ենթարկուի նա՛եւ հիւսիսէն (Վրաստան արգելակներ ստեղծած է Հայաստանէն մեկնած տարանցիկ բեռնատարներու առջեւ) ու հարաւէն (հրթիռներ կ’իյնան Հայաստանի սահմանէն քիչ մը անդին): Եւ այս ահաւոր կացութեան մէջ, խօսիլ «Խաղաղութեան Խաչմերուկ»-ի մասին եւ ապաւէն փնտռել… Թուրքիոյ եւ Ատրպէյճանի ցեղասպան պետութիւններէն՝ արդէն մանկապարտէզէն ալ ետ երթալ է: Ա՞յդ է որ տեղի պիտի ունենայ Փաշինեան-Էրտողան հաւանական հանդիպումին…

«Հայրենիք» – Պոսթըն
Խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company