ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Հայրենասիրութեան Անվիճելի Հաւաստիքը. ՀՅԴ ԶՈՄ-ը Եւ ԼԵՄ-ը` Համահայկական 12-րդ Բանակումին Առաջնագծին

18 Հուլիս 2025

Թալթոս

«Դէ՜հ, սեւ օրեր, բողոք դարձէ՛ք,
Արիւն, քրտինք երկունք մտէ՛ք,
Տանջանք, զրկանք լեզու առէք,
Դաշնակցութեան ճամբայ բացէ՛ք»

Աւելի քան 90 ԶՈՄ-ական եւ ԼԵՄ-ականներ` հաւատքով լեցուն, խանդավառութեամբ հմայուած ու ոգիով զօրացած, մեկնեցան Հայաստան` մասնակցելու ՀՅԴ Բիւրոյի Երիտասարդական գրասենեակին կողմէ կազմակերպուած Համահայկական 12-րդ բանակումին: Կուսակցութեան կենսունակ միաւորներ իբրեւ` անոնք չգացին զբօսաշրջութեան, այլ` պայքարի, ինքնութեան պահպանման եւ յուռճացումն հայրենասիրութեան: Այս բանակումը, որ սկիզբ առած է որպէս սերունդներու դաստիարակութեան ու ինքնութեան պահպանման գոհարագոյն փորձառութիւն, այսօր կը ծաւալի ու կը խորանայ իբրեւ համահայկական հարթակ` մեր ուսանողական եւ երիտասարդական ներուժին գիտակցական ձեւաւորման, ազգային մտայնութեան կոփման եւ հայրենիք-սփիւռք կապերու վերամարմնաւորման անբաժանելի օղակ:


Բանակումը կը ծառայէ որպէս գործնական հարթակ`

Ա.- Հայրենասիրութիւնը կեանքի վերածելու,
Բ.- Յիշողութիւնը ժառանգութեան վերածելու,
Գ.- Գալիք սերունդները մարտունակ եւ ոգեղէն կերտելու:

Այս բանակումը պատգամ ունի` ապրելու, պայքարելու, կառուցելու եւ յաղթելու: Ան կը համախմբէ այն բոլոր զաւակները, որոնք հայրենիքը կը տեսնեն ոչ թէ իբրեւ զբօսաշրջական վայր, այլ` սուրբ պարտաւորութիւն եւ անփոխարինելի ներկայութիւն:

ԶՈՄ-ը եւ ԼԵՄ-ը` իբրեւ ՀՅԴ-ի կազմակերպական յենարաններ, իրենց այս բանակումին մասնակցութեամբ անգամ մը եւս կը հաստատեն, որ ազգի ապագան պիտի չձեւաւորուի թերահաւատութեամբ ու սպասումով, այլ ազգը իր տեսլականը կը կերտէ այն երիտասարդներէն, որոնք վարձկան աշխարհի պատրանքները կը մերժեն ու կը նախընտրեն կռուիլ` գիտակցաբար ու հաւատքով: Այսօր, երբ մեր հայրենիքը կը հրամցուի թշնամիի ախորժակին, եւ երբ իշխանութիւն կոչուած իշխանազուրկ շուքը հայ ժողովուրդը կը յանձնէ գերութեան եւ յանձնուողականութեան, ՀՅԴ ԶՈՄ-ի եւ ԼԵՄ-ի կողմէ ՀՅԴ ԲԵԳ-ի կազմակերպած բանակումի նախաձեռնութիւնն ու մասնակցութիւնը, աւելի քան երբեւիցէ, քաղաքական ու բարոյական պարէն է:

Այս բանակումը չի սկսիր ու չ՛աւարտիր դաշտին վրայ: Ան սկիզբ կու տայ գիտակից դիմադրութեան, մաքուր դաստիարակութեան եւ ազգային վերածնունդի, երբ երկիրը կը զրկուի պետական ուղղութենէն, երբ ղեկավարները կը հրաժարին պատմական յիշողութենէն, երբ սփիւռքին ձայնը կը փորձեն լռեցնել յագեցողութեամբ եւ անտարբերութեամբ: ՀՅԴ Բիւրոյի Երիտասարդական գրասենեակին կազմակերպած բանակումը կը գոչէ. «Մենք հոն ենք, ուր մեր ժողովուրդը կը ճչայ: Մենք կու գանք` ո՛չ յօնքեր մաքրելու, այլ արիւնով պաշտպանելու մեր ինքնութիւնը»: Ասիկա մարտահրաւէր մըն է` ուղղուած այսօրուան իշխանական աղէտին, որ կը տեսնէ Արցախը` որպէս բեռ, ազատագրումը` որպէս սխալ եւ Սարդարապատը` որպէս աւանդապատում: Այս բանակումը անարգանքներէն վեր ճակատագիր մըն է, ուր հայրենիքը ինքզինք կը վերագտնէ մատաղ սերունդներու աչքերուն մէջ: Սերունդներ, որոնք կը մերժեն յանձնուողականութեան լեզուն եւ կը խօսին Սասունէն, Վասպուրականէն ու Անիէն ժառանգած արժանապատուութեան լեզուով: Այս բանակումին պատգամը ուրիշ բան չէ, եթէ ոչ այն, որ մենք դեռ ունինք պայքարող սերունդ, ոչ թէ «անտարբեր» հայրենասէր, այլ` գործով ապացուցող հայորդի: Երբ հայրենիքը կ՛ըլլայ շուկայական ապրանք, բանակումը կ՛ըլլայ սրբավայր: Երբ պետականութիւնը կը ծախուի թուրքի սեղանին վրայ, ՀՅԴ-ն իր բանակումներով կը հաստատէ, որ հայրենասիրութիւնը սակարկելի չէ: Երբ Ազգային ժողովը կը վերածուի կեղծ օրինականութեան խարազանող սրահի, մեր բանակումի տաղաւարը կը դառնայ նուիրումի, զոհողութեան եւ լուսանցքէ դուրս մնացած ճշմարտութեան բեմ: Այս բանակումը պատահականութիւն չէ: Ան պատմութեան պահանջն է, ի պատասխան` վաղուան: Այդ պատասխանին մէջ է մեր ապագան, եւ այդ ապագան կերտողը` ՀՅԴ ԶՈՄ-ի եւ ԼԵՄ-ի ոգիով մեծցող երիտասարդն է: Եւ երբ մեր տղոց ոտքը հայրենի հողին կը դպչի, պատմութիւնը կը զարթնի ու ճշմարտապէս կ՛ըսէ. «Ահա՛ իսկական զաւակներս. որոնք չեն վաճառեր, չեն փախչիր, չեն յօժարիր: Անոնք պիտի վերագտնեն մեր խեղաթիւրուած յոյսը»: Այս ամառն ու այս բանակումը թող դառնան նոր իմաստի, նոր հաւատքի, նոր ճշմարիտ հայրենասէր մարդուն ծննդոց: Եւ այն 90 հոգիներուն ետեւէն գալու են հարիւրաւորներ, որովհետեւ ժողովուրդներ կ՛ապրին, երբ երիտասարդները ընտրեն պայքարիլ` յանձնուելու փոխարէն:

Ազդակ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company