ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

«Ալիք»ի Խմբագրական. Լիզբոնի ուղերձն ու հայրենավաճառութեան ընթացքը կանխելու օրակարգային պահանջը

27 Հուլիս 2025

44-օրեայ պատերազմից յետոյ, երբ ակնյայտ էր, որ ադրբեջանցիները պատերազմում տարած յաղթանակից յետոյ սկսելու են հետեւողականօրէն սեղմել օղակը Հայաստանի շուրջ, միանգամայն տրամաբանական պիտի լինէր ՀՀ իշխանութիւնների կողմից զգաստանալը, իրավիճակը ճիշտ գնահատելն ու հետագայ գործողութիւններին ու համարժէք քայլերին պատրաստւելը: Բայց չեղաւ: Փոխարէնը՝ աթոռը պահելու, հանրութեանը խաբելու, նրա հաւաքական գիտակցութիւնը խամրելու եւ զգօնութիւնը բթացնելու նպատակով շրջանառութեան մէջ դրւեցին մերկապարանոց ու փուչ յայտարարութիւններ, «խաղաղութեան», «իրական Հայաստանի», «լաւ ու լուսաւոր ապագայի» եւ… մասին խոստումներ, միեւնոյն ժամանակ, կատարելով որպէս «ոչ այլընտրանքային» ներկայացւող թշնամու պարտադրած բոլոր պահանջներն ու պայմանները:

Տւեցին Արցախը, սահմանազատման եւ սահմանագծման քօղի ներքոյ յանձնեցին գիւղեր ու տարածքներ /եւ շարունակելու են յանձնել/, աճուրդի են հանել ՀՀ ինքնիշխան տարածքի մի մասը, հրաժարւելու են Անկախութեան հռչակագրից եւ պահանջատիրութիւնից ու փոխելու են Սահմանադրութիւնը…եւ այսպէս՝ մինչեւ վերջ: Ուրեմն ի՞նչ, այսպէս Հայաստանի սահմանները մկրատելով ու կլորեցնելով հայութեան հայրենիք են թողնելո՞ւ, թէ՞ ընդամէնը թշնամու «բարեհաճութեանը» թողնւած հողատարածք՝ գոյութիւն քարշ տալու եւ գերեզմաններ ունենալու համար:

Եւ իրօ՞ք սա է «յարատեւ խաղաղութիւն» ու «բարեկեցիկ կեանք» ունենալու գինը, որի մասին անընդհատ յիշում ու յիշեցնում են Հայաստանի վարչապետի աթոռն զբաղեցնող անձն ու նրա քաղաքական թիմը:

Այս առումով, հարցի միայն մէկ կողմը, իրականում միայն մակերեսն է ՀՀ ինքնիշխան տարածքի գիւղի, բարձրունքի ու ձորի, քառակուսի կիլոմետրների կորուստն ու հայոց հայրենիքի ծւատումը: Իրականում, ինչպէս բազմիցս ենք ահազանգել, հայոց պետականութեան եւ հայրենիքի ապագայի, լինել-չլինելու հարցն է նժարին դրւած: Արցախի կորուստը, տարածքների յանձնումը միայն նախամուտքն էր: Յաջորդ քայլը, հաղորդակցութեան ուղիների ապաշրջափակման անւան ներքոյ «Թուրանական միջանցքի» կեանքի կոչելը, Անկախութեան հռչակագրից եւ պահանջատիրութիւնից հրաժարւելն ու Սահմանադրութեան փոփոխութիւնը կը նշանակի տան դռան բանալին անվերադարձ յանձնել թշնամուն:

Ժամանակն արագ է թռչում: Այն գործում է մեր դէմ, եւ արդէն վաղը կարող է ուշ լինել: Ուրեմն բա՛ւ է, գիտակցել է պէտք, որ Հայաստանը՝ ողջ հայութեան հայրենիքը, հայրենավաճառների տիրոյթը չէ, եւ չպէտք է թոյլ տալ, որ նրա հետ ինչպէս կամենան՝ վարւեն: Ժամանակն է ոտքի կանգնել, թօթափել անտարբերութիւնն ու խարխափումները եւ պայքարի նետւել՝ առաջնորդւելով մեր Ճամփան լուսաւորող փարոսով, մեր ուղենշով եւ ուղեցոյցով՝ ԼԻԶԲՈՆԵԱՆ ՊԱՅՔԱՐԻ ՈԳՈՎ:

42 տարի առաջ, Լիզբոնի 5 ողջակէզ հերոսները մեզ ցոյց տւեցին, թէ ինչպէս է պէտք վարւել, երբ իրավիճակը թւում է անյուսալի եւ փակուղային: Նրանք մեզ սովորեցրին, որ ընկրկել պէտք չէ, անգամ այն ժամանակ, երբ թւում է, թէ որեւէ բան անել հնարաւոր չէ: Նրանք մեզ սովորեցրին, որ ամէն պարագայում յանձնւողականութիւնը մերժելի է, եւ չպէտք է հրաժարւել մէկ թիզ հայրենի հողից անգամ, եթէ, թէկուզ, այն գերւած է ու թւում է անհասանելի:

Նրանք մեզ սովորեցրին, որ Քրիստափոր Միքայէլեանի՝ «ՅԱՐԵՏԵՒ ԿՌՒԻ» անմահ տեսութիւնը, ոչ թէ անմիտ մոլագարութիւն է, այլեւ անբեկանելի բանաձեւ՝ բոլոր ժամանակներում սեփական իրաւունքը, ազատութիւնը եւ արժանապատւութիւնը պաշտպանելու համար:

Նրանք մեզ սովորեցրին, որ Գարեգին Նժդեհի՝ «ՈՒԺՆ Է ԾՆՈՒՄ ԻՐԱՒՈՒՆՔ: ՈՒԺԵՂԻՆՆ Է ԱՇԽԱՐՀԸ, ՀԱՅՐԵՆԻՔԸ, ԱԶԱՏՈՒԹԻՒՆԸ ԵՒ ԱՄԷՆ ԻՆՉ» պատգամը անշրջելի բանաձեւ է պատմութեան երկայնքով ձգւող, որից հրաժարւելն ինքնակամ դէպի կառափնարանի ուղին բռնել կը նշանակի:

Եւ վերջապէս նրանք մեզ պատգամեցին, որ ԻՐԱԿԱՆ ՀԱՅԱՍՏԱՆ ասելով, մենք պէտք է հասկանանք ոչ թէ ինչ-որ տարածք, գոյութիւն քարշ տալու համար, այլեւ հիմնաքար, որի առանցքի շուրջ պէտք է ձեւաւորւի վաղւայ Հայաստանը, ՄԻԱՑԵԱԼ ՀԱՅԱՍՏԱՆԸ, բոլոր հայերի հայրենիքը, որին խոցել այլեւս անկարող պէտք է լինեն թշնամիներն ու ոսոխները:

Սա է Լիզբոնի ուղերձը մեզ, որի գաղափարական ժառանգները պէտք է դառնանք այսօր, եթէ, իհարկէ, ցանկանում ենք ապրել եւ գոյատեւել որպէս ազատ եւ արժանապատիւ ազգ:

Չկա՛յ այլընտրնաք: Միւս բոլոր ուղիները տանելու են դէպի կործանում, ինչպէս՝ այն ուղին, որով շարժւում են հայրենավաճառներն այսօր:

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company