ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Երբ չի մնում խելք ու հանճար․․․

19 Օգոստոս 2025

Ներողութիւն, կրկին ու կրկի՛ն ներողութիւն՝ ամէն հայու սրտին խօսող, համայն հայութեան կամքը արտայայտող մեծ բանաստեղծ՝ Պարոյր Սեւա՛կ։ Հաւանաբար դուն ալ, եթէ անդենական մեկնած չըլլայիր, շատ աւելի ցնցիչ եւ խարանող գրիչով կը պատասխանէիր մեր «ամենա(տ)գէտ» վարչապետին, որ Երկուշաբթի, 18 Օգոստոսի երեկոյեան իր արտասանած ուղերձին մէջ, հրոյ ճարակ դարձուց, «ընկղմեց» ու մէկդի շպրտեց մեծ գուրգուրանքով եւ հաւատքով յօրինուած՝ «Սարդարապատ» երգ-բանատեղծութեանդ մէջ նկարագրած հայորդիին պայքարելու կամքն ու բերկրանքը։

Այսպէս․․․ Երբ չի մնում խելք ու հանճար, փոխան ելքի ու ճարի, նէօ-խենթերն են գտնում հնար։ Չշարունակենք եւ աւելի եւս չաղաւաղենք այդ սրտամօտ երգը։

Տաժանակիր աշխատանք է ու պատիժ՝ կէս ժամ հետեւիլ այս «ազգընտիր»-ին կեղծիքներուն, յերիւրանքներուն, ձաբռտուքներուն, ափեղցփեղ յայտարարութիւններուն եւ վերլուծումներուն։ Ի՜նչ տաղանդ, ի՜նչ ձիրք։

Ուրկէ՞ սկսիլ, ի՞նչ խաղաղութեան մասին խօսիլ եւ ինչպիսի՞ խաչմերուկի հասնիլ։

Ոստիկանական պետութիւն մը ստեղծած այս «ղեկավար»-ը կը խօսի ժողովուրդին անունով, ժողովուրդ մը, որուն ամենէն արդիական միջոցներով կլլեցուցած է եւ դեռ ալ կը կլլեցնէ, թէ ինք կը կիրարկէ ժողովրդավարութիւն եւ կը վայելէ ժողովրդականութիւն: Եւ կը յոխորտայ, թէ ժողովուրդը եթէ իր հնարած չնաշխարհիկ «խաղաղութեան խաչմերուկ»-ին դէմ ըլլար՝ յեղափոխութիւն կատարած պիտի ըլլար․․․։

Սակայն նոյն այս ժողովուրդը վերջին տարիներուն քանի՛-քանի անգամ ձայն բարձրացուց ՔՊ-ականներու բերած կորուստներուն դէմ եւ ճնշուեցաւ ամենաբիրտ միջոցներով. ինչպէ՞ս չյիշել անցեալ Յունիս 12-ին, ոստիկանական հրոսակախումբին գործածած զինամթերքը, կասեցնելու ցուցարարները. կարելի՞ է մոռնալ անհիմն մեղադրանքներով բանտարկեալները՝ ընդդիմադիր հայորդիէն մինչեւ սքեմաւոր առաջնորդներ․․․

Զիկմունտ Ֆրէօտի կամ Ֆրիտրիշ Նիցչէի նման հոգեբոյժի եւ փիլիսոփայի պատմուճան հագուելով, ան կը յաւակնի հոգեբանական մտացածին եւ նոյնքան անհիմն դարմաններ բերել, եւ հաստատել, թէ մեր կեանքը, կենցաղն ու խօսոյթը միշտ ալ պատերազմով բնորոշուած են, թէ՝ զանոնք պէտք է փոխարինել խաղաղութեամբ: Եւ ահա գիւտերուն գի՜ւտը. կ’ըսէ, թէ չափազանց նուրբ ընկերային-հոգեբանական, հանրային-քաղաքական, կառավարչական-տնտեսական աշխատանք է, որ պէտք է տարուի միասնաբար, ձեռք-ձեռքի։

Արցախին մասին յստակ էին… «ծամծմած» բառերը։ ԵԱՀԿ-ի Մինսքի խումբին լուծարքով եւ Ալմա-Աթայի 1991 թուականի (կապ չունեցող) հռչակագրին լոյսին տակ, ան պարզ ու մեկին ծախած է Արցախն ու արցախահայութիւնը, իսկ ռազմագերիներու գծով կատարած կիսատ-պռատ յայտարարութիւնները յաւելեալ քարիւղ կը թափեն կրակին վրայ։

Կտակարանէն օրինակ բերելով եւ գինիի պատրաստութեան մասին դրուագը պատմելով, հիմա ալ մառանապետի կօշիկներուն մէջ մտնելով, ան փորձեց բարձրացնել բաժակը, բացատրելով, որ «գինին ածում են նոր տիկերի մէջ», կարծելով, թէ նոր գաղափարները մատչելի են ապագայ սերունդին:

Ան մեծ ակնածանքով գովաբանեց Հայաստանի Հանրապետութեան տարածքին մէջ կառուցուելիք «Յանուն միջազգային խաղաղութեան եւ բարգաւաճման՝ Թրամփի ուղի»-ն, աւելցնելով, թէ այսպէսով ապաշրջափակուած պիտի ըլլայ մեր երկիրը: Արդեօք աւելի ճիշդ պիտի չըլլա՞ր գործածել «համաշրջապատուած» եզրոյթը։ Բնականաբար, երկիրը 44-օրեայ պատերազմին մէջ ընկղմած եւ պարտութեան տարած «ազգընտիր»-ը, որ զարմանալիօրէն դեռ կառչած կը մնայ վարչապետի աթոռին, երբեք չ’ուզեր խօսիլ «համաթուրանական»-ութեան մասին։ Խորքին մէջ, հոն զարմանալի բան չկայ, որովհետեւ ան մէկ դրօշակիրը, գործի՛քը դարձած է այդ ծրագիրին…

Պատերազմի եւ պարտութեան մասին խօսելով, այս անուղեղ մարդը, անամօթաբար եւ խղճի ամենայն հանգստութեամբ, պատերազմն ալ խաղալիքի վերածած է, նոյնիսկ բազմիցս նշելով հազարաւոր նահատակները: Ի՞նչ որակում տալ հետեւեալ «փիլիսոփայութեան». «Եթէ դու գտնւում ես յաղթանակի ու պարտութեան ընտրութեան միջեւ, այսինքն՝ քո ընտրութիւնը կա՛մ յաղթանակն է, կա՛մ պարտութիւնը, քո պարտութիւնն անխուսափելի է, քանզի դու կարող ես յաղթել մի անգամ, երկու անգամ, երեք անգամ, թէկուզ հինգ կամ տասն անգամ, բայց ի վերջոյ՝ քո պարտութիւնն անխուսափելի է, ու դու անխուսափելիօրէն կը պարտուես, որովհետեւ անվերջ յաղթել հնարաւոր չէ»։ Սա ի սկզբանէ պարտեալի հոգեվիճակի եւ անկէ բխած ցնդաբանութեան աղաղակող օրինակ է: Եւ ինչպէ՞ս չյիշել Միացեալ Նահանգներու նախկին պաշտպանութեան մէկ նախարարին (Տանըլտ Ռամսֆէլտ) նոյն որակի դատարկաբանութիւնը՝ «գիտցուած չգիտցուած բաներ»-ու մասին…

Երեւակայեցէ՜ք, սեւակեան պատգամին հետեւողութեամբ խօսքեր կը փոխանցէ ժողովուրդին՝ վարչապետ կոչեցեալ մը, որ «լաւ է լինելու»-ն կ՛ուզէ վերաորակաւորել, եւ ի տես կառուցուող (թէ՞ քանդուող) «խաղաղութեան ճանապարհ»-ին՝ փոխարինել «լաւ է»-ով։

Չէ՛, պարո՛ն «ազգընտիր», լաւ չէ՛, բացարձա՛կապէս լաւ չէ վիճակացոյցիդ արդիւնքները։ Նոյնիսկ բաւարար ալ չէ։ Վերաքննելի՞ ․․․շա՜տ։ Ձախողա՞ծ, բոլո՛ր դասերուդ մէջ: Դասարանդ կրկնելէ աւելի՝ շատո՜նց դպրոցէն դուրս նետուելու կարգավիճակին մէջն ես։

Ժամանակն է այլեւս, որ ազգովին յիշենք Սեւակի անժամանցելի պատգամը եւ ձեռքերն ու ձայները միացնենք սարդարապատեան կամքով.

Երբ չի մնում ելք ու ճար,
Խենթերն են գտնում հնար․․

«Հայրենիք» – Պոսթըն
Խմբագրական

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company