ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Ծախողը, գնողը եւ զոհերը…

26 Նոյեմբեր 2025 Եթէ ամերիկացիք, իրենց հետ նաեւ աշխարհը եթէ պահ մը աչքերը հեռացնեն Սպիտակ տան պետին շուրջ մերթ ընդ մերթ բարձրացող փոթորիկներու դաշտէն (արհամարհելի բաներ չեն, բայց չափի սահման մը կայ, չէ՞), պիտի նկատեն, որ քարոզչական մեքենաները ո՛չ միայն ապուշութեան կը տանին աշխարհի բնակիչները, այլ նաեւ կը քողարկեն ցաւցնող իրականութիւններ, որոնք ընդհանրապէս կը կորսւին յիշեալ եւ այլ՝ նմանօրինակ փոթորիկներու փրփուրներուն մէջ:

Քարոզչական-տեղեկատւական աղբիւրներու արշաւներուն մէջ, դարձեալ առաջին դիրքը գրաւած է Ուկրաինոյ պատերազմն ու անոր վերջ տալու հաւաստիքները, այդ նպատակով՝ դիւանագիտական հաղորդակցութեանց վերաշխուժացումը: Վերջին օրերուն, կը հաղորդեն, որ յառաջիկայ շաբաթ, «նարնջագոյն մարդ»ուն պատւիրակը՝ Սթիւ Ուիթքոֆ Մոսկւա պիտի երթայ, Պուտինի հետ քննարկելու համար խաղաղութեան ծրագիր մը, որուն շուրջ քաղաքական սակարանին մէջ հսկայ վերիվայրումներ կարձանագրւին, ընդունելի պէտք է ըլլայ-ընդունելի չէ-ի բանավէճը տաք կրակի վրայ դրւած է: Ինչ որ բացայայտւած է այդ ծրագիրէն, եւ Թրամփ ալ բաւական յստակ բառերով խօսած է քանիցս, այն է, որ Ուկրաինա կարողութիւնը չունի շահելու պատերազմը, պէտք է հողային զիչումներ ընէ ռուսերուն, հրաժարի ՆԱՏՕ-ին անդամակցելու ցանկութենէն, կրճատումի ենթարկէ իր բանակին թիւը: Ասոնք ըսւած կէտերն են, յայտնապէս կան վարագոյրին ետին պահւող կէտեր ալ:

Մէկ խօսքով, Ուկրաինոյ կըսեն. մօտաւորապէս հինգ տարի առաջ, մենք ամէն բան ըրինք ու քաջալերեցինք քեզ, որպէսզի Ռուսիոյ դէմ պատերազմ յայտարարես, պահանջ դնես ՆԱՏՕ-ին անդամակցելու, յետոյ, մեր զէնքի շտեմարանները բացինք քեզի համար, Ռուսիոյ դէմ տնտեսական եւ այլ պատժամիջոցներ որդեգրեցինք, հիմա, մեր տրամադրութիւնները փոխւած են, պէտք է ընդունիս ամէն տեսակի կորուստ եւ զիջում, որպէսզի Թրամփ յոխորտայ, թէ քանի՞ պատերազմ դադրեցուցած է (իսկ թէ «դադրեցւած»ները ի՞նչ վիճակի է՝ ձեզի կրնան պատասխանել Գազայի ու Արեւմտեան Ափի պաղեստինցիները, Լիբանան, քիչ մըն ալ դրացի երկիրները): Մէկ խօսքով, Արեւմուտքը կը ծախէ Ուկրաինան, ի՛նչ որ ալ ըլլան եւրոպացիներուն «բարի տրամադրութիւնները»:

Ինչպէս ըսինք, այս ծրագիրին շուրջ խօսքի աճուրդը եւ մեկնաբանութիւններու սակարանը կը բանին աշխուժօրէն, առանց յստակացնելու, թէ լեռը արդեօք փի՞ղ, թէ՞ մրջիւն պիտի ծնի: Ոմանք կը կարծեն, թէ փիղ գոյութիւն չունի, այլ կայ… խոզուկ մը՝ կռնակին ճեղք մը ունեցող խոզանման տփիկ մը՝ գանձանակ մը, որ դրւած է բանակցութեանց սեղանին վրայ. եւ խոզուկին հոգն անգամ չէ, թէ Ուկրաինոյ մէջ (նաեւ ռուսական կողմէն) քանի՞ մարդ սպանւած է, քանի քաղաք ու բնակավայր փոշիացած են, քանի՞ միլիոն գաղթական, որբ ու տնազուրկ կայ:

***

Մեր այս նշումները նորութիւն չեն, սակայն զանգւածային քարոզչական մեքենաները, որոնք ունին նաեւ լրատու աղբիւր անունը, ընդհանրապէս նման իրականութիւններ կը պահեն հակամարտութիւններու՝ ռազմական գործողութիւններու ծալքերուն մէջ: Վերջին ամիսներուն, ուշագրաւ զարգացումներ տեղի կունենան արեւմտեան զինակցութեան դաշտին մէջ. Եւրոպա բացայայտօրէն հակադրւած է Վաշինգտոնի: Մինչ ամերիկացիք կը փորձեն հազար ու մէկ աղբիւրէ ջուր բերել եւ աշխարհին ներկայանալ «խաղաղութիւն պիտի բերենք»ի դիմակով, եւրոպացիք նստած են «պատերազմը պէտք է շարունակւի, մենք ամէն ձեւով պիտի շարունակենք Ուկրաինան զինել, անոր աջակից կանգնիլ» աթոռին վրայ, եւ սա կարդարացնեն «մեր ապահովութիւնը կը պաշտպանենք»ով:

Այս պատկերը ունի բազմաթիւ ծիծաղելի եւ… ողբերգական երեսներ: Եւրոպացիներուն համար գաղտնիք չէ, որ իրենք առանձինն չեն կրնար բաւարարել Զելենսքիի՝ պատերազմը շարունակելու ախորժակը: Գիտեն – բայց կաշխատին իրենց ժողովուրդներէն ծածկել – այն՝ որ Ուկրաինոյ ղրկւող-ղրկւելիք զէնքերուն մեծ մասը կու գայ ովկիանոսին միւս ափէն, իրե՛նք են փոխարժէքը վճարողը (կը յիշէ՞ք, Թրամփ քանի մը ամիս առաջ ճակատաբաց յայտարարեց, որ ինք այլեւս զէնք պիտի չտայ Զելենսքիի, պահանջեց, որ եւրոպացիք ամերիկեան զէնք գնեն եւ Ուկրաինա հասցնեն): Եւ հիմա, կը յամառին այդ մրցավազքը, իրե՛նց իսկ ձեռքով հարւածներ տալով իրենց տնտեսութեան, ժողովուրդներու բարօրութեան…

***

Չորեշաբթի, 26 նոյեմբերին, մեր ուշադրութիւնը գրաւեց եւրոպական պատկերասփիւռի կայանէ մը տրւած լուր մը եւ անոր մեկնաբանութիւնը: Մեկնաբանը (նման մեկնաբանութիւններ հալած իւղի պէս կլլելու սովորութիւն չունինք) ըսաւ, որ ռուսեւամերիկեան բանակցութիւնները իսկութեան մէջ շատ ալ կապ չունին Ուկրաինոյ պատերազմին հետ: Թրամփ-Պուտին (Ալասքայի մէջ, օգոստոսի կիսուն) հանդիպումէն ասդին, կողմերը օրակարգի նիւթ ունին առաւելաբար տնտեսական-առեւտրական եւ այլ՝ շահակցական հարցեր: Ըստ այս մեկնաբանին՝ Ռուսիա եւ Միացեալ Նահանգներ կաշխատին ԵՐԿԿՈՂՄԱՆԻ համաձայնութիւն գոյացնել եւ պատերազմը հասցնել իրենց համար բաղձալի աւարտի մը, ԴՈՒՐՍ ՁԳԵԼՈՎ ԵՒՐՈՊԱՆ, որ, ինչպէս ծանօթ է, մէկ կողմէ կը պաշտպանէ ու կը զինէ Ուկրաինան, ու միւս կողմէ՝ պատժամիջոցներ կը սահմանէ Ռուսիոյ դէմ, սակայն նոյնքան վնասւելով այդ միջոցառումներէն: Յիշող կա՞յ, որ Թրամփ ամիսներ առաջ ապահովեց Ուկրաինոյ բնական հարստութիւնները՝ սուղ մետաղները իր գրպանը հոսեցնելու իրաւունքը: Անկէ ետք՝ ի՜նչ Ուկրաինա, ի՜նչ Զելենսքի: Կեցցէ՛ խոզուկաձեւ գանձանակը: Զելենսկի եւ Ուկրաինա շատո՜նց իրաւունք ունին ձայնակցելու արաբական հռչակաւոր երգչուհի Սապահի, որ աւելի քան 50 տարի առաջ երգած է զւարճալի երգ մը՝ «Տախլ-աայունաք հաքինա…»: (*)

Եւրոպացի ժողովուրդները կանդրադառնա՞ն արդեօք, որ այս ընթացքով, իրենց ղեկավարները կը կրակեն իրենց սեփական զո՛յգ ոտքերուն (այս նշումը ռուսական կողմի պաշտպանութիւն չէ): Այլ խօսքով, ուկրաինացիներուն պէս՝ եւրոպացիք ալ զոհ կերթան այս պատերազմին, որուն շուրջ իբրեւ շահակիցներ կը բանակցին երկու գերուժերը:

Մեկնաբանութիւնները, ըսինք, ունին իրենց տարածուն սակարանը, սակայն հազւադէպ է, որ մէկն ու մէկը ա՛յսքան բաց աչքերով կը դիտէ իրականութիւնը եւ կը փորձէ բանալ նաեւ եւրոպացի զոհերուն աչքերն ու ականջները: Իսկ թէ որքա՞ն կը յաջողի՝ արդէն այլ հարց, աչքի առջեւ ունենալով պատերազմի հրահրման-դադարեցման մասին խօսքի ու մեկնաբանութիւններու խօսքի աճուրդները, հեղեղնե՛րը:

***

Արդեօք նման չոր ու դաժան իրականութիւններ բան մը կըսե՞ն մեզի՝ հայութեան, մասնաւորաբար մեր հայրենիքի հողին վրայ մեզի պարտադրւող նահանջներու եւ կորուստներու դիպաշարին լոյսին տակ, որովհետեւ ականատես ենք իշխանաւորներու «աննահանջ» վազքին՝ թշնամիին ծրագիրներուն իրականացման եւ զանոնք իբրեւ խաղաղութեան ծիծեռնարկներ ներկայացնելու՝ քարոզչութեան դաշտերուն մէջ: Թուրքիա եւ Ադրբեջան օր-աւուր կը խօսին «Զանգեզուրի միջանցք»ի իրե՛նց, այսինքն՝ թրքական աշխարհի միացնող ծրագիրներուն մասին, ինչ որ բացայայտ ցուցանիշ է, թէ Սիւնիքն ալ պիտի մատնւի Ուկրաինոյ ճակատագիրին: Չէ՞ որ ՔՊ-ականները տարւած են – կաշխատին ազգն ալ վարակել – այն խաբէութեամբ, որ «Թրամփի Ուղի»ն, դէպի Եւրոպա վազքը հրաշքնե՜ր պիտի բերէ Հայաստանին ու մեր ժողովուրդին, մինչդեռ չոր իրականութիւնը կըսէ, որ Հայաստանի կորուստներուն դիմաց, կը շահին մեր անմիջական թշնամիները եւ անոնց ետին կանգնող՝ շահակիցները:

…Երէկ, բարեկամ մը հեռաձայնեց, եւ վրդոված յայտնեց, թէ ազերիները Արցախի կոթողներէն մէկուն ալ՝ «Մենք ենք մեր լեռները» յուշարձանին վնասներ հասցուցած են, իսկ մեր իշխանաւորները կը պահպանեն լուռ հանդիսատեսի եւ «խաղաղութիւն ամէն գնով»ի դիրքը:

Բարեկամիս չպատասխանեցի, սակայն մտածեցի. «Չէ՞ որ ՔՊ-ապետն ու թութակները կը քարոզեն, թէ Արցախը Ադրբեջանի կը պատկանի, ազերիները կրնան հոն ընել այն՝ ինչ որ կուզեն: Չէ՞ որ մեր քթին տակ Ծիծեռնակաբերդի յուշարձանը կիսաքանդ դարձուցին՝ հաճոյանալու համար թշնամիին, վաղը իրենց ձեռքերը կրնան հասնիլ Սարդարապատի եւ Արդարահատոյցներու յուշարձաններուն, Էջմիածի՛ն, չէ՞ որ ընդդիմադիր «ռեւանշիստներ» բանտերը կը լեցւին, չէ՞ որ նոր Սահմանադրութիւն պիտի մշակեն, մի՛շտ ու միշտ ենթարկւելով թշնամիի թելադրանքներուն, չէ՞ որ.. չէ՞ որ…»:

Իսկ մեր ժողովո՞ւրդը՝ Հայաստանի մէջ եւ Սփիւռքի տարածքին: Դեռ որքա՞ն վնաս պէտք է կրենք ու խաբւինք, որպէսզի շարժինք ու համախմբւինք՝ պատմութեան անիւը իր հունին վերադարձնելու համար պայքարող ընդդիմադիրներու երթին:

(*) Սիրահարը կը գովերգէ աղուր աչքեր ունեցողը, սակայն կողբայ, որ ան զինք ջրհորին կէսը հասցուցեր է եւ չւանը կտրեր է:

Ս. ՄԱՀՍԷՐԷՃԵԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company