«Աշնանը Հայաստանի համար սպասվում են ծանր զարգացումներ»,- լրագրողների հետ զրույցում հայտարարեց ՀՅԴ Հայաստանի ԳՄ ներկայացուցիչ, ԱԺ «Հայաստան» խմբակցության պատգամավորը։

«Սահմանագծման-սահմանազատման անվան տակ իրենք պատրաստվում են Հայաստանից նոր տարածքներ հանձնել, և երբ հարցնում ենք, չեն ժխտում։ Պատրաստվում են, չունենալով համապատասխան քվե, փոխել Սահմանադրությունը»,- նշեց նա։

«Մեր երկրի առջև շատ ավելի լուրջ, շատ ավելի կարևոր, շատ ավելի հրատապ և առաջնային օրակարգեր կան: Մեծ հաշվով՝ Հայկ Կոնջորյանը կլինի ԱԺ փոխնախագահ, թե ուրիշ մի քանիսը, խոշոր հաշվով՝ ընդհանրապես տարբերություն չկա:

Մեր երկրի առջև կանգնած մարտահրավերները հետևյալն են՝ հայ-ադրբեջանական հարաբերություններ, սահմանագծում և սահմանազատում:

Հստակ հարցադրում եմ արել. կարո՞ղ եք երաշխավորել, որ Հայաստանի Հանրապետության տարածքից նոր զիջումներ չեք անելու, կոնկրետ Տիգրանաշենը չեք հանձնելու։ Մարդիկ չեն ժխտել:

Աշխարհաքաղաքական իրավիճակը, հայ-ռուսական հարաբերությունները, մեր տնտեսությունը, որը կարճ ժամանակ հետո կանգնելու է ծանր ու բարդ խնդիրների առջև․ սրանք են մեր երկրի կարևոր և առաջնային օրակարգերը:

Բայց ակնհայտ պրոցես է տեղի ունենում այս հիմնական, գլխավոր, քաղաքական ու խորքային հարցերից շեղելու՝ ապօրինի գույք, անձնական, չգիտեմ՝ քո ախպերը, քո քույրը, քո հերը, քո մերը… Բայց շատ ավելի գլոբալ խնդիրներ կան, որոնց վրա պետք է կենտրոնանալ»,- այս մասին լրագրողների հետ զրույցում ասաց «Հայաստան» խմբակցության պատգամավոր Իշխան Սաղաթելյանը։

Մանրամասն՝ տեսանյութում

https://youtu.be/ennZleL7eIU