Այսօր՝ սեպտեմբերի 14-ին ՀՀ երկրորդ նախագահ Ռոբերտ Քոչարյանի գրասենյակում տեղի ունեցավ ՀՀ ԱԺ «Հայաստան» խմբակցության պատգամավոր, ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Լիլիթ Գալստյանի, «Հայաստան» խմբակցության պատգամավոր Մեսրոպ Մանուկյանի և փաստաբան Տաթևիկ Սողոյանի ասուլիսը։

Հայաստանի չորս առաջատար ընդդիմադիր ուժերի ղեկավարների նկատմամբ իրականացվում են քաղաքական ճնշումներ և հալածանքներ․ նրանք կա՛մ ճաղերի հետևում են, կա՛մ գտնվում են տնային կալանքի տակ. հայտարարեց Լիլիթ Գալստյանը։

«Ընդդիմության առաջնորդների նկատմամբ նախաձեռնվող ապօրինի գործընթացները վկայում են Հայաստանում մարդու իրավունքների պաշտպանության ոլորտում խորացող ճգնաժամի, արմատավորվող ավտորիտար ռեժիմի և սաստկացող քաղաքական հալածանքների մասին», — հավելեց նա։

Պատգամավորը ցավով նշեց, որ իշխանությունների կողմից «ժողովրդավարության բաստիոն» հռչակված Հայաստանը իրականում վերածվել է կոնցլագերի կամ համակենտրոնացման ճամբարի։ «Սրանք այսօրվա Հայաստանի ահավոր իրողություններն են, որոնք օրեցօր վատթարանում են։ Սակայն, երբ մենք մարդու իրավունքների ոտնահարման և ուժեղացող քաղաքական ճնշումների հետ կապված իրավիճակը ներկայացնում ենք դիվանագիտական կորպուսի և միջազգային կազմակերպությունների ներկայացուցիչներին, ակնհայտ է դառնում, որ հռչակված եվրոպական արժեքները, որոնց մենք այդքան հավատում էինք, չեն համապատասխանում իրականությունը», — ասաց Գալստյանը։

Չնայած դրան, նրա խոսքով, ընդդիմությունը շարունակում է ակտիվորեն համագործակցել միջազգային իրավապաշտպան կազմակերպությունների հետ և նրանց է փոխանցում փաստաթղթեր ու փաստեր, որոնք վերաբերում են ոչ միայն ընդդիմադիր առաջնորդների հետապնդումներին, այլև ընդհանուր առմամբ ժողովրդավարական իսկական սկզբունքներից նահանջին։ «Այնուամենայնիվ, մենք շարունակում ենք ինտենսիվ շփումներ պահպանել միջազգային իրավապաշտպան կառույցների հետ, նրանց ենք ներկայացնում տարբեր փաստաթղթեր և փաստեր, որոնք վերաբերում են ոչ միայն ընդդիմադիր առաջնորդների հետապնդումներին, այլև առհասարակ ժողովրդավարության այն ցավալի նահանջին, որն այսօր արձանագրում ենք», — եզրափակեց նա։

Այնտեղ, որտեղ իշխանության բոլոր ճյուղերը կենտրոնացած են գործադիրի ձեռքում, չի կարող արդարադատության հիմքում լինել վրեժխնդրությունը։ Չեն կարող վրեժխնդրությունը, հալածանքը, մարդու իրավունքների հնարավոր բոլոր ոտնահարումները լինել արդարադատության հիմքում։ Չի կարող ժողովրդավարական երկրում ջնջված լինել սահմանը դատական, գործադիր և օրենսդիր իշխանությունների միջև, ինչը Հայաստանում, ցավոք, իրականություն է»,- այս մասին այսօր՝ սեպտեմբերի 14-ին, հայտարարեց ԱԺ «Հայաստան» խմբակցության պատգամավոր Լիլիթ Գալստյանը։

Փաստաբան Տաթևիկ Սողոյանն էլ ասաց, թե Քոչարյան ընտանիքի բնակարաններում իրավապահ համակարգի խուզարկություններից տպավորություն է ստացել, որ դա ունեցել է ոչ թե հանցագործությունը բացահայտելու կամ դրան առնչվող առարկաներ առգրավելու նպատակ, այլ՝ քարոզչական։

Նա նշեց, թե խուզարկության որոշումները բողոքարկվել են։

Մեսրոպ Մանուկյանի գնահատմամբ՝ Ռոբերտ Քոչարյանի նկատմամբ իրականացվող հետապնդումները տեղի են ունենում այն պայմաններում, երբ Հայաստանի առաջ մի շարք լուրջ մարտահրավերներ են ծառացած։

Պատգամավորի խոսքով՝ այդ մարտահրավերներից առաջինը Նիկոլ Փաշինյանի և Ադրբեջանի նախագահ Իլհամ Ալիևի կողմից բարձրաձայնվող անկլավների հարցն է։

Մանուկյանի մատնանշած հաջորդ մարտահրավերը Սահմանադրության փոփոխությունն է։

«Ալիևյան սահմանադրությունը, պահանջը դրել է Ալիևը, այս իշխանությունն ամեն կերպ փորձում է կյանքի կոչել»,- ասաց նա։

Ասուլիսի ավարտին Լիլիթ Գալստյանն իր ամփոփիչ խոսքում ասաց. «Հայաստանի եվրոպական ուղղության ընտրությունը պետք է համապատասխանի Հայաստանում առկա քաղաքական բովանդակությանը։

Սա նշանակում է, որ երկրում չպետք է լինեն քաղաքական հալածյալներ, չպետք է լինեն քաղաքական բռնաճնշումներ, ինչի ականատեսն ենք այսօր։ Այն իրականությունը, որը սահմանադրական է, իրավական է, բխում է մեր միջազգային պարտավորություններից, բոլորովին կապ չունի այսօրվա նահանջող ժողովրդավարական արժեքների հետ։ Եվ միջազգային բոլոր ինդեքսներն այդ մասին են խոսում՝ Հայաստանը ժողովրդավարության լուրջ նահանջ ունի։

Այնտեղ, որտեղ իշխանության բոլոր ճյուղերը կենտրոնացած են գործադիրի ձեռքում, չի կարող արդարադատության հիմքում լինել վրեժխնդրությունը։ Չեն կարող վրեժխնդրությունը, հալածանքը, մարդու իրավունքների հնարավոր բոլոր ոտնահարումները լինել արդարադատության հիմքում։ Չի կարող ժողովրդավարական երկրում ջնջված լինել սահմանը դատական, գործադիր և օրենսդիր իշխանությունների միջև, ինչը Հայաստանում, ցավոք, իրականություն է»:

Մանրամասները՝ տեսանյութում