Yerevan.today-ի զրուցակիցը ՀՅԴ Գերագույն Մարմնի անդամ Լիլիթ Գալստյանն է.

Հարցազրույցն ամբողջությամբ՝ տեսանյութում.

Ստորև ներկայացնում ենք հարցազրույցից մեջբերումներ.

«Երեկվանից ողջ հասարկությունը հարց ունի՝ այս ի՞նչ է: Մենք բախվեցինք քաղաքական և իրավական նոնսենսի հետ:

Երկրի թիվ մեկ քաղաքական պատասպանատուն իշխանության ճյուղերից մեկի նկատմամբ հանդես եկավ ճնշումների կոչով:

Որքան փորձեցի այսօրվա նման միջադեպ աշխարհում գտնել՝ չգտա:

Հեղափոխությունն ինքն իր մեջ հակահեղափոխություն է պարունակում:

Քաոսային իրավիճակը սասանում է ՀՀ պետականության հիմքերը:

Այս ողջ քաոսի պատասխանատուն և հետևանքների պատասխանատվությունը ընկնում է Նիկոլ Փաշինյան վարչապետի վրա:

Մի վտանգավոր ընթացք է, որ առանց այդ էլ մարտահարավերներով Հայաստանին նոր մարտահրավերն է հրամցվում:

Նիկոլ Փաշինյանի կողմից շարունակ թշնամիներ փնտրելու մոլուցքը փիլիսոփայություն և բանաձև է այսօրվա իշխանության համար:

Սա սպառնալիք է ՀՀ ազգային անվտանգությանը: Երեկվա հայտարարությունը ինստիտուցիոնալ փլատակների տարավ դատական ոլորտը:

Շարունակ տեղի-անտեղի ժողովրդին հղում անելը, ժողովրդի անունը շահարկումների առիթ է դարձել:

Մի կողմից գործ ունենք իշխանության սահմանազանցման մյուս կողմից անգործության հետ:

Նրանք ունեին բավական երկար ժամանակ խորքային բարեփոխումների, այդ թվում դատաիրավական ոլորտում:

Մեր հասարակությունը արդարորեն փոփոխություն էր ուզում: Ժողովրդի սպասումները չեն իրականացվում և արդարացի է ժողովրդի ցասումը:

Օրենքով արգելված է դատավորների վրա ճնշումը, դա համաշխարհային օրենք է։

Մենք ունեցանք գործադիրի կողմից ճնշում դատաիրավականի վրա: Ոստիկանության խնդիրն է արգելելու, բայց բոլորը նայում են ինչպիսի հրաման կտա վարչապետը անկախ նրանից օրինական է, թե՝ ոչ:

Դավադիրներ փնտրելը անհավասարակշիռ վարքագիծ է:

Բռնության խոսքային մակարդակը՝ ծեփելու, ասֆալտին փռելու, խոսքային մակարդակից դառնում է գործողություն և դառնում է անպատժելիություն:

Հաջողվեց ժողովրդից ամբոխ ստեղծել, իսկ ամբոխը ղեկավարվում է ոհմակային մտածելակերպով»: