ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • Հայաստան
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Հայաստան
  • Ասուլիսներ

Իշխանությունները խոստացել էին իջեցնել գազի գինը, բայց հիմա խոսվում է գնի պահպանման մասին

17 Դեկտեմբեր 2018 Առհասարակ, ողջունելի է պետական կառավարման համակարգի արդյունավետության աճին ուղղված ցանկացած գործողություն. Այս մասին այսօր՝ դեկտեմբերի 17-ին, «Բլից ինֆո» ակումբում հրավիրված մամուլի ասուլիսի ժամանակ ասաց ՀՅԴ «Հրայր Մարուխյան» հիմնադրամի աջակցությամբ ստեղծված Աշխատանքային իրավունքների պաշտպանության գրասենյակի ներկայացուցիչ, տնտեսագետ Սուրեն Պարսյանը:

Անդրադառնալով պետական կառավարման արդյունավետությանը` նա նշեց, որ ինչպես Կարեն Կարապետյանի, այնպես էլ Նիկոլ Փաշինյանի կառավարությունը կառավարման արդյունավետության աճը հասկանում է ծախսերի կրճատմամբ: «Այսինքն` որքան հնարավոր է ծախսերը կրճատելով` ցույց տալ, որ արդյունավետ են գործում: Այս դեպքում ազգաբնակչության և պետության համար շատ կարևոր է արդյունքը: Ի՞նչ արդյունք են ապահովել այս և նախորդ կառավարությունները: Ենթադրենք` Կարապետյանի կառավարությունը 12 մլրդ դրամով է կրճատել ծախսերը, Նիկոլ Փաշինյանինը` 10 մլրդ դրամով: Դա նշանակում է, որ Կարապետյանի կառավարությունն ավելի արդյունավե՞տ էր գործում, իհարկե` ոչ: Պետք է նայել ստեղծած արդյունքին. այլ կերպ ասած` մեկ միավոր ծախս որ կատարում են, որքան արդյունք է ստանում պետությունը»,- ասաց Պարսյանը և հավելեց, որ, սրանով պայմանավորված, մենք պետք է փոխենք որքան հնարավոր է քիչ ծախս կատարելու` մեր մտածելակերպը:

Ըստ նրա` մեզ համար կարևոր թիրախը պետք է լինի եկամուտ կամ արդյունք ստանալը, ստեղծելը:

Ինչ վերաբերում է բոլոր ՊՈԱԿ-ներն ու ԾԻԳ-երը փակելուն, տնտեսագետը նշեց, որ մեկ որոշմամբ դրանք փակելը, առանց գնահատելու առանձին ՊՈԱԿ-ների, ԾԻԳ-երի արդյունավետությունը, ճիշտ չէ: «Պետք է տարբերակված մոտեցում ունենանք` ելնելով տվյալ ՊՈԱԿ-ի, ԾԻԳ-ի գործունեությունից և նրանից, թե ինչ նպատակ են դրանք հետապնդում: Նշեմ, որ մի շարք ԾԻԳ-եր ստեղծվել են միջազգային պայմանագրերի, համաձայնագրերի արդյունքում, ինչը ևս չի կարող անտեսվել»,- նշեց Պարսյանը:

Նա հիշեցրեց, որ երբ կուտակային համակարգի ներդրման մասին էր խոսք գնում, նշում էին, թե միջազգային կազմակերպությունները պարտադրում են պարտադիր կուտակային համակարգը պահել, հակառակ դեպքում` լուրջ խնդիրներ չունենանք, բայց այս պարագայում, չգիտես` ինչու, միջազգային կազմակերպությունների բարձր հեղինակությունը և նրանց խոսքը երկրորդական պլան են մղվում:

Պարսյանի խոսքով` առ այսօր չկա տեղեկատվություն, թե որքան կրճատվող աշխատատեղերի մասին է խոսքը: «Գուցե նաև հասկանալի պատճառներով չեն ցանկանում, որ որոշակի դժգոհություն չառաջանա: Այդ տեղեկատվությունը պետք է հասանելի լինի, և պետական աշխատողը պետք է իմանա իր իրավունքներն ու պարտականություններն այս մասով: Նրան պետք է համապատասխան ժամկետներում ծանուցել իր լիազորությունների և իրավունքների մասին, հակառակ դեպքում` մենք կոտնահարենք պետական աշխատողների իրավունքները»,- ընդգծեց տնտեսագետը:

Նրա խոսքով` վերջերս շրջանառվող միֆ կա: «Նշվում է, թե պետական համակարգում վերջին ամիսների ընթացքում աշխատավարձերը բարձրանում են: Պաշտոնական վիճակագրության համաձայն` վերջին ամիսներին պետական համակարգում աշխատավարձերը նվազում են: Վերջին ամիսների ընթացքում միջին անվանական աշխատավարձի աճի տեմպը նվազել է՝ կազմելով 1,6 տոկոս: Պետական համակարգի աշխատողների միջին անվանական աշխատավարձը, հոկտեմբերը` սեպտեմբերի համեմատ, կրճատվել է մոտ 1000 դրամով: Միաժամանակ նշեմ, որ գնաճն այս տարվա 10 ամիսների կտրվածքով կազմում է 2.7%: Այսինքն` մի կողմից ունենք գնաճ, մյուս կողմից` պետական համակարգի աշխատողերի աշխատավարձի նվազում: Հետաևաբար, նրանց սոցիալական վիճակն ավելի է վատացել»,- շեշտեց տնտեսագետը:

Ըստ Պարսյանի` կարևոր խնդիր է այն, որ օպտիմալացման ծրագրերի մեջ գոյություն չունի սոցիալական բաժին, որը համաշխարհային պրակտիկայում ընդունված երևույթ է: «Սոցիալական բաժնի առկայությամբ օպտիմալացման դեպքում նշվում են աշխատողներին այլ աշխատանքով ապահովման հնարավորությունները կամ այդ աշխատողների վերապատրաստման ծրագրերը, կամ, օրինակ, պետական հատուկ աջակցությունը` միանվագ որևիցե գումար, որ այդ ընտանիքը, նախքան այլ աշխատանք գտնելը, ստանա, ինչ-որ շրջան գոյատևի: Այդ բաժինը մեր օպտիմալացման ծրագերի մեջ բացակայում է, ինչը սոցիալական խնդիրներն ավելի կսրի: Հայաստանը` որպես սոցիալական պետություն, պետք է այս երևույթը կարևորի: Ծրագիրը չի կարող չունենալ սոցիալական երաշխիքների բաժին»,- ասաց նա:

Տնտեսագետը հավելեց, որ կառավարության ներկայացուցիչների կողմից խոսվում է մինչև 100 հազար աշխատատեղերի կրճատման մասին պետական սեկտորում, այն դեպքում, երբ նույնիսկ մի քանի տասնյակ աշխատատեղ չի ստեղծվել այս պահի դրությամբ:

Հատկանշական մի հանգամանք ևս` պետական համակարգի օպտիմալացումից են խոսում մարդիկ, որոնք գեթ մեկ օր չեն աշխատել որպես շարքային պետական աշխատող՝ չհասկանալով և չգնահատելով պետական ծառայության ողջ էությունը:

«Մենք ունենք կարևոր խնդիր` աշխատատեղերի ստեղծումը, և այս մասով ունենք հստակ ծրագրերի անհրաժեշտություն, որը կառավարությունը պետք է ներկայացնի որպես այլընտրանք օպտիմալացման ծրագրին»,- հայտարարեց տնտեսագետը:

Բացի այդ` Պարսյանը համարում է, որ պետական պաշտոնյաների կրճատումը պետք է սկսել նախարարությունների, նաև փոխնախարարների թվից: «Նրանց թիվն առ այսօր նույնն է, նախարարությունները 4-5 փոխնախարար ունեն: Մենք պետք է սկսենք նախարարություններից ու փոխնախարարներից»,- եզրափակեց տնտեսագետը:

Վերջին ամիսների ընթացքում նկատվում է առանձին ասիական երկներից, մասնավորապես` Հնդկաստանից, Ֆիլիպիններից, աշխատանքային միգրանտների թվի աճ Հայաստանում, ասաց Սուրեն Պարսյանը` անդրադառնալով հարցին, թե աշխատաշուկայում օտարազգի աշխատուժի ազդեցությունն ինչպես կանդրադառնա երկրի սոցիալ-տնտեսական նկարագրի վրա:

Նրա խոսքով` վերջին տարիներին գրանցվել է Հնդկաստանի Հանրապետության քաղաքացիների՝ Հայաստանի Հանրապետություն այցելությունների քանակի շեշտակի աճ: Ըստ արտաքին գործերի նախարարության տվյալների՝ 2016 թվականին Հնդկաստանի 3204 քաղաքացի է ստացել ՀՀ մուտքի արտոնագիր, 2017 թվականին՝ 10642, իսկ 2018 թվականի հունվարի 1-ից նոյեմբերի 1-ն ընկած ժամանակահատվածում՝ 28659:

«Հայաստանի տնտեսության և աշխատաշուկայի համար սա բավականին զգալի թիվ է»,- ասաց Պարսյանը և հավելեց, որ դրան նպաստող մի քանի հանգամանք կա:

«Մեր միգրացիոն օրենսդրությունը բավականին «փափուկ» է. շատ հեշտ հնարավոր է մուտք գործել Հայաստան, նաև` աշխատանք գտնել: Նրանց նաև աջակցում են տեղում գործող բազմաթիվ գործակալություններ, որոնք տրամադրում են փաստաբանական, իրավաբանական ծառայություններ, որոնց արժեքը տատանվում է 30-150 հազար դրամի շրջանակում` կախված երկրից, այդ իմիգրանտի աշխատանք ունենալու հանգամանքից և այլ հարցերից: Այս դաշտը ևս կանոնակարգման ենթակա պետք է դառնա, եթե չենք ուզում ապագայում գործ ունենալ աշխատանքային թրաֆիքինգի երևույթների հետ: Ներկայումս այդ իմիգրանտները հիմնական աշխատում են շինարարության և սպասարկման ոլորտներում: Նրանց թիվը վերջին ամիսներին անընդհատ աճում է, ինչը լուրջ գնահատման և վերլուծության անհրաժեշտություն ունի: Չպետք է բարձիթողի վիճակում թողնել այդ գործընթացը: Այն պետք է հստակ կարգավորվի»,- ասաց նա:

Պարսյանի խոսքով` ներգաղթյալներն օդանավակայանում միանգամից ստանում են մուտքի թույլտվություն: «Արդեն աշխատանքի անցնելու համար հարկավոր է փաստաթղթեր հավաքել և դիմել ոստիկանություն` կեցության կագավիճակ ստանալու համար: Իսկ այդ կեցության կարգավիճակը տրվում է 10 տարով, որից հետո նրանք կարողանում են հանգիստ աշխատել Հայաստանում, և որևէ խնդիր ու սահմանափակում չկա»,- նշեց նա:

Ըստ տնտեսագետի` ասիական երկրներից ժամանող աշխատանքային իմիգրանտների մի մասի դեպքում Հայաստանը տարանցիկ երկիր է դեպի ԵՄ, ԱՄՆ և այլ վայրեր տեղափոխվելու համար:

Հարցին` ի՞նչ վտանգ կարող է լինել իմիգրանտների թվի աճից, Պարսյանը պատասխանեց, որ մեր աշխատանքի շուկան մեծ չէ: «Մոտ 500 հազար աշխատող ունենք, և 30 հազար այլազգիներ են գալիս` որպես աշխատող, որը կազմում է ամբողջ շուկայի 6 %-ը: Եթե այս տեմպը շարունակվի, մեր աշխատաշուկայի վրա զգալի սոցիալական և տնտեսական ազդեցություն կարող է ունենալ: Եթե ամիս ամսվա վրա իմիգրանտների 10-20 % աճ է ապահովվում, և այդ տենդենցը շարունակվի, ապա 3-4 տարի հետո մենք կունենանք 100 հազարին հասնող աշխատանքային իմիգրանտներ Հայաստանում»,- նշեց նա:

Բացի այդ, տնտեսագետի խոսքով, նրանք պատրաստ են աշխատել ավելի ցածր աշխատավարձով, ինչի արդյունքում աշխատաշուկայից դուրս է մնում ՀՀ քաղաքացին, որն այդ աշխատանքը պետք է բարձր գնով կատարեր: «Դա կխոչընդոտի նաև առանձին ոլորտներում աշխատավարձերի բարձրացմանը: Մենք խոսում ենք` Հայաստանում պետք է աշխատավարձերն աճեն, բայց եթե անընդհատ ունենք աշխատողներ, որոնք պատրաստ են ցածր աշխատավարձով աշխատել, աշխատավարձի աճ առանձին ոլորտներում տեղի չի ունենա: Եթե մեզ գոհացնում է այդ վիճակը ուրիշ բան, բայց, իմ կարծիքով, Հայաստանի մրցակցային առավելությունը չպետք է լինի ցածր աշխատավարձը: Բացի այդ` աշխատանքային իմիգրանտներն օրական աշխատում են 12-14 ժամ, ինչը անթույլատրել է 21-րդ դարի սոցիալական պետությունում»,- եզրափակեց նա:

Կառավարությունը պետք է ամեն ինչ անի, որ դեկտեմբերին թարմացվի Ռուսաստանից Հայաստան ներմուծվող գազի պայմանագիրը,- ասաց Սուրեն Պարսյանը: Բանն այն է, որ այս տարվա դեկտեմբերի 31-ին ավարտվելու է Ռուսաստանից Հայաստան ներմուծվող գազի պայմանագրի այն դրույթը, որով ՌԴ-ն 1000 խմ բնական գազը Հայաստանին է վաճառում 150 ԱՄՆ դոլարով:

Պարսյանը տեղեկացրեց, որ ներկայումս բանակցություններ են տեղի ունենում այդ համաձայնագրի շուրջ, իսկ նախարարը կոնկրետ նշել է, որ քննարկվում են պայմանագրի պահպանման կամ վերանայման տարբերակները: «Նա նշել է, որ խնդիր չի տեսնում եթե պայմանագիր չկնքվի այս տարվա ընթացքում, և կնքված պայմանագիրը շարունակի գործել»,- ասաց տնտեսագետը և հիշեցրեց, որ նման երևույթ տեղի է ունեցավ 2011 թվականին:

«Այդ ժամանակ էլ գազի համաձայնագիրն ավարտվեց, և հունվարի 1-ից գործեց Ռուսաստանի կողմից թելադրվող գազի գինը: Երեք տարի մեր ազգաբնակչությանը չտեղեկացրեցին, որ մենք ավելի թանկ գնով ենք փաստացի ձեռք բերում բնական գազը, հետո 2013 թվականի դեկտեմբերի 3-ին պայմանագիր կնքեցինք, որով արձանագրվեց, որ 270 դոլարով ենք նախորդ երեք տարիների ընթացքում գազը ստացել, ինչի արդյունքում կուտակվեց 300 մլն դոլարի պարտքը: Այսինքն` համաձայնագրի չկնքման հետևանքով հնարավոր է ձևավորվի նաև պարտք: Սա մեր պրակտիկայից բխող եզրակացություն է, հետևաբար` ամեն ինչ պետք է անել, որ դեկտեմբերի ընթացքում կնքենք նոր պայմանագիր, հակառակ դեպքում` ռուսները կարող են իրենց նախատեսած գնով ներմուծում անել Հայաստան, 2-3 տարի հետո պայմանագիր կնքենք, որով պարզվի՝ նախորդ շրջանում 180 դոլարով ենք ներմուծել և պարտք կուտակել»,- ասաց նա:

Պարսյանը հիշեցրեց, որ նախորդ անգամ 300 մլն պատրքի դիմաց Ռուսաստանին ենք զիջել «Հայռուսգազարդ» ընկերության բաժնետոմսերի 20%-ը: «Այս անգամ ի՞նչ ենք վաճառելու: Սա լուրջ խնդիր է, և մեր էներգետիկ համակարգը պետք է գտնի լուծում, հակառակ դեպքում` կարող ենք պարտք կուտակել: Այն անհոգ վիճակը, թե ամեն ինչ նորմալ է, կշարունակենք պայմանագիրը, ճիշտ չէ: Մենք նոր պայմանագիրը պետք է կնքենք հիմա, որ հստակ իմանանք` հունվարի 1-ից որքան պետք է վճարենք գազի դիմաց»,- շեշտեց նա:

Նրա կարծիքով` եթե կարողանանք 150 դոլար սակագինը պահել, շատ կարևոր կլինի: «Բայց հաշվի առնելով, որ կառավարությունը խոսք է տվել գազի, էլեկտրաէներգիայի սակագները իջեցնել, նրանք պետք է ամեն ինչ անեն` իրենց բանակցությունների միջոցով այս 150 դոլարը նվազեցնեն, հակառակ դեպքում` մենք կունենանք գների աճ նաև էներգակիրների մասով»,- ասաց տնտեսագետը:

Ամփոփելով խոսքը` Պարսյանն ընդգծեց. «Հին խորհրդային մոտեցում կա` եթե ցանկացած հարց ուզում ես թաղել, ստեղծիր հանձնաժողով: Կառավարությունը և Ազգային ժողովը ստեղծեցին գազի հարցերով զբաղվող հանձնաժողովներ, որոնք, ըստ նրանց, պետք է ցույց տային գազի գնի իջեցման ուղիները: Հհիմա առավելապես խոսվում է բնական գազի սակագնի պահպանման մասին, ինչը ճիշտ մոտեցում չէ: Միգուցե նաև այս հանձնաժողովները կշարունակեն գործել և եզրակացության կգան, որ բավականին լավ աշխատանք ենք կատարել, և գինը կարողացել ենք «հերոսաբար» պահել»:

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company