ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Հայաստան
  • Հարցազրույցներ

Արհամարհական և ոչ լուրջ վերաբերելով տնտեսական խնդիրներին՝ կորցրեցինք ժամանակ և կանխարգելելու հնարավորություն

10 Հուլիս 2020 ՀՅԴ Բյուրոյի տնտեսական հետազոտությունների գրասենյակի ծրագրերի համակարգող Թադևոս Ավետիսյանի խոսքով` կորոնավիրուսի տարածման հետևանքով Հայաստանում տնտեսական ոլորտը բավականին բարդ իրավիճակում է հայտնվել, մտել է ճգնաժամային փուլ: Tert.am-ի հետ զրույցում նա նշեց, որ մեկը մյուսի հետ փոխառնչվող և աղերսվող խնդիրները վերաբերում են թե՛ տնտեսական ակտիվությանը, թե՛ զբաղվածությանը. չվճարվող պարապուրդում մնացողների թիվն է ավելանում, արտահանումների թիվն է պակասում, պետեկամուտներն են նվազել և այլն:

«Նման իրավիճակում խոսել մեկ-երկու խնդրի մասին, ճիշտ չի լինի: Բոլոր տնտեսական ցուցանիշներով մենք ունենք բացասական կայուն միտում»,- ասաց նա:

Նա նշեց, որ ասելը, որ նման խնդիրները բացառապես Հայաստանի Հանրապետությանն են վերաբերում, ճիշտ չի լինի:

«Covid-19-ը համակել է համաշխարհային տնտեսությանը: Իր էությամբ այն գլոբալ խնդիր է, և բնականաբար եթե գլոբալ խնդիր է, բոլորը պետք է գիտակցեն, որ այս խնդիրն անհնար է լուծել լոկալ, միայն իրենց երկրում կիրառվող առանձին լուծումներով և մեթոդներով: Այստեղ աշխարհի բոլոր տնտեսական խաղացողների համախմբումն է անհրաժեշտ»,- ասաց նա՝ նկատելով, որ քանի դեռ կորոնավիրուսն անկառավարելի է, բոլորի ջանքերը պետք է մեկտեղվեն:

Ամեն դեպքում, չնայած որ խնդիրները ամբողջ աշխարհին են պատուհասել, ըստ Թադևոս Ավետիսյանի, Հայաստանը պատրաստ չի եղել տնտեսական հետևանքները մինիմալացնելուն:

«Երկրի քաղաքական իշխանությունները, որոնք պատասխանատու են տնտեսության զարգացման և հակաճգնաժամային միջոցառումներ իրականացնելու համար ընդամենը մոտ ապագայում, փոխանակ հետևանքները կանխարգելեին և նվազագույնի հասցնող հորդորներ անեին, ծրագրեր մշակեին, խոսում էին այն մասին, որ սա մեզ համար հնարավորություն է ստեղծում համաշխարհային տնտեսությունում: Դեռ այն ժամանակ ես ասում էի, որ նման նպատակադրումը ոչ միայն պոպուլիստական է, այլ նաև վտանգավոր, որովհետև մենք փաստացի չենք կանխորոշում խնդիրը, հետևաբար կհայտնվենք ավելի վատ վիճակում, քան կանք: Արհամարհական և ոչ լուրջ վերաբերելով իրական խնդիրներին՝ կորցրեցինք ժամանակ և կանխարգելելու հնարավորություն»,- ասաց նա:

Նա նշեց, որ իրենց քաղաքական ուժը՝ Դաշնակցությունը, Կառավարությանը ներկայացրել է տնտեսական խնդիրը կանխարգելող փաթեթ, բայց դա էլ անարձագանք է մնացել. իրենց համար առաջնահերթային էր օր առաջ կանխարգելիչ միջոցառումների իրականացումը:

«Պարզ է, որ մենք առանց խնդիրների կամ առանց կորուստների դուրս չէինք գալու: Պարզապես խնդիրն այնպես պետք է դրվեր, որ խնդիրները կանխարգելվեին, նվազագույնի հասցվեին»,- ասաց նա:

Այս առումով, ըստ նրա, մեզ համար ուսուցողական է հարևան Վրաստանի օրինակը, որը, լինելով և՛ արտաքին տնտեսական հարաբերություններով, և՛զբոսաշրջությամբ ավելի մեծ պոտենցիալով երկիր, այս ընթացքում ունեցել է կորոնովիրուսով վարակվածների մոտ հազար դեպք:

«Ի սկզբանե նրանք գնացին կանխարգելման ճանապարհով, և լիարժեք, ոչ թե ձևական, և դա տվեց նրանց հնարավորություն կառավարելու անխուսափելի հետևանքները»:

Հիմա էլ, Թադևոս Ավետիսյանի խոսքով, դեռ ուշ չէ հասկանալու խնդիրները, վերլուծելու դրանք և գտնելու դրանց կանխարգելման մեթոդները:

«Եթե մենք դա չանենք, գահավիժելու ենք: Բայց պատկերացումս այն է, որ մեր երկրի պատասխանատուները լիարժեք չեն պատկերացնում սոցիալ-տնտեսական հասունացող այս ճգնաժամը, որը շատ արագ կարող է վերափոխվել խորը ճգնաժամի և ամենավտանգավորն այն է, որ մեզ նման աղքատության բարձր չափանիշներ և սոցիալական բարձր լարվածություն ունեցող երկրում դրանք կարող են նաև անդառնալի հետևանքներ ունենալ»,- ասաց նա:

Նրա նկատառմամբ, տնտեսական հետևանքները կանխարգելելուն ուղղված չեն նաև պետական աջակցության ծրագրերը: «Ի սկզբանե մեր հրապարակներում, հորդորներում հստակ ասում էինք, որ պետությունը պետք է գործատուների հետ գտնի բանաձևը աշխատանքից զանգվածային ազատումները սահմանափակելու: Ոչ թե պետք է մարդիկ աշխատանքը կորցնեն և պետության աջակցությունը լինի այդ մարդկանց նպաստներ տալը, այլ պետք է թև ու թիկունք լինեին գործատուներին, կիսեին գործատուի բեռը, որպեսզի նա կարողանար պահել աշխատողներին, վճարեր հարկադիր պարապուրդը»,- ասաց նա՝ նկատելով, որ նման կերպ ՀՀ իշխանությունները չվարվեցին։

Այսօր էլ, ըստ Թադևոս Ավետիսյանի, իր մտահոգությունները չեն պակասում, քանի որ տեսնում է՝ ոչինչ չի փոխվել: Նա օրինակ բերեց հանրային սննդի ոլորտում տեղի ունեցողը:

«Որոշակի գործունեություն են ծավալում, կանոններ կան, բայց պարզ է, որ եղած սահմանափակումներով բիզնեսը կրում է վնասներ, որովհետև լիարժեք չեն կարողանում տնտեսվարել, իսկ դա բերելու է սնանկացման,- նշեց նա՝ հավելելով, որ բացի եղած սահմանափակումները բարձրաստիճան պաշտոնյաները մյուս կողմից էլ հորդորում են, որ մարդիկ չայցելեն հանրային սննդի օբյեկտեր,- մի կողմից էլ՝ հոգենական ճնշում է բանեցվում: Փոխանակ չթողնեին, որ աշխատեին, ունեցած ռեսուրսը վերջականապես չսպառեին, արյունաքամ չլինեին, թողեցին, որ աշխատեն՝ դրանով նրանց տանելով սնանկացման և խորը ճգնաժամի»:

Հայաստանի սահմանները փակ են աշխարհի համար՝ Եվրամիությունը, Վրաստանը, Իտալիան Հայաստանը ներառել են այն ցուցակում, որտեղ ներառված երկրների քաղաքացիները մուտքը արգելում են:

Դա էլ Թադևոս Ավետիսյանի խոսքով իր բացասկան ազդեցությունն է ունենալու մեր քաղաքացիների արտաքին տնտեսական գործունեության վրա:

«Իսկ դա մեր կայուն զարգացման հիմնական ուղղությունն է: Մենք՝ մեր փոքր շուկայով, զարգացման բազմաթիվ խնդիրներով աշխարհաքաղաքական բազմաթիվ մարտահրավերներով, սկսած Արցախյան հիմնախնդրից, վերջացրած փակ սահմաններով, աշխարհագրական դիրքով, ծով չունենալու պայմաններում ստիպված ենք ամեն ինչ անել արտաքին տնտեսական հարաբերություններ հաստատելու համար: Իսկ երբ քեզ թույլ չեն տալիս այլ երկրներ գնալ, չես կարող գոյատևել, քանի որ արտաքին տնտեսական գործունեությունը նշանակում է հանդիպումներ, բանակցություններ՝ առևտրային, ներդրումային: Բացի այդ՝ մեր երկրի շատ քաղաքացիները մեկնում են արտագնա օրինական աշխատանքի, իսկ այդ դեպքում վճարվում են հարկեր: Երբ բացառում են քո երկրի քաղաքացիների մուտքը դեպի իրենց երկիր, նշանակում է, որ այդ ուղղություններով չեն կարողանալու արտաքին տնտեսական գործունեություն ծավալել»,- ասաց նա:

Թադևոս Ավետիսյանը նաև նկատեց, որ բացի մեր քաղաքացիներին մուտք գործելը սահմանափակելուց, երկրները նաև իրենց քաղաքացիներին են կոչ անում մեր երկիր չայցելել, քանի որ բարձր ռիսկայնությամբ է:

«Այդ դեպքում էլ չենք կարող խոսել զբոսաշրջության զարգացման մասին,- ասաց նա,- այս ամենը արդեն շատ առարկայական խոչընդոտ է դառնալու հետագա ծրագրերի իրականացման համար՝ իր հետևանքներով: Մեկ-երկուսը գուցե կարողանան հաղթահարել խնդիրըները, բայց բոլորը չեն կարող: Կախարդական փայտիկներն էլ մինչև այս պահը չեն աշխատել»:

Հռիփսիմե Հովհաննիսյան

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company