ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • Հոդվածներ

Մեր օրհասական օրերն ու հայկական յեղափոխութեան մեծ քրմապետի յարատեւ կռիւ պատգամի այժմէականութինը

19 Դեկտեմբեր 2024

(ՀՅԴ օրւայ առիթով)

Տասնամեակների ընթացքում ձեւաւորւած ու ամրագրւած աւանդոյթի համաձայն, Հայ Յեղափոխական Դաշնակցութեան օրը հիմնականում իմաստաւորւում է որպէս կուսակցութեան կողմից հաշւետւութեան պահ: Հաշւետւութիւն՝ կատարածի ու չկատարածի, ձեռքբերումների ու բացթողումների եւ, մանաւանդ, ապագայ հեռանկարների եւ աշխատանքների մասին: Հաշւետւութիւն՝ սեփական ժողովրդին ու համակիրներին, որոնք Դաշնակցութեան ուժի եւ կենսունակութեան միակ աղբիւրն են:

Տարեկան հաշւետւութիւնը, բնականաբար, չի կարող շրջանցել միջազգային ու ներազգային այն իրադարձութիւններն ու մարտահրաւէրները, որոնք ուղղակի կամ անուղղակի ծաւալւում են մեր շուրջ եւ իրենց անմիջական ազդեցութիւնն են թողնում մեր իրականութեան վրայ, յաճախ վերածւելով լրջագոյն գոյաբանական բնոյթի սպառնալիքների՝ աւելի անկանխատեսլի ու կատաղի դարձնելով քաղաքական եւ անվտանգային այն մթնոլորտը, որում ձեւաւորւում է մեր ժողովրդի ազգային-հասարակական կեանքը:

Այս համատեքստում մենք ստիպւած ենք արձանագրել, որ 2024 թւականը եւս մեր պատմական յիշողութեան մէջ կը մնայ որպէս բազմաբնոյթ եւ բազմաբովանդակ ճգնաժամերի եւ մարտահրաւէրների տարի, որոնց արդիւնքում հայոց հայրենիքի եւ պետականութեան ապագան շարունակում է մնալ մշուշոտ եւ սակարկութիւնների սեղանին:

Մենք ստիպւած ենք փաստել, որ թշնամու կողմից շարունակում են հնչել, առաւելապաշտական նոր բնոյթի եւ բովանդակութեան բանաձեւումներ ու սահմանումներ, որոնք յաւակնում են դառնալ տեսլական, ի հաշիւ Հայաստանի Հանրապետութեան ինքնիշխանութեան եւ հայոց պետականութեան ապագայի:

Այս սպառնալիքների ֆոնին, ցաւօք պէտք է նշենք, որ Հայաստանի Հանրապետութեան այսօրւայ քաղաքական իշխանութեան վարքագիծը համարժէքութեան ամենահեռաւոր աղերսն անգամ չունի առկայ իրողութեան հետ, քանի որ անցեալ մի քանի տարիների պէս նրանց կողմից ականատես ենք անատամութեան եւ ստորաքարշութեան անարժանապատիւ կեցւածքի, ինչպէս նաեւ արտաքին մարտահրաւէրներն ու սպառնալիքները սթափ վերլուծելու եւ դրանց հետեւանքները կանխատեսելու անկարողութեան:

Փաշինեանն ու իր թիմակիցները շարունակում են իրենց ձախաւեր կեղծ խաղաղասիրական քարոզը, հանրութեանն ի գին ազգային անմիջական շահերի երեւակայական «խաղաղութեան» պատրաստելը, երբ Ադրբեջանը ծրագրաւորւած, նպատակային ու տենդագին ձեւով պատերազմի է պատրաստւում։

Թշնամուց սարսափած, ոստիկանական պատնէշի յետւում թաքնւած, սեփական ժողովրդի դէմ յոխորտացող այս խմբաւորումն իշխանութիւնը պահելու հարցը դարձրել է գերնպատակ, եւ նրա քաղաքականութեան մէջ գերակայ է դարձել հետեւալ մարտավարութիւնը՝ ինքնութիւնից եւ նկարագրից պարպել հայ ժողովրդին, նրա մէջ սպանել ազգային տեսլականն ու նպատակները, ոչնչացնել նրա պաշտպանական բնազդը, գոհացնել արտաքին թշնամուն, ինչպէս նաեւ շահագրգիռ բոլոր կողմերին, որպէսզի հնարաւոր լինի պահպանել երերուն աթոռը:

Տագնապն առաւել մտահոգիչ է դառնում, հիասթափութիւնը՝ աւելի ճնշող, մանաւանդ երբ վերջին շաբաթների աշխարհացունց տարածաշրջանային զարգացումների արդիւնքում Սփիւռքի դէմ եւս վեր է յառնել իր տեսակի մէջ աննախադէպ մի մարտահրաւէր, որ սպառնում է կազմաքանդել սիրիահայ համայնքը, որը դասական Սփիւռքի կարեւորագոյն առանցքներից մէկն է:

Սիրիահայութիւնը հերթական անգամ ճգնաժամային օրեր է ապրում: Շրջանի կացութիւնը յղի է անկանխատեսելի զարգացումներով եւ ուղղակի ազդւում է այն իրադարձութիւններից, որոնց հիմնական սադրիչները՝ Թուրքիան եւ Իսրայէլը Մերձաւոր Արեւելքում հետապնդում են բաւական յաւակնոտ տարածաշրջանային աշխարհաքաղաքական փոփոխութիւնների եւ վերադասաւորումների ծրագրեր: Այս յարափոփոխ իրավիճակի ֆոնին դեռեւս հնարաւոր չէ ամբողջական պատկերացում կազմել ապագայի մասին եւ յատկապէս հնարաւոր չէ կանխատեսել Սիրիայի ապագայ ճակատագիրը, որից անմիջականօրէն կախւած է նաեւ սիրիահայութեան ֆիզիկական անվտանգութիւնը եւ ապագան: Ապագայի այս անորոշութիւնը ամենամտահոգիչն է:

Մեզ ախտահարած այս գորշ իրականութիւնը ստիպում է յստակ գիտակցել, որ արդէն տարիներ է, ինչ գոյաբանական ստոյգ սպառնալիքի դէմ-յանդիման ենք կանգնած, որը կլանելով Արցախը, արդէն սպառնում է կլանել Հայատանն ու ոչնչացնել Սփիւռքը:

Այսօր մեր լինելութեան, մեր արժանապատւութեան, մեր ապագայի հարցերն են, որ պէտք է կազմեն մեր ազգային օրակարգը, որի գերխնդիրը պէտք է դառնայ հայոց պետականութեան փրկութիւնն ու Սփիւռքի պահպանումը:

Նման օրհասական պայմաններում մենք անհոգ ապրելու, թւացեալ խաղաղութեան լաւ օրերի խաբկանք ունենալու իրաւունք չունենք: Մեզ դժւարին օրեր է սպասւում: Պայքարը դեռ առջեւում է, եւ մենք դրանից խուսափելու հնարաւորութիւն չունենք:

Բարդագոյն այս պայմաններում ինչպէս միշտ Դաշնակցութիւնը հաւատարիմ իր առաքելութեանը, չի վարանում իր պատասխանատւութեան պաժինն ստանձնելուց, եւ անցած դար ու 33 տարւայ պէս պատրաստ է յանուն հայրենիքի եւ հայ ժողովրդի անել ամէն ինչ, նւիրաբերել իր լաւագոյններին:

Անցնող 133 տարիների պատմութիւնը վկայում է, որ Դաշնակցութեան առաջնորդութեամբ հայ ժողովուրդը կարողացել է յաղթահարել շատ աւելի ծանր եւ օրհասական օրեր եւ անդառնալի թւացող պարտութիւններից կռել անհաւատալի թւացող յաղթանակներ:

Եւ հէնց այս իրողութիւնն է, որ Դաշնակցութեանը հաւատք է ներշնչում չընկրկելու, չյանձնւելու եւ շարունակելու պայքարը՝ հաւատարիմ մնալով իր մեծ հիմնադրի՝ Քրիստափոր Միքայէլեանի ՅԱՐԱՏԵՒ ԿՌՒԻ անմահ տեսութեանը.

«Յարատեւ կռիւ,- յաճախ եւ երկար ժամանակ, գուցէ անյաջող, չնայած երբեմն նոյնիսկ իր լայն ծաւալին, – ահա թէ ուր է մեր փրկութեան բանալին։ Պահպանե՛նք, շարունակե՛նք կռիւը, որպէսզի լայնանայ, ընդարձակւի եւ ընդարձակւելով յարատեւի, ահա դէպի մեր նպատակը տանող միակ ճանապարհը։ Չշեղւենք այդ ճանապարհից, որ սփռւած է յուսատու ապագայի գրաւիչ ծաղիկներով»։

Հայկական յեղափոխութեան մեծ քրմապետի Յարատեւ կռւի պատգամը առաւել քան այժմէական է այսօր։

«Ալիք»ի խմբագրական

FacebookTwitterOdnoklassnikiTelegramPrint
Լրահոս
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Փաշինյանը ցանկանում է նոր Սահմանադրութ

Նիկոլ Փաշինյանը կրկին կարող է ընդունել Ադրբեջանի նախագահ Իլհամ Ալիևի և Թուրքիա

12 Նոյեմբեր 2026
Հ.Յ.Դ. Աւստրալիոյ 53-րդ Շրջանային Ժողո

Հայ Յեղափոխական Դաշնակցութեան Աւստրալիոյ կառոյցի 53-րդ Շրջանային Ժողովը սկսաւ

11 Նոյեմբեր 2026
Ո՛չ՝ պարտադրուած Սահմանադրութեան

Հայաստանի Սահմանադրութեան շուրջ ծաւալող պայքարը պարզապէս իշխանութեան եւ ընդդիմ

11 Նոյեմբեր 2026
Խաղաղութեան գինը …

Հայաստանի ներկայիս իշխանախումբը 2018 թւականին կառավարական համակարգը բռնազաւթել

11 Նոյեմբեր 2026
Ակնարկ. Թրքական Եւ Ազրպէյճանական Առաւե

Հայաստանի առաջին նախագահին գլխաւոր խորհրդականին տուած հարցազրոյցին ընթացքին հն

11 Նոյեմբեր 2026
Նոյեմբերի 9-ի դասերն ու միակողմանի զիջ

Նոյեմբերի 9-ը հայկական պետականության ռազմավարական սնանկության և սուբյեկտայնութ

11 Նոյեմբեր 2026
Փաշինյանի անիմաստ ելույթը Համաշխարհայի

Վարչապետ Նիկոլ Փաշինյանը ելույթ է ունեցել նոյեմբերի 6-ին Երևանում անցկացված Հա

10 Նոյեմբեր 2026
ՀՀ ԱԺ «Հայաստան» խմբակցության հայտարար

Հայաստանում կալանքը վաղուց վերածվել է իշխանության քաղաքական հակառակորդներին լռ

10 Նոյեմբեր 2026
Ազգային օրակարգի շուրջ համախմբված կուս

Կալանավայրում մահացել է «Ուժեղ Հայաստան» կուսակցության՝ ՏԻՄ ընտրություններում

10 Նոյեմբեր 2026
Արցախի ի նպաստ հաւաք, լուռ քայլարշաւ ե

Կիրակի, Նոյեմբեր 8ի երեկոյեան, հայ համայնքի անդամները հաւաքուեցան Կլենտէյլի մէ

10 Նոյեմբեր 2026
ՀՅԴ Լիբանանի Հայ Դատի Մարմինը Նամակ Մը

ՀՅԴ Լիբանանի Հայ դատի մարմինը երէկ ՄԱԿ-ի Ապահովութեան խորհուրդի անդամ երկիրներ

10 Նոյեմբեր 2026
Ինչպէ՞ս Կարելի Է Համաձայն Ըլլալ Նիկոլ

Պէտք է իրերը կոչել իրենց անուններով։ Յայտարարելով, որ Հայոց ցեղասպանութեան միջ

09 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company