Այսօր, Մայիսի 28-ին ՀՅԴ Հայաստանի Գերագույն մարմինը կազմակերպել էր միջոցառումներ՝ նվիրված Հայաստանի առաջին հանրապետության հռչակման 107- ամյակին։

Նախ տեղի ունեցավ ծաղկեմատույցի արաողություն Հայաստանի առաջին Հանրապետության հիմնադիր Արամ Մանուկյանի արձանի մոտ, ապա օրվա խորհրդին նվիրված հանդիսավոր միջոցառում Սարդարապատի հուշահամալիրում։

ՀՅԴ Հայասատանի Գերագույն մարմնի ներկայացուցիչ Իշխան Սաղաթելյանը Սարդարապատի հուշահամալիրում հանդես եկավ ելույթով: Նա Սարդարապատի ճակատամարտի վճռորոշ հաղթանակի կապակցությամբ՝ Հայ Յեղափոխական Դաշնակցության Գերագույն մարմնի անունից շնորհավորեց հայ ժողողվրդին:

«Մայիսի 28-ը ոչ միայն անցյալի արժևորման, այլև այսօր հետևություններ անելու, պայքարի ճիշտ ռազմավարություն ընտրելու օր է»,- ասաց նա:

ՀՅԴ Բյուրոյի ներկայացուցիչ Արմեն Ռուստամյանը շնորհավորեց հայ ժողովրդին մեծ, փառավոր հաղթանակի կապակցությամբ, ապա, դիմելով նորագիրներին, ասաց. «Սիրելի նորագիրներ, երդդման արարողությունը ամենակարեւոր, առանցքային իրադարձությունն է յուրաքնչյուր դաշնակցականի կյանքում: Դա առաջին քայլն է, որով դուք միանում եք Դաշնակցության մեծ ընտանիքին եվ ոչ միայն գործող դաշնակցականներին, այլ ժողովրդի ոգին պահող եւ այդ ոգով մեզ առաջնորդող բոլոր նահատակներին: Դուք դառնում եք նրանց ընկերը, նրանք դառնում են ձեր ուսուցիչը, դառնում ձեզ ուղղորդողը: Դաշնակցության եւ դաշնակցականի համար, սա, սոսկ պարզ երդում չէ, սա ուխտ է, որ ամեն անձ, անհատապես, որոշում է կայացնում այլեւս ապրելու առաջին հերթին հայրենիքի, ժողովրդի եւ հետո միայն իր համար»:

Արմեն Ռուստամյանը ներկայացրեց այն խորհրդանիշները, որոնց վրա պետք է կատարվեր երդման արարաողությունը. Նա ասաց.«Այն ինչի վրա դուք պետք է երդվեք պատմություն անցած եւ հաղթանակները մարմնավորող առարկաներ են; Այստեղ է Դաշնակցության այն դրոշը, որ ծածանվել է Սարդարապատում, այստեղ է այն դորշը, որը բարձրացվել է Շուշիում, այստեղ է այն ծարգիրն ու կանոնագիրը, որի վրա երդվելով, չեն շեղվել դրանից մեր մեծերը, պետական եւ կուսակցական այրերը: Այստեղ է նաեւ Զորավար Անդրանիկի մաուզերը: Երդվելով այս խորհրդանիշների վրա դուք պետք է ամբողջությամբ ներծծվեք այդ հաղթանակի ոգով, դառնաք հետեւորդը կրողը այդ գաղափարների, նվիրվածության, քաջության, որ ունեցել են մեր քաջորդիները՝ կուսակցական, պետական, ազգային գործիչները»:

Միջոցառման ավարտին Արմեն Ռուստամյանի կնքահայրությամբ կատարվեց երդման արարողությունը: Շուրջ 55 նորագիրներ համալրեցին ՀՅԴ շարքերը: Ձեռքը դնելով զենքի վրա՝ նրանք երդվեցին հավատարմորեն հետևել ՀՅԴ կանոնագրին ու ծրագրին և անհրաժեշտության դեպքում, նույնիսկ կյանքի գնով ծառայել Հայաստանի և հայության ազատագրության դատին:

Սարդարապատում միջոցառումների ավարտին տեղի ունեցավ ընկերային մեծ խնջույք: Հնչեցին ազգային-ազատագրական երգեր:

Տեսանյութն՝ այստեղ