Արցախի Հանրապետության Նախագահ Բակո Սահակյանը հունվարի 23-ին ընդունելով Հայ Յեղափոխական Դաշնակցության Ընդհանուր ժողովի մասնակիցներին, ողջունեց ՀՅԴ Ընդհանուր ժողովի անցկացումն Արցախում՝ այն համարեց կարեւոր ներքաղաքական իրադարձություն:

Նախագահն արժեւորեց ՀՅԴ ներդրումն Արցախյան ազգային-ազատագրական պայքարի, պետականության ձեւավորման ու կայացման, Հայաստան-Արցախ-Սփյուռք եռամիասնության ամրապնդման, հայ ազգային ինքնության պահպանման եւ համազգային խնդիրների լուծման գործում:

Հանդիպմանն արծարծվեցին նաեւ պետականաշինությանը, ներքին եւ արտաքին քաղաքականությանը, տարածաշրջանային գործընթացներին վերաբերող հարցեր:

ՀՅԴ 33-րդ Ընդհանուր Ժողովի անունից շնորհակալական խոսքով հանդես եկավ ՀՅԴ Լիբանանի Կենտրոնական Կոմիտեի ներկայացուցիչ, Լիբանանի խորհրդարանի պատգամավոր Հակոբ Բագրատունին՝ նշելով հետևյալը.

«Հ.Յ. Դաշնակցութեան հաւաքական կամքը ներկայացնող 33-րդ Ընդհանուր ժողովի անունով շնորհակալութիւն կը յայտնենք Ձեզի այս ընդունելութեան համար։

Հայաստանի, Արցախի հայրենամերձ թէ աշխարհասփիւռ տարածքներու մէջ գործող Դաշնակցութեան տարբեր միաւորներու ներկայացուցիչներէ կազմուած այս Ընդհանուր ժողովի Արցախի Հանրապետութեան մայրաքաղաք ազատ Ստեփանակերտի մէջ գումարումը ինքն իր մէջ արդէն յատուկ նշանակութիւն, խորք եւ թելադրականութիւն ունի մեզի համար։

Իր 129 տարուայ պատմութեան մէջ, փաստօրէն առաջին անգամն է, որ Հ.Յ.Դաշնակցութիւնը ազատ Արցախի մէջ կը գումարէ իր Ընդհանուր ժողովը։ Պատմական փաստ է այս մէկը եւ իբրեւ այդպիսին միաժամանակ պարտաւորեցնող եղելոյթ, որ ամբողջ 13 տասնամեակ իր ժողովուրդին ծառայութեան, բարօրութեան, զարգացման, ձգտումներու իրագործման, Հայաստան աշխարհի ու հայութեան մէկութեան համար պայքարած Դաշնակցութիւնը կը դնէ նոր մարտահրաւէրներու դիմաց, յաւելեալ պայքարունակութեան հրամայականին առջեւ ու իբրեւ հայկական մէկ բռունցք մեր իրաւունքներու ձեռնքբերման անկոտրելի կամքի պողպատացման վճռակամութեամբ գործելու սրբազան պարտաւորութեան դէմ յանդիման։

Հսկայական խնդիրներ կը դիմագրաւէ աշխարհատարած հայութիւնը թէ հայրենիքի մէջ, թէ սփիւռքի։ Մեր դիմաց ցցուող խնդիրները հաշտուողականութեամբ, անտարբերութեամբ, նահանջի հոգեբանութեամբ կամ կրաւորականութեամբ դիտելու փոխարէն, Հ.Յ. Դաշնակցութիւնը ինչպէս միշտ, տեւաբար հայակեդրոն, հայադրոշմ, ազգակեդրոն գործելու առաջամարտիկը եղած է, մերժելով ապազգայնացնող, այլասեռող, հայկական արժէքներէ հեռացնող, արդիականութեան պատրուակին տակ հայութիւնը իր ինքնութենէն պարպող բոլոր փորձերը։

Ու այս անգամ մեզի համար ու մեր ժողովուրդի պատմութեան ճակատագրական այս հանգրուանին, մենք անվարան կը յայտարարենք, որ Արցախի անկախ հանրապետութիւնը պիտի շարունակէ մնալ Հ.Յ. Դաշնակցութեան մեծ ընտանիքին տեսադաշտին կիզակէտը, գուրգուրանքի առարկան, իսկ Արցախի հերոս ժողովուրդի ազատ կամքի արտայայտութիւնը Հ.Յ. Դաշնակցութեան սրբազան արժէք։

Մենք կը հաւատանք ու կը զօրակցինք Արցախի արդար պայքարին, ազատ ինքնորոշման իրաւունքին, անկախութեան ու հողային ամբողջականութեան պահպանման ու անոր ժողովրդային եւ տարածքային միասնութեան անվտանգութեան։
Մեզի համար Արցախի հանրապետութեան անկախութեան ճանաչումը, անոր ամբողջական միջազգային ճանաչումը, արցախեան հիմնախնդիրները, ազգային-ազատագրական եւ ինքնորոշման պայքարի դաշտի մէջ պահպանումը, Արցախի վերաբնակեցումը, ազատագրուած տարածքներու զարգացումը ու ընդհանրապէս Արցախի հզօրացումը անզիջելի սկզբունքներ են անտարակոյս։

Հ.Յ.Դ. 33-րդ Ընդհանուր ժողովի եւ Հ.Յ.Դ. աշնակցութեան մեծ ընտանիքին անունով կ’ողջունենք Ձեզ Պրն. Նախագահ ու Ձեր միջոցով Արցախի ողջ բնակչութիւնը, Արցախի բանակը, Արցախի արդար պայքարին զօրակցող քոյրերն ու եղբայրները ու կը խոնարհինք անոր համար զոհուած աննման ազատամարտիկներու յիշատակին»։

Ստեփանակերտ,
23.01.2019 թ.