ՔՊ-ն մոտեցել է իր իշխանության վերջնախաղին, վերջին գործողությունները ցուցիչ են, որ գիտակցում են դա։

«Կիզակետում Արկադի Գրիգորյանի հետ» հաղորդման ժամանակ ասել է ՀՅԴ Բյուրոյի անդամ, ԱԺ «Հայաստան» խմբակցության պատգամավոր Լիլիթ Գալստյանը։

«Հայաստանում փորձում են կառուցել մի պետություն, չգիտեմ թե ինչ հետագիծ կունենա այդ պետությունը, որը թուրք-ադրբեջանական պահանջի և պատվերի արտացոլանքն է։ Դա այսպես կոչված Իրական Հայաստանն է, որտեղ մեր ոտքերի տակից տարվում է հողը և արմատական ու ինքնութենական արժեքները, որոնք ստեղծում են հայ մարդ։

ՔՊ-ական որոշ շրջանակներ կան, որոնք գիտակցում են իրենց քայլի պղծությունը և հակասահմանադրականությունը։ Նրանք չմասնակցեցին Հովհաննավանքի «պատարագին», որը քաղաքական ուժի և անձնապես Փաշինյանի ֆիասկոն էր։

ՔՊ-ի հիստերիան թուլությունից ծնված վախերի դրսևորում է, ոչ թե հզորության նշան։ Դրա մեջ են մտնում քաղաքական բանտարկությունները, ընդդիմությանը լեռցնելը և այլն»,- նշել է Գալստյանը։

Հարցազրույցն ամբողջությամբ՝ տեսանյութում․