ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Այլ շրջաններ
  • Ուղերձ

Հարաւային Ամերիկայի Հ.Յ.Դ. Կեդրոնական կոմիտէի խօսքը Հ.Հ. Անկախութեան 35-ամեակի առթիւ

24 Սեպտեմբեր 2026

35 տարի առաջ, հայ ժողովուրդը որոշում մը առաւ, որը անգամ մը եւս փոխեց մեր պատմութեան ընթացքը։

1991 թուականի Սեպտեմբեր 21-ին, ժողովուրդի մեծամասնութիւնը ընտրեց ապրիլ անկախ երկրի մը մէջ։ Դարերու տիրապետութենէ եւ մեր ինքնիշխանութիւնը վերականգնելու բազմաթիւ փորձերէ ետք, Հայաստանը կրկին կարելիութիւն ունեցաւ կառուցելու իր սեփական պետութիւնը, որոշելու իր ճակատագիրը եւ կերտելու իր ապագան։

Երեսունհինգ տարի ետք գիտենք, որ այդ ճանապարհը դիւրին չէր։

Անկախութիւնը եկաւ ազգային հսկայական զարթօնքի մը պայմաններուն մէջ եւ խորապէս կապուած էր Արցախի ազատագրական շարժումին։ Տարիներ էին, երբ մեր ժողովուրդը անգամ մը եւս գիտցաւ, որ կրնայ պայքարիլ իր իրաւունքներուն համար եւ այդ կամքը վերածել շօշափելի իրականութեան։

Այդ ժամանակէն ի վեր Հայաստանը դիմագրաւեց գրեթէ բոլոր այն մարտահրաւէրները, որոնց կրնայ հանդիպիլ երիտասարդ պետութիւն մը։ Ան պէտք էր կառուցէր եւ ամրապնդէր իր հաստատութիւնները, պահպանէր բազմիցս փորձութեան ենթարկուած ժողովրդավարութիւնը, յաղթահարէր տնտեսական խոր դժուարութիւններ, դիմագրաւէր պատերազմներ եւ գտնէր իր տեղը միջազգային բարդ միջավայրի մը մէջ, որ բազմաթիւ առիթներով անարդար գտնուեցաւ մեր ժողովուրդի արդար պահանջներուն նկատմամբ։

Բայց այդ տարիները նաեւ զարգացումի, ձեռքբերումներու եւ մեծ յոյսերու տարիներ եղան։ Հայաստանը ընդլայնեց իր յարաբերութիւնները աշխարհի բազմաթիւ երկիրներու հետ։ Նոր սերունդներ ծնան եւ մեծցան անկախ հայրենիքի մը մէջ։ Արձանագրուեցան յառաջընթացներ մշակոյթի, կրթութեան, գիտութեան եւ արհեստագիտութեան բնագաւառներուն մէջ։ Իսկ մեզի համար, որ Սփիւռքի մաս կը կազմենք, անկախ Հայաստանի Հանրապետութեան գոյութիւնը մեր հաւաքական կեանքի կեդրոնին կրկին իրականութիւն մը բերաւ, որը բազմաթիւ սերունդներու համար միայն երազ եղած էր։

Սակայն անկախութիւնը տօնելը նաեւ կը պահանջէ յստակօրէն տեսնել, թէ այսօր ո՛ւր կը գտնուինք։

Արցախի յաղթանակն ու ազատագրումը տարիներ շարունակ այդ ազգային զարթօնքի ամենաուժեղ արտայայտութիւններէն մէկը եղան։ Սակայն ժամանակը չբաւեց լիովին արժեւորելու անոր իսկական նշանակութիւնը։ 2020-ի պատերազմը խոր վէրք մը բացաւ, իսկ 2023-ին տեղի ունեցածը աւարտեցաւ աւելի քան հարիւր քսան հազար հայերու՝ սերունդներ շարունակ իրենց ապրած հողէն բռնի հեռացումովը։

Այսօր Արցախը հայաթափուած է։ Այս պարզ նախադասութեան ետին կան ընտանիքներ, որոնք կորսնցուցին իրենց տուները, գիւղերը, եկեղեցիները, գերեզմանատուները եւ իրենց առօրեայ կեանքին իմաստ տուող շատ բաներ։ Կայ նաեւ վտանգուած պատմական եւ մշակութային ժառանգութիւն մը եւ դատ մը, որը քաղաքական շահերու եւ միջազգային ճնշումներու պատճառով լռութեան մատնուելու վտանգին առջեւ կը գտնուի։

Այդ պատճառով ալ պէտք չէ պատերազմի բացակայութիւնը շփոթենք իսկական խաղաղութեան հետ։ Որովհետեւ մենք խաղաղութիւն կ՚ուզենք։ Մեր ժողովուրդը չափազանց լաւ գիտէ պատերազմի գինը՝ ուրիշ բան ցանկալու համար։ Բայց մենք կը ձգտինք խաղաղութեան մը, որ կրնայ դիմանալ ժամանակի փորձութեան, յարգել մեր իրաւունքները, պահպանել մեր ինքնութիւնը եւ երաշխաւորել Հայաստանի անվտանգութիւնը։ Խաղաղութիւն մը, որ մեզի թոյլ կու տայ նայիլ դէպի ապագայ՝ առանց պահանջելու, որ մոռնանք պատահածը։

Միեւնոյն ժամանակ պէտք է նաեւ դէպի ներս նայինք։

Երեսունհինգ տարին բաւարար է հասկնալու համար, որ ոչ մէկ կառավարութիւն Հայաստան է։ Կառավարութիւնները կու գան ու կ՚երթան, ճիշդ որոշումներ կու տան, կը սխալին եւ ի վերջոյ կը փոխարինուին։ Պետութիւնը կը մնայ եւ բոլորին կը պատկանի։

Այդ պատճառով Հայաստանը պահպանել կը նշանակէ նաեւ պահպանել անոր ժողովրդավարութիւնը, ամրապնդել հաստատութիւնները, երաշխաւորել բազմակարծութիւնը, ձգտիլ աւելի մեծ ընկերային արդարութեան եւ ընդունիլ, որ տարբերութիւնները մաս կը կազմեն այն բոլոր հասարակութիւններուն, որոնք կ՚ուզեն իսկապէս ազատ ըլլալ։

Կայ նաեւ պարտականութիւն մը, որ տակաւին մեր առջեւ կը մնայ։ Գտնել հասուն եւ տեւական ձեւ մը՝ Հայաստանը իր Սփիւռքին կապելու համար։

Մենք ազգ մըն ենք, զոր պատմութիւնը ցրուած է աշխարհի տարածքին։ Այդ իրականութիւնը, որ շատ անգամ ծնած է ցաւէն եւ հալածանքէն, կրնայ նաեւ վերածուիլ հսկայական ուժի։ Ատոր հասնելու համար մեզի անհրաժեշտ են վստահութիւն, մասնակցութիւն եւ հասարակաց ծրագիր մը, որ կարենայ օգտագործել միլիոնաւոր հայերու կարողութիւնները՝ անկախ այն բանէն, թէ ո՛ւր ծնած են կամ ո՛ւր ընտրած են ապրիլ

Հայ Յեղափոխական Դաշնակցութիւնը իր հիմնադրութենէն ի վեր յանձնառու եղած է ազգի այս գաղափարին։

Ազատ, անկախ եւ միացեալ Հայաստան։ Ինքնիշխան, ժողովրդավար եւ ընկերային արդար Հայաստան։ Պետութիւն մը, որ ուժեղ է իր հաստատութիւններով եւ իր ժողովուրդի մասնակցութեամբ։ Ազգ մը, որ կարող է Հայաստանի եւ Սփիւռքի ուժերը համախմբել հասարակաց նպատակներու շուրջ։

Այդ յանձնառութիւնը նաեւ կը պահանջէ յստակ խօսիլ, երբ դժուար ժամանակներ կ՚ապրինք։ Կրնանք տարբեր կարծիքներ ունենալ կառավարութեան մը, որոշ քաղաքականութեան մը, մեր դրացիներուն հետ յարաբերելու ձեւին կամ Հայաստանի ապագան երաշխաւորելու համար մեր անցնելիք ճանապարհին մասին։ Այդ քննարկումը անհրաժեշտ է եւ ժողովրդավար հասարակութեան մը բնական մասը կը կազմէ։

Բայց մեր ազգային ինքնութեան սիւներ կան, որոնք չեն կրնար յարաբերականացուիլ՝ ըստ պահու քաղաքական յարմարութեան։

Չի՛ կրնար յարաբերականացուիլ Հայոց Ցեղասպանութեան միջազգային ճանաչման պայքարը՝ դատ մը, զոր մեր ժողովուրդը սերունդներ շարունակ պաշտպանած է աշխարհի բոլոր անկիւններուն մէջ։

Չի՛ կրնար ուրացուիլ Արցախը։ Չի՛ կրնար լքուիլ մեր ղեկավարները եւ պատանդները, որոնք առեւանգուած, խոշտանգուած եւ բանտարկուած են աղաղակող ապօրինութիւններով ընթացող դատավարութիւններու միջոցով։ Չի՛ կրնար վարուիլ այնպէս, կարծես Արցախի պատմութիւնը սկսած ըլլար վերջին պատերազմով կամ վերջացած՝ անոր բնակչութեան բռնի տեղահանութեամբ։ Արցախը իր բնակիչներն են, իր եկեղեցիները, իր գիւղերը, իր քաղաքները, իր հողը, իր երկինքը, իր մշակոյթը եւ այն ամէնը, ինչ մեր ժողովուրդը դարեր շարունակ կառուցած է այնտեղ։

Եւ Արցախը նաեւ բռնի տեղահանուածներուն իրաւունքն է՝ պահպանելու իրենց յիշողութիւնը, ինքնութիւնը եւ իրենց օրինական իրաւունքը՝ ըլլալու եւ ապրելու այդ հողին վրայ։

Նոյնպէս կարելի չէ աւելի ուժեղ Հայաստան կառուցել՝ զայն հակադրելով իր Սփիւռքին։ Աւելի քան մէկ դար աշխարհի հայկական համայնքները հսկայական ճիգ գործադրած են շարունակելու համար մէկ ազգի մաս կազմել։ Անոնք կառուցած են դպրոցներ, եկեղեցիներ, ակումբներ, մշակութային կեդրոններ եւ հաստատութիւններ։ Սերունդներու կամաւոր աշխատանքով պահպանած են ամբողջ համայնքներ։ Հայ Դատը հասցուցած են խորհրդարաններ, կառավարութիւններ, համալսարաններ եւ միջազգային կազմակերպութիւններ։ Տնտեսապէս աջակցած են Հայաստանին եւ Արցախին, երբ այդ անհրաժեշտ եղած է, եւ ներկայ եղած են մեր նորագոյն պատմութեան ամենադժուար պահերուն։

Այս բոլորը կարելի է քննարկել, բարելաւել եւ արդիականացնել։ Բայց կարելի չէ զայն արհամարհել, ապատեղեկատուութիւն տարածել անոր գործունէութեան մասին կամ Սփիւռքի հաստատութիւնները ներկայացնել իբրեւ Հայաստանի համար խոչընդոտ։

Նոյն ձեւով չենք կրնար տկարացնել այն սիւները, որոնք հայ ժողովուրդին կարելիութիւն տուին գոյատեւելու այն ժամանակ, երբ նոյնիսկ սեփական պետութիւն չունէր։ Ազգային սիւներուն դէմ յարձակիլը մեզ աւելի արդիական կամ աւելի ժողովրդավար չի դարձներ։ Մեզ աւելի տկար կը դարձնէ։

Եւ այնպիսի տարածաշրջանի մը մէջ, ուր տակաւին գոյութիւն ունին շահեր, որոնք կը ձգտին տեսնել խոցելի, բաժնուած եւ իր իրաւունքներէն հրաժարելու պատրաստ Հայաստան մը, Հայաստանը Սփիւռքէն արհեստականօրէն բաժնելը սխալ մը պիտի ըլլայ, զոր մեր ժողովուրդը չի կրնար իրեն թոյլ տալ։

Մեր պատասխանը պէտք է երթայ ճիշդ հակառակ ուղղութեամբ։ Աւելի՛ Հայաստան եւ աւելի՛ Սփիւռք։ Աւելի՛ մասնակցութիւն։ Աւելի՛ հաստատութիւններ։ Աւելի՛ ժողովրդավարութիւն։ Աւելի՛ յանձնառութիւն մեր մշակոյթին եւ ինքնութեան նկատմամբ։ Աւելի՛ կարողութիւն՝ պաշտպանելու մեր իրաւունքները եւ աշխարհին բացատրելու մեր դատը։ Եւ, ամէնէն առաջ, աւելի խոր գիտակցութիւն, որ մենք մէկ ազգի մաս կը կազմենք։

Իր անկախութեան 35-ամեակին, մեր պատասխանատուութիւնն է պաշտպանել Հայաստանը՝ սակայն առանց հրաժարելու մեր յիշողութենէն, ամրապնդել զայն՝ առանց բաժնելու մեր ժողովուրդը, եւ անոր շուրջ կառուցել ազգ մը, որը կարող ըլլայ համախմբել իր բոլոր ուժերը։

FacebookTwitterOdnoklassnikiTelegramPrint
Լրահոս
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Փաշինյանը ցանկանում է նոր Սահմանադրութ

Նիկոլ Փաշինյանը կրկին կարող է ընդունել Ադրբեջանի նախագահ Իլհամ Ալիևի և Թուրքիա

12 Նոյեմբեր 2026
Հ.Յ.Դ. Աւստրալիոյ 53-րդ Շրջանային Ժողո

Հայ Յեղափոխական Դաշնակցութեան Աւստրալիոյ կառոյցի 53-րդ Շրջանային Ժողովը սկսաւ

11 Նոյեմբեր 2026
Ո՛չ՝ պարտադրուած Սահմանադրութեան

Հայաստանի Սահմանադրութեան շուրջ ծաւալող պայքարը պարզապէս իշխանութեան եւ ընդդիմ

11 Նոյեմբեր 2026
Խաղաղութեան գինը …

Հայաստանի ներկայիս իշխանախումբը 2018 թւականին կառավարական համակարգը բռնազաւթել

11 Նոյեմբեր 2026
Ակնարկ. Թրքական Եւ Ազրպէյճանական Առաւե

Հայաստանի առաջին նախագահին գլխաւոր խորհրդականին տուած հարցազրոյցին ընթացքին հն

11 Նոյեմբեր 2026
Նոյեմբերի 9-ի դասերն ու միակողմանի զիջ

Նոյեմբերի 9-ը հայկական պետականության ռազմավարական սնանկության և սուբյեկտայնութ

11 Նոյեմբեր 2026
Փաշինյանի անիմաստ ելույթը Համաշխարհայի

Վարչապետ Նիկոլ Փաշինյանը ելույթ է ունեցել նոյեմբերի 6-ին Երևանում անցկացված Հա

10 Նոյեմբեր 2026
ՀՀ ԱԺ «Հայաստան» խմբակցության հայտարար

Հայաստանում կալանքը վաղուց վերածվել է իշխանության քաղաքական հակառակորդներին լռ

10 Նոյեմբեր 2026
Ազգային օրակարգի շուրջ համախմբված կուս

Կալանավայրում մահացել է «Ուժեղ Հայաստան» կուսակցության՝ ՏԻՄ ընտրություններում

10 Նոյեմբեր 2026
Արցախի ի նպաստ հաւաք, լուռ քայլարշաւ ե

Կիրակի, Նոյեմբեր 8ի երեկոյեան, հայ համայնքի անդամները հաւաքուեցան Կլենտէյլի մէ

10 Նոյեմբեր 2026
ՀՅԴ Լիբանանի Հայ Դատի Մարմինը Նամակ Մը

ՀՅԴ Լիբանանի Հայ դատի մարմինը երէկ ՄԱԿ-ի Ապահովութեան խորհուրդի անդամ երկիրներ

10 Նոյեմբեր 2026
Ինչպէ՞ս Կարելի Է Համաձայն Ըլլալ Նիկոլ

Պէտք է իրերը կոչել իրենց անուններով։ Յայտարարելով, որ Հայոց ցեղասպանութեան միջ

09 Նոյեմբեր 2026
Նոյեմբերի 9-ից Պրահա․ ինչպես փոխվեց Ար

44-օրյա պատերազմը դադարեցվեց 2020 թվականի նոյեմբերի 9-ին՝ Հայաստանի, Ադրբեջանի

09 Նոյեմբեր 2026
Մեր հիմնական եւ առաջնային հարցը Արցախի

ՀՅԴ Զաւարեան ուսանողական միութեան հրատարակչական յանձնախումբը հետեւեալ հարցազրո

09 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company