Հունիսի 29-ին առցանց Հրապարակի «Հանդիպում» հաղորդաշարի հյուրն էր ՀՅԴ Հայաստանի Գերագույն մարմնի անդամ, «Հայաստան» դաշինքից ԱԺ պատգամավորության թեկնածու Արթուր Խաչատրյանը: Հաղորդման շրջանակներում խոսվել է Հայաստանում տիրող իրավիճակի, այդ իրավիճակը ծնած պատճառների ու ընդդիմության հետագա անելիքների մասին: Պատասխանելով դիտարկմանը, թե արդյոք ԱԺ արտահերթ ընտրությունները նպաստեցի՞ն հասարակության ներսում առկա պառակտվածության վերացմանը, Արթուր Խաչատրյանը մասնավորապես նշել է, որ հասարակության պառակտվածությունը հաղթահարելու համար անհրաժեշտ է նախ վերացնել այն ծնող պատճառները, ինչն այս ընտրություններով, հաշվի առնելով թե ինչ իրավիճակում դրանք տեղի ունեցան, հնարավոր չէր:

Արթուր Խաչատրյանն անիմաստ է համարել այն պնդումները, թե ընդդիմության կողմից մանդատներն ստանձնելու պարագայում խորհրդարանը կվերածվի կուտակված գոլորշին բաց թողնելու հարթակի: «Ժամանակին, երբ մենք դուրս եկանք փողոց, մեզ դարձյալ մեղադրում էին, թե դա անում ենք, որպեսզի ուրիշները դուրս չգան, որպեսզի մեղմացնենք իշխանությունների դեմ առաջացած դժգոհությունները: Կյանքը ցույց տվեց, սակայն, որ դա այդպես չէր»,- ասել է Արթուր Խաչատրյանը:

Մանրամասները՝ տեսանյութում: