Այսօր, օգոստոսի 22-ին ՀՅԴ ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան Սաղաթելյանը հարցազրույց է տվել «Երկիր Մեդիա», «Հ2» և «5-րդ Ալիք» հեռուստաընկերություններին:

Ինչ արդյունքներ է տվել «Դիմադրություն» շարժումը, ամենակարևորը դրա վառ գնահատականը և ապացույցը միջազգային արձագանքն է։

Թուրքիայի ԱԳ նախարարը երեք անգամ անդրադարձել է «Դիմադրություն» շարժմանը տարբեր հարցազրույցներով և հայտարարություններով և ՀՀ ընդդիմության գործունեությանը հիմնականում այս կոնտեքստում, որ Հայաստանում կան ռևանշիստական ուժեր, ովքեր խանգարում են Նիկոլ Փաշինյանին՝ տարածաշրջանում խաղաղություն հաստատել, այսինքն այս կեղծ օրակարգով Ադրբեջանի և Թուրքիայի շահերը սպասարկելուն. հարցազրույցի ժամանակ ասել է Իշխան Սաղաթելյանը։

«Այս մասին հայտարարությամբ հանդես է եկել Ադրբեջանի նախագահը, Ադրբեջանի ԱԳ նախարարը։ Ամենացայտուն օրինակը՝ Ադրբեջանի անվտանգության ծառայության պետի հայտարարությունը, որն ուղիղ սպառնում էր ՀՀ ընդդիմությանը։ Շարժմանը շատ կարևոր գնահատական էր Ադրբեջանում ԱՄՆ նախկին դեսպանի հայտարարությունը, այսինքն առնվազն այս իմաստով մենք ամբողջ աշխարհին ցույց ենք տվել, որ կա գործընթաց, խախտել ենք երկիրը հանձնելու ժամանակացույցը։ Այս աղետը, որը այս օրերին ունենք, դա նախատեսված էր ավելի վաղ և ավելի մեծ ծավալներով։Հետևաբար այս իմաստով ակնհայտ է Դիմադրության շարժման ձեռքբերումները։ Մենք մեր գլխավոր նպատակին՝ հեռանցել օրվա իշխանությանը և կանխել այս գործընթացը, դեռ չենք հասել, բայց վստահ եմ՝ մեր բացթողումները, սխալները գնահատելով, ճիշտ եզրահանգնումներ անելով հնարավոր է հասնել այս իշխանությունների հեռացմանը։ Կարևորը՝ չհուսահատվել, չնահանջել։ Իսկ այն շոգ, ձմեռ և այլն․․․ Հայրենիքի փրկության շարժման ժամանակ, վրանները նոր տարուն հրապարկում խփված էին, նույնիսկ նոր տարին մենք հրապարկում ենք դիմավորել, այդ հարցերին մենք անդրադարձել ենք, և կյանքը ժամանակը ապացուցել է, որ մենք որևէ պարագայում հետ չենք կանգնելու»,-ասաց նա։

Անդրադառնալով շարժման բացթողումներին, քննադատություններին, թե չունեին ծրագիր և վարչապետի թեկնածու, Իշխան Սաղաթելյանը նշել է․

«Մենք մեր ծրագրերի մասին խոսել ենք շատ հստակ ու ոչ թե մեկ անգամ այլ բազմաթիվ անգամներ։ Այս պայքարը մեր համար նախընտրական պայքար չի եղել․․․ մենք ասել ենք, որ երկիրը, պետականությունը վտանգի տակ է։ Այս իրավիճակում, երբ ունենք գոյաբանական խնդիրներ, այս պայքարը վերածել նախընտրական պայքարի, և հանդես գալ նման դետալային ծրագրերով կամ խոսել սոցիալական հարցերի մասին, երբ առհասարակ պետականության գոյություննն է հարցականի տակ, մենք այդ սկզբունքով չենք առաջնորդվել։ Ծրագրային ելույթներ ունեցել ենք բազմաթիվ անգամներ»։

Այնուհետև նա առանձնացրել է շարժման ամենամեծ և կարևոր բացթողումները․

«Պետք է արձանագրենք, որ մենք մեր երկրին սպառնացող վտանգները դեռ չենք կարողացել ամբողջությամբ հասցնել մեր ազգաբնակչությանը։ Այսինքն, Նիկոլի մեջտեղ բերած կեղծ, շինծու խաղաղության օրակարգը, որն իրականում նոր քաոսի, կապիտուլյացիայի, նոր պատերազմի օրակարգ է, մարդկանց մոտ ավելի գրավիչ եղավ, քան մեր ներկայացրած պայքրաի օրակարգը։ Երկրորդը՝ մեր պայքարըշը՝ հանուն Արցախի դիտարկվեց,որպես պայքար հանուն իշխանության, պայքար՝ նախկինների վերադարձի, ըստ էության դա մեր բացթողումն է եղել, որը չենք կարողացել տեղ հասցնել․․․ՀՀ իշխանությունները Ադրբեջանի իշխանությունների հետ համագործակցաբար միջազգային հանրությանը մեր շարժումը մեր պայքարը ներկայացնում է իբրև ռևանշիստներին պայքար և իմ վերջին եվրոպական այցելությունը դրա վառ ապացույցն է, որ շաստ սխալ միջազգային ընկալում կա նաև մեր շարժման նկատամամբ։ Եվ ամենավերջինը՝ մենք չենք կարողեցել մեր շարժման մասնակիցներին, մեր պես մտածողներին, համակիրներին դարձնել ամենօրյա պայքարի մասնակից։ Սրանք պետք է կարողքնանք լուծել, և պայքարի հաջորդ փուլում ավելի կազմակերպված մտնել պայքրաի մեջ։ Եվ ամենակարևորը, մենք մեր աջակիցներից պետք է ստանանք կազմակերպված բանակ․ փողոցային ճանապարհով այս իշխանությանը հեռացնելու համար բարձր որակի կազմակերպվածությունը անհրաժեշտությունը է»։

Մենք վարչապետին իմպիչմենտ հայտնելու գործընթաց բացառապես սկսելու ենք այն ժամանակ, երբ դրա հաջողությանը հասնելու համար բավարար հիմքեր լինեն։

«Այս իշխանությանը հեռացնելու երկու ճանապարհ կա. հրաժարական եւ խորհրդարանի միջոցով պաշտոնանկություն։ Այս երկու տարբերակներից որեւէ մեկը հաջողության կհասնի բացառապես համաժողովրդական լայն ընդվզման, եթե կուզեք ասեմ՝ ապստամբության միջոցով, որովհետեւ սրանք հակահայ իշխանություններ են, եթե այդ պատկերը չունենանք, այսինքն՝ համաժողովրդական ընդվզումը, ապա ո՛չ հրաժարականն է ստացվելու, ո՛չ էլ պաշտոնանկությունը։ Մենք պետք է ունենանք հասունացած այդ իրավիճակը, հետո մտնենք այդ պրոցեսի մեջ, այդ պրոցեսը չպետք է ձեւական լինի։ Այսինքն՝ պաշտոնանկությունը մեր օրակարգում է, այդ պրոցեսի մեջ կմտնենք այն ժամանակ, երբ դրա համար ունենանք նպաստավոր պայմաններ, իսկ մեր պարտականությունն է հասունացնել այդ օրը»,– ասաց Իշխան Սաղաթելյանը։

Ինչ վերաբերում է խորհրդարան վերադառնալուն, ապա Սաղաթելյանն ասաց, որ նախորդ հայտարարություններն այդ մասով ուժի մեջ են, ոչինչ չի փոխվել։

Մանրամասները՝ տեսանյութում