«Հանդիպում կազմակերպել ենք IT ոլորտի մեր հայրենակիցների հետ, փորձել ենք հայրենադարձ այդ մասնագետներին մասնակից դարձնել մեր աշխատանքներին: Հենց այդ ոլորտի աշխատանքների հայտարարություններ ենք ամենաշատը տեղադրում մեր ֆեյսբուքյան էջում», – ասաց բանախոսը:

«Մեր ստացած բոլոր նվիրատվություններն ամբողջությամբ փոխանցել ենք զինծառայողների վերականգնողական
կենտրոնին»,- ասաց Ժիրայր Բյոջեքյանը:

Նա միաժամանակ տեղեկացրեց, որ պատրաստակամ են իրավաբանական անվճար խորհրդատվություն տրամադրել հայրնեադարձ բոլոր այն ընտանիքներին, որոնք, Հայաստան վերադառնալով, այս կամ այն խնդրին կբախվեն:

Բանախոսի տեղեկացմամբ՝ ամենամեծ խնդիրը, որին հաճախ հանդիպում են հայրենադարձ ընտանիքները, աշխատանքի հարցն է:

«Բոլորս գիտենք, որ նույնիսկ ՀՀ քաղաքացին աշխատանքի խնդիր ունի: Նույն իրականության մեջ փորձում ենք նրանց համար ամեն ինչ անել», – նշեց դաշնակցական գործիչը:

Անդրադառնալով կորոնավիրուսով պայմանավորված առաջ եկած խնդիրներին՝ Ժիրայր Բյոջեքյանը նշեց, որ այս ընթացքում ՀՅԴ Գերագույն մարմնի հայրենադարձների հանձնախումբը սննդամթերքով է ապահովվել 220 ընտանիքի, այդ թվում՝ ոչ միայն հայրնեադարձների, այլ ՀՀ քաղաքացիների և Հայաստանում գտնվող օտարազգի ուսանողների:

Նա նաև տեղեկացրեց՝ եղել է մի բարերար, ով պատրաստակամություն է հայտնել վճարել Շուշիում բնակություն հաստատող 5 հայրենադարձ ընտանիքի 5 տարվա բնակարանային վարձը: Առայժմ այդպիսի մեկ ընտանիք է ցանկություն հայտնել բնակվելու Արցախում:

«Հայրենադարձ ընտանիքները մեզ բազմաթիվ շնորհակալական խոսքեր են ասում, որովհետև Հայաստանում հարազատ չունենալով՝ նրանք միշտ մեզ են դիմում», – ասաց Սիմոն Գաֆալյանը:

Նա նշեց, որ այդ մարդկանցից շատերը հաճախ հազիվ ի վիճակի են լինում հանապազօրյա հաց վաստակել և փոքրիկ բիզնես հիմնելու ճանապարհին բազմաթիվ բյուրոկրատական դժվարությունների են հանդիպում: Սա նրանց թևաթափ է անում:

«Պետք է պայմաններ ստեղծվի, որ յուրաքանչյուր մարդ ցանկանա գալ Հայաստան, իսկ եկողն էլ՝ չգնա»,- ասաց Սիմոն Գաֆալյանն ու շեշտեց, որ Հայաստանում հայրենադարձության օրենքը հստակ չէ. «Ինձ հարցնում են՝ հարենիքի մեջ սեւ ու սպիտակ հայը ո՞րն է, դրսի ու ներսի հայը ո՞րն է: Ասֆալտին փռելով՝ երկիր չի շտկվի, մենք ունեցանք վարչապետ, որը դարձավ մեր բոլորի ընտանիքի հայրը, ուրեմն լավ, թե՝ վատ միավորի՛ր զավակներիդ, որ ցանկանան գալ Հայաստան»,- ՀՀ վարչապետին հռետորական կոչով դիմեց բանախոսն ու հավելեց, որ այս ընթացքում հաճախ են սփյուռքից մտահոգված հայրենակիցներն իրեն հարցնում, ի վերջո այս ամենի վերջն ի՞նչ է լինելու. «Ինձ հարցնում են, այս ի՞նչ է կատարվում հայրենիքում, մյուս կողմից էլ այս կորոնավիրուսն է մարդկանց մեջ հուսահատություն առաջացնում։ Մենք հաճախ ենք ասում համեցե՛ք Հայաստան, սա մեր երկիրն է ու մենք պետք է տեր կանգնենք մեր երկրին, մեր հողին, բայց մարդիկ մտահոգվում են, ասում են, եթե բիզնես դնեմ ապահովագրվա՞ծ եմ»,- ասաց Ս. Գաֆալյանն ու հստակեցրեց. «Անվստահության հարց կա»։

Բանախոսի փոխանցմամբ սփյուռքին այսօր առավել մտահոգում է տարածաշրջանի պայթյունավտանգ իրավիճակը. «Ամեն գնով հարմար առիթին ու հարմար պահին են սպասում, որ աշխարհի խառը իրավիճակում Հայաստանի հետ վարվեն այնպես, ինչպես 100 տարի առաջ»։

Մանրամասները՝ տեսանյութում