ՀՀ Սահմանդրությամբ խորհրդարանական ընդդիմությանը վերապահված ԱԺ փոխխոսնակի պաշտոնում ընտրվեց «Հայաստան» խմբակցության պատգամավոր, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը: 107 պատգամավորից քվեարկությանը մասնակցել է 103 պատգամավոր՝ 64 կողմ, 37 դեմ ձայների հարաբերակցությամբ, 2 քվեաթերթիկ ճանաչվել է անվավեր:

ԱԺ փոխխոսնակ ընտրված Իշխան Սաղաթելյանը քվեարկության արդյունքների հրապարակումից հետո շնորհակալություն հայտնեց ինչպես «Հայաստան» դաշինքի օգտին քվեարկած քաղաքացիներին, այնպես էլ՝ «Հայաստան» դաշինքին չընտրածներին և ընտրություններին չմասնակցած քաղաքացիներին՝ ասելով, որ իրենք խորհրդարանում ներկայացնելու են նաև նրանց շահերը։

«ԱԺ պատգամավորն առաջնորդվում է խղճով ու համոզմունքներով։ Իմ խիղճն ինձ թելադրում է, որ մտահոգ լինեմ երկրում ստեղծված իրավիճակով, չհամակերպվեմ այն իրավիճակի հետ, որ գոյություն ունի, և իմ համոզմունքն է, որ երկիրն ունի բազմաթիվ խնդիրներ ու մարտահրավերներ, որոնք պետք է հաղթահարվեն։ Ես պատրաստ եմ լուրջ աշխատանքի և ներկայացնելու եմ ժողովրդի ձայնը խորհրդարանում», – ասաց նա։

https://youtu.be/dAGMFpzyPQw