Այսօր, մարտի 7-ին «Հայաստան» դաշինքի պատգամավորներ Վահե Հակոբյանը եւ Թադեւոս Ավետիսյանը հանդես եկան մամուլի ասուլիսով։

Նրանք ամփոփեցին վերջին ԱԺ վերջին քառօրյան և պատասխանեցին լրագրողների հարցերին:

«Մեր առաջնային խնդիրը դոլար-դրամ փոխարժեքի կայունության ապահովումն է»,- «Հայաստան» դաշինքի պատգամավոր, Տնտեսական հարցերի մշտական հանձնաժողովի նախագահ ասաց Վահե Հակոբյանը:

Նա հայտնեց, որ որոշ տվյալներով օրական 6 հազար ՌԴ և Ուկրաինայի քաղաքացի է գալիս Հայաստան և իրենց հետ բերում են հիմնականում ռուբլի, ուստի ՀՀ կառավարության առաջին խնդիրն այն է, որ դրա արտահոսք չլինի:

Վահե Հակոբյանը նկատեց, որ Հայաստանը կարող է կանգնել նաև հացահատիկի ռիսկի առաջ:

Նշելով, որ Հայաստան հացահատիկը ներկրվում է՝ նա ընդգծեց, որ եթե ուկրաինական հակամարտությունը երկարի, ապա ՌԴ-ն սահմանափակումներ կմտցնի և մեր երկիրը կկանգնի խնդրի առաջ:

«Հայաստան» խմբակցության պատգամավոր Թադևոս Ավետիսյանն էլ նկատեց, որ ռուս-ուկրաինական հակամարտության ռիսկերն ակներև են և արդեն տեսանելի են:

«Բայց կա նաև հնարավորություններ Հայաստանի տնտեսական պոտենցիալը մեծացնեու, ներդրումների համար բարենպաստ պայմաններ ստեղծելու և նաև արտահանումը ԵԱՏՄ ավելացնելու»,- ասաց պատգամավորը և շեշտեց՝ կառավարությունը ԿԲ-ի հետ պետք է անի առավելագույնը, որ ռիսկերը տնտեսության վրա չեզոքացնի և բարձրացնի բացված հնարավորություններից օգտվելու հանրավորությունները։

Մանրամասները՝ տեսանյութում

https://youtu.be/3f3IGgxla7k