Երևանում Նիկոլ Փաշինյանի հրաժարականի պահանջով ու Հայաստանի և Արցախի անվտանգությամբ անհանգստացած քաղաքացիների բողոքի ակցիաներն ու անհնազանդության գործողությունները շարունակվում են։ Այսօր վաղ առավոտից քաղաքացիները կրկին կաթվածահար են արել մայրաքաղաքի մի շարք փողոցներ։ Փողոցներ և մայրուղիներ են փակվել ոչ միայն Երեւաանում, այլև մարզերում։

Ֆրանսիայի հրապարակից անհնազանդության երթն առաջնորդել են «Հայաստան» խմբակցության պատգմավորներ Գեղամ Մանուկյանը, Աննա Գրիգորյանը: Մաշտոցի պողոտայով բարձրանալով, երթը շարժվել է դեպի Մոսկովյան, ապա Տերյան փողոց ։

Գեղամ Մանուկյանը դիմել է ոստիկաններին, ասելով․ «Ողջունում ենք հատկապես այն ոստիկաններին, որոնց տնից-տեղից կտրած մարզերից բերել են այստեղ․ այս իշխանությունները ստիպում են նրանց կարգուկանոն պահել, բայց իրենք էլ են գիտակցում, որ սա կարգուկանոն պահել չէ, այլ Նիկոլի աթոռը մի օրով երկարաձգելը: Տղերք, երբ վանկարկում ենք՝ «ոստիկանը Նիկոլ չէ», դա վերաբերում է բոլորիդ»:

Ներկաները վանկարկել են՝ «Առանց Նիկոլ Հայաստան»։

Իրավիճակը լարվել է, երբ երթի մասնակիցներից մի քանիսը փորձել են փակել նաեւ հանդիպակաց երթեւեկությունը: Գեղամ Մանուկյանը կոչ է արել ոստիկանների հետ հերկխոսության մեջ չմտնել:

Ոստիկանությունը շարունակում է բերման ենթարկել Երևանի տարբեր փողոցներնում անհնազանդության ակցիա իրականացնող քաղաքացիներին։

Նիկոլի ժողովրդավարության բաստիոն Հայաստանում ապօրինությունները շարունակվում են»,- հայտնել են ՀՅԴ «Նիկոլ Աղբալյան» ուսանողական միությունից։

Միությունից տեղեկացրել են, որ այսօր ոստիկանության կողմից առևանգվել են ՀՅԴ ՆԱՈՒՄ ընկերներ Տարոն Ղազարյանը, Սարգիս Բաղդասարյանը, Գառնիկ Մելքումյանը, Ամիրան Գալավորյանը, Թադևոս Սարգսյանը, Գևորգ Գյուլոմյանը՝ առանց օրինական պահանջի ներկայացման և անհամաչափ բռնի ուժի կիրառմամբ։

Նշենք, որ Ավան վարչական շրջանից այսօր «Դիմադրության» շարժման իրազեկման ավտոերթ է մեկնարկել։

«Ավտոերթը մեր հերթական բողոքի գործողությունն է․ ապրիլի 5-ից սկսել ենք բողոքի նոր ալիք և դա տարբեր գործողություններով արտահայտվում է»,-ասել ՀՅԴ անդամ, ԱԺ «Հայաստան» խմբակցության պատգամավոր Թադևոս Ավետիսյանը, որը մասնակցում է բողոքի գործողությանը։

Ավտոերթով փորձում ենք պայքարի հիմնական գաղափարները հասցնել մարդկանց և ասել, որ այսօր ժամը 19։00-ին հերթական համազգային հանրահավքն է Ֆրանսիայի հրապարակում։

«Իսկ պայքարի նպատակը շատ պարզ է․ այսօրվա ապիկար իշխանությունները մեր երկիրը տանում են կործանման․ մենք մեր երկրում պաշտպանում ենք մեր երկրի անկախությունը և մեր ազատ ապրելու իրավունքը»,-նշել է Թադևոս Ավետիսյանը։

Տեղեկություն տարածվեց, որ ոստիկանությունը ձերբակալել է Համբիկ Սասունյանին։ Այս մասին իր էջում գրել էր «Իրավական ուղի» ՀԿ համահիմնադիր Ռուբեն Մելիքյանը․ «Հայրենական» ոստիկանությունը ձերբակալեց Համբիկ Սասունյանին: Համբիկը Հանուն Հայրենիքի 40 տարի է նստել։ Ոչինչ, երեք ժամ էլ կդիմանա»։

Ավելի ուշ, Համբիկ Սասունյանին բաց են թողել․ «Ասում եմ՝ Նիկոլ, ամոթ քեզ, հազար ամոթ։ Դու չորս տարի այս նույն քայլերն արեցիր իշխանության հասնելու համար, և հիմա դիկտատոր ես դարձել և թույլ չես տալիս, որ ուրիշներն անեն նույն բանը, որ դու ես արել։ Ամոթ քեզ, դու թուրքերից ոչ մի բանով ավելի չես, դու դավաճան ես։ Վախկոտ մի եղիր, Ալիևի հետ սուրճ ես խմում, արի մեզ հետ էլ սուրճ խմիր, ամոթ քեզ», – ոստիկանությունից դուրս գալիս հայտարարեց Համբիկ Սասունյանը։