Գարեգին Նժդեհի հրապարակից այսօր, մայիսի 25–ի երեկոյան մեկնարկեց Նիկոլ Փաշինյանի հրաժարականի պահանջով «Դիմադրություն» շարժման բազմամարդ երթը։

Մինչեւ երթի մեկնարկը ելույթով հանդես եկան ակտիվիստ Սեւադա Ղուկասյանը, ՀՀ ՊՆ նախկին փոխնախարար Արտակ Զաքարյանը։

Նիկոլ Փաշինյանն այսօր Ազգային ժողովում շարունակել է իր մանիպուլյատիվ, պոպուլիստական, անհիմն, վտանգավոր հայտարարությունների շարքերը, այս անգամ փրձելով սվաղել այն ապիկար տգետ քաղաքականությունը, որի արդյունքում մեր երկիրը հասել է այս աղետալի վիճակին։ Շատ ենք խոսել Բրյուսելյան փաստաթղթի մասին, որի ծայրաստիճան վտանգավոր դրույթների վերաներյալ Փաշինյանը նույնիսկ առայսօր հստակ չի ասում, թե ինչպիսի վտանգավոր և ինչպիսի անկածախնդիր գործընթաց է սկսել մեր պետության, պետականության և Արցախի դեմ․ հայտարարեց Արտակ Զաքարյանը։

Քաղաքական գործիչն անդրադարձավ նաև Փաշինյանի Բրյուսել կատարած այցին, մասնավորապես՝ եռակողմ հանդիպման արդյունքներին, նշելով, որ ծայրաստիճան վտանգավոր դրույթների մասին Նիկոլ Փաշինյանն անկեղծորեն չի ասում, թե ինչպիսի վտանգավոր և արկածախնդիր նոր գործընթաց է սկսել մեր պետության,մասնավորապես՝ Արցախի դեմ։

Զաքարյանի գնահատմամբ՝ Միշելի կողմից արևմտյան Ադրբեջանի և Նախիջևանի կապի հիշատակումը նշանակում է, որ Հայաստանը, Ադրբեջանը և ԵՄ-ն արդեն իսկ գնում են մի ճանապարհով, որտեղ ԼՂ-ն, որպես քաղաքական, աշխարհագրական միավոր, վերացած է։

ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանն իր ելույթում անդրադարձավ այսօր՝ Ազգային ժողովում Կառավարության հետ հարցուպատասխանի ընթացքում հնչած ընդդիմության վերաբերյալ հայտարարություններին. «Իշխանություններն իրենց ծրագիրն ավարտին չեն հասցնելու, մենք շարունակելու ենք ասել՝ դավաճան եւ սրիկա, ու դա ունենալու է իր հետեւանքը»։

Այնուհետեւ Իշխան Սաղաթելյանն առաջարկեց երթ իրականացնել դեպի Ֆրանսիայի հրապարակ, որտեղ կշարունակվի հանրահավաքը։

Երթի ընթացքում հնչում էին հաղթական պայքարին միանալու կոչեր, հայրենասիրական երգեր։

«Առանց Նիկոլ Հայաստան», «Առանց թուրքի Հայաստան», «Տեր ենք մեր հայրենիքին» վանկարկում էին երթի մասնակիցները։

Ֆրանսիայի հրապարակում հանրահավաքը շարունակվեց, ամփոփվեց օրը։

Միայն մենք, որպես բարի և ուժեղ մարդիկ կարող ենք համերաշխության մթնոլորտ ստեղծել, միայն մենք կարող ենք փոխել հայ ազգի ճակատագիրը և Հայաստանը իր խաթարված հունից բերել ճիշտ ճանապարհի։ Մենք կարող ենք նորից ծլարձակել, և մեր բանակը պետք է քայլելով շարժվի մեր հրապարակում, որ մենք կարողանանք իրոք հանգիստ լինել, որ մենք դառնանք գործոն տարածրջանի այս հատվածում և ոչ թե դառնանք մուրացկան, որին ընդամենը խղճում են և գրոշներ են նետում․ Իր խոսքում ասաց Արցախյան երեք պատերազմների մասնակից, բժիշկ ազատամարտիկ Տարոն Տոնոյանը։

Խոնարհվում եմ ձեր առաջ, հայտարարեց նա՝ դիմելով ժողովրդին, որովհետև ես ինքս իմ աչքից ընկել էի, բայց դուք կարողացաք իմ հավատքը արթնացնել։

Գնալու ենք հաղթական ավարտի, մինչև վերջ՝ ասաց Տարոն Տոնոյանը։

Ելույթներով հանդես եկան «Հայաստան» խմբակցության պատգամավորներ Արամ Վարդեւանյանը եւ Աննա Գրիգորյանը։

ԱՄՆ-ից հայ ժողովրդին ուղերձով դիմեց ՀՀ վաստակավոր արտիստ Էռնա Յուզբաշյանը․ «Չի կարելի անտարբեր մնալ և նայել, թե ինչպես է այս սուբստանցիան՝ էությունը, որն իրեն վարչապետ է հռչակել, մեր ազգի դեմ հրեշավոր հանցագործություն է կատարում։ Մեր երեխաների, հայրերի, ամուսինների, եղբայրների անունից, որոնց մենք կորցրեցինք, այս ոչնչության շնորհիվ, հանուն նրանց հիշատակի իրավունք չունենք անտարբեր մնալ և նստել տանը։ Մենք պարտավոր ենք լինել նրանց հետ, ով մեզ տանում է ճիշտ գործողությունների։ Հանգամանքների բերումով , ձեր կողքին չեմ, բայց մենք ձեր կողքին ենք, ձեզանից մեկն ենք։ Մեր երեխաները զոհվեցին՝ հանուն Արցախի, հանուն մեզ։ Սիրելիներս մեր հայրենիքը վտանգված է, ոտքի կանգնե՛ք»։

Իշխան Սաղաթելյանը իր եզափակիչ խոսքում անդրադարձավ օրվա իրադարձություններին, ինչպես նաեւ Ազգային ժողովում տեղի ունեցած հարցուպտասխանի ժամանակ Նիկոլ Փաշինյանի պահվածքին։ Այնուհետեւ նա ներկայացրեց ՀՀ Աժ-ի հայտարարության նախագիծը, որը պատրաստվում են ներկայացնել ընդդիմադիր խմբակցությունների պահանջով հրավիրվելիք ԱԺ արտահերթ նիստում։

Վերջում նա ներկայացրեց վաղվա՝ մայիսի 26-ի, անելիքները՝ նշելով, որ ժամը 10։30-ին Ֆրանսիայի հրապարակից շարժվելու են դեպի ԲԴԽ-ի շենք՝ սատարելու 44-օրյա պատերազմում զոհված հայորդիների ծնողներին եւ 15։30-ին կրկին հավաքվելու են Ֆրանսիայի հրապարակում իրականացնելու զանազան ակցիաներ, այդ թվում նաեւ Հայաստան ժամանող Չեռնոգորիայի նախագահին ցույց տալու, որ ՀՀ գործող իշխանությունները այլեւս մանդատ չունեն հայ ժողողվրդին ներկայացնելու։

https://youtu.be/fwRG1MXKjA8