Այսօր, հուլիսի 1-ին Ֆրանսիայի հրապարակում մեկնարկեց «Դիմադրություն» շարժման հանրահավաքը:

Ելույթներ ունեցան ընդդիմադիր պատգամավորներ Վահե Հակոբյանը, Արամ Վարդեւանյանը, Տիգրան Աբրահամյանը, ուսուցչուհի Հասմիկ Հարությունյանը, Քաշաթաղի Աղավնո համայնքի համայնքապետ Անդրանիկ Չավուշյանը:

Այսօր այս ազգային խայտառակություն համարվող իշխանությունները իրենց ընկալմամբ դարակազմիկ նիստ են հրավիրել և ինձ ու Իշխան Սաղաթելյանին պաշտոնից զրկել. իր ելույթում ասաց Վահե Հակոբյանը:

«Սա հարված էր խորհրդարանի մշակույթի վրա, բայց մենք որեւէ բան չունենք մտածելու, թող մտածեն Նիկոլը եւ իրեն գովաբանող թիմակիցները, միջազգային կառույցները, որոնք շարունակում են լուռ մնալ: Մենք մտածելու ոչինչ չունենք: Եթե կարծում են, թե այսպես կշեղեն, մեզ հետ կպահեն մեր օրակարգից, չարաչար սխալվում են: Մենք մեր պայքարը շարունակելու ենք, նման էժան քայլերով մեզ չեն կարող ցավեցեցնել»,- ասաց նա:

Նոր պատերազմի մասին խոսում է մարդ, որն, ըստ Սահմանադրության ռազամական գործողությունների ժամանակ գերագույն գլխավոր հրամանատարն է՝ իր տեսակով անպատասխանատու և խաբեբա, որը մեկ անգամ արդեն մեր ժողովրդին տարել է ողբերգության»,- իր խոսքւմ ասաց Տիգրան Աբրահամյանը։

Նիկոլ Փաշինյանը նոր պատերազմի հայտարարությունով շանտաժի է ենթարկում մեր ժողովրդին, որպեսզի մեր երկիրը տանի նոր զիջումների ճանապարհով, ինչը տեսնում ենք և՛ Սյունիքի, և՛ Արցախի՝ Բերձորի հատվածքներում։

Տիգրան Աբրահամյանը դիմեց Նիկոլ Փաշինյանին պաշտպանողներին՝ ՀՀ վարչապետը նոր պատերազմ է նախապատրաստում՝ տարածքային և մարդկային նոր կորուստներով։

Իսկ վերահաս պատերազմը կանխելու համար կա մեկ ճանապարհ ․ «Այս իշխանությանը դուրս շպրտելն է, այլ տարբերակ չկա», -ասաց ընդդիմադիր պատգամավորը:

«Առանց նիկոկ Հայաստան»՝ վանկարկեցին հանրահավաքի մասնակիցները:

Ապա ելույթ ունեցավ Աղավնոյի համայնքապետ Անդրանիկ Չավուշյանը:

«Ինչ-որ մեկը պիտի որոշի մենք ուր ապրենք, ոնց ապրենք և այլն։ Այս զիջողական դիրքը, որն անընդհատ զիջում է հողեր, էդ մանդատը իրեն ոչ ոք չի տվել, մենք թույլ չենք տալիս, որ ինքը մեր ճակատագրով որոշումներ կայացնի։ Արցախի հողը համահայկական հող է, որը պատկանում է Հայաստանին, Արցախին, Սփյուռքին, դա չի կարող իր սեփականությունը լինել, Փաշինյանը իրա սեփականության վրա կարա որոշումներ կայացնել։ Արցախը կա ու կլիին ընդմիշտ», -ասաց նա:

Բեմահարթակ բարձրացավ ՀՅԴ ԳՄ ներկայացուցիչ Իշխան Սաղաթելյանը:

«Արցախի և Հայաստանի միջև կապն ապահովվելու համար Լաչինի միջանցքի երկայնքով նոր երթուղու նախագիծը պետք է հաստատվեր կողմերի համաձայնությամբ։ Ե՞րբ, որտե՞ղ և ի՞նչ մակարդակով են համաձայնություններ ձեռք բերվել, կա՞ն համաձայնություններ և որտե՞ղ են ստորագրվել։ Մենք պնդում ենք, որ այս իշխանությունները կրկին ժողովրդի թիկունքում ձեռք են բերել պայմանվորվածություն՝ Բերձորը հանձնելու կապակցությամբ»,- հայտարարեց նա։

Իշխան Սաղաթելյանը շեշտեց՝ Ադրբեջանը մինչ այժմ չի կատարել իր պարտավորությունները, այդ թվում՝ ռազմագերիների վերադարձի մասով, ավելին՝ խախտել է եռակողմ համաձայնագրի բազմաթիվ կետեր։

«Ինչպե՞ս է ստացվում, որ հայկական կողմը հետևողականորեն իրականացնում է համաձայնագրի կետերը, իսկ Ադրբեջանը՝ ոչ. որովհետև կառավարության շենքում նստած են դավաճաններ, որոնք սասարկում են Ադրբեջանի շահերը», – ասաց նա։

Այնուհետեւ նա հանրհավաքի մասնակիցներին հրավիրեց երթի:

«Առանց Նիկոլ Հայաստան», «Միություն, Պայքար, Հաղթանակ»՝ վանկարկում էին երթի մասնակիցները, հնչում էին հայրենասիրական երգեր:

«Դիմադրություն» շարժման մասնակիցները կանգ առան կառավարական առանձնատների մոտ, որտեղ ոստիկանները շղթա էին կազմել:

«Առանց Նիկոլ Հայաստան», «Տեր ենք մեր հայրենիքին», «Առանց թուրքի Հայաստան», «Միություն, Պայքար, Հաղթանակ», «Նիկոլ դավաճան», «Արցախ»՝ վանկարկեցին նրանք եւ շարունակեցին երթը:

Ֆրանսիայի հրապարակում հանրահավաքը շարունակվեց:

Ելույթ ունեցավ Իշխան Սաղաթելյանը:

Նա ներկայացրեց առաջիկա անելիքներն ու նախատեսված միջոցառումները։

Հուլիսի 5-ին՝ սահմանադրության օրը երթ ենք նախատեսում ի պաշտպանություն ՀՀ սահմանադրության և պետական խորհրդանիշների։ Այսօրվա դավաճանները, բնականաբար, դրա հետ կապ չունեն։ Ի պաշտպանություն մեր պետական խորհրդանիշների, հուլիսի 5-ին, ժամը 11։00 –ին հրավիրում ենք խորհրդանշական երթի»,- ասաց Իշխան Սաղաթելյանը։

Իսկ հուլիսի 8-ին, ժամը 19։30-ին Ֆրանսիայի հրապարակում կրկին հանրահավաք է լինելու։

«Այդ ընթացքում՝ մյուս շաբաթվա մեջ, կրկին տեղի կունենան ակցիաներ, մենք կշարունակենք մեր կազմակերպչական և մյուս աշխատանքները»,- նշեց Իշխան Սաղաթելյանը։

https://youtu.be/l65NjqAiC6A