Շաբաթ, Սեպտեմբեր 17ին, Արեւմտեան Միացեալ Նահանգների Հայ Երիտասարդաց Դաշնակցութեան հրաւէրով բողոքի ցոյց տեղի ունեցաւ Ադրբէյջանի հիւպատոսարանի առջեւ՝ Լոս Անճելըսի Ուիլշիր Պողոտայի վրայ։

Ցոյցի նպատակն էր հանրային կարծիքի ուշադրութիւնը հրաւիրել Հայաստանի սահմանների վրայ Ադրբեջանի անմարդկային յարձակումների վրայ, պահանջել վերականգնել ԱՄՆ-ից Ադրբեջանին օգնութիւն տրամադրելու 907-րդ յօդուածի արգելքը եւ Ադրբեջանի կառավարութեան եւ ղեկավարութեան դէմ պատժամիջոցներ կիրառել։ .

Բողոքի ակցիան բացեց ՀԵԴ անդամ Անի Ղազարեանը: նա ներկայացրեց Հայաստանում եւ Արցախում տիրող իրավիճակը եւ յայտնեց կազմակերպուած բողոքի նպատակները։ Ապա հրաւիրուեցաւ Դրօ Գրիգորեանը երգելու Հայաստանի Հանրապետութեան եւ Արցախի Հանրապետութեան օրհներգերը։

Ներկաները ապա մեկ րոպէ լռութեամբ յարգեցին բոլոր զոհուած հայ զինուորների յիշատակը։

Միջոցառման յաջորդ բանախօսը Կալիֆորնիայի նահանգի սենատոր Էնթոնի Փորթանթինոն էր, ով ընդգծեց, որ անխղճութիւն է, որ ԱՄՆ-ն մինչ օրս օգնութիւն է ցուցաբերում Ադրբեջանին։ Նա ԱՄՆ-ից պահանջել է դադարեցնել Ադրբեջանին տրամադրուող բոլոր օգնութիւնները եւ լինել Հայաստանի ժողովրդի կողքին։

Այնուհետեւ Հայ Յեղափոխական Դաշնակցութեան ԱՄՆ Արեւմտեան Կենտրոնական կոմիտէի անդամ Լեւոն Պարոնեանը ներկայացցրեց շրջանի Դաշնակցութեան խօսքը։ Պարոնեանը խօսեց ազգային իրական օրակարգի առաջնորդութեան հետեւող հայութեան միասնականութեան կարեւորութեան մասին: Նա օրինակներ նշեց հայոց պատմութիւնից երբ յաջողութիւններից առաջ հայերը համախմբուած են եղել և կենտրոնացել իրապէս կարեւոր խնդիրների վրայ, եւ ձախողումներ եղել են երբ հեռացել ենք միասնութիւնից, հետևելով արհեստականօրէն պարտադրուած առաջնահերթութիւնների: Պարոնեանին յաջորդեց Ամերիկայի Հայ Դատի Յանձնախմբի խօսքը։

Բողոքի ակցիայի կազմակերպիչներն այնուհետեւ մէկ ժամով դադարեցրին երթեւեկութիւնը Լոս Անջելեսի ամենաբանուկ փողոցներից մէկի՝ Ուիլշիր պողոտայի վրայ:

Ելոյթ է ունեցել նաեւ Գլենդելի քաղաքապետ Արդի Քասախեանը, ով իր զօրակցութիւնն է յայտնել միջոցառման կազմակերպիչներին եւ ներկաներին։