Կազմակերպութեամբ Իրաքի Հայ Դատի Յանձնախումբին տեղի ունեցաւ գրական-գեղարուեստական երեկոյ նուիրուած Հայոց Ցեղասպանութեան 108-րդ ամեակին: Միջոցառման ներկայ էին՝ Իրաքի Հայոց Թեմի Առաջնորդ Հոգեշնորհ Տ. Օշական Վրդ. Կիւլկիւլեան, Թեմիս նախկին Առաջնորդ Գերաշնորհ Տ. Աւագ Արք. Ասատուրեան, Կաթողիկէ Հայ Համայնքի Առաջնորդ Տ. Ներսէս Ծրգ. Վրդ. Զապարեան, ՀՀ Դեսպանութեան գործերու ժամանակավոր հաւատարմատար Պրն. Ալիկ Ղարիպեան, Տ. Գեւորգ Քհնյ. Արշակեան, Ազգային Կեդրոնական վարչութեան ատենապետ և անդամք, Պաղտատի մէջ գործող Հայ միութենական հաստատութիւններու ներկայացուցիչներ, Արաբ մտաւորականներ, խորհրդականներ, համալսարաններու դասախօսներ և հօծ բազմութիւն:

Բացման խօսքի ընթացքին որը կատարուեցաւ Հայերէն և Արաբերէն լեզուներով, անդրարարձ կատարուեցաւ Օսմանեան կայսրութեան օրով և տարիներու ընթացքին Հայերու դէմ ծրագրուած և իրականացուած ջարդերու, Հայ գաղթականներու տառապանքներու մասին, ինչպէս նաև շեշտադրում կատարուեցաւ Ատրպէյճանի վարած ռազմական քաղաքականութեան մասին որը կը վկայէ որ Արցախահայութեան դէմ նոր ցեղասպանութիւն իրականացնելու նպատակներ կան և Լաչինի «Բերձորի» փակումը անոր վառ ապացոյցն է: Խօսքի աւարտին շնորհակալութիւն յայտնուեցաւԱրաբ հիւրընկալ ժողովուրդին և կառավարութեան որոնք սիրով ընդունեցին Հայ գաղթականներուն, ինչպէս նաև յատուկ շնորհակալութիւն յայտնուեցաւ Իրաքցի Արաբ գործընկերներուն որոնք շուրջ տասը տարիէ ի վեր կը պաշտպանեն Հայ Դատը և կը ջանան Հայոց Ցեղասպանութեան ճանաչման և Արցախի ժողովուրդի ապահովութեան և ազատագրման:

Միջոցառման ընթացքին հնչեցուեցան հայրենասիրական երգեր, ասմունքներ, ներկայացուեցաւ կենդանի պատկեր և վավերագրական ֆիլմեր:

Միջոցառման ելոյթներ ունեցան պարոնայք Սաադ Սալում և Մուհամմեդ Ուկեյլլին որոնք անդրադարձան Հայոց Ցեղասպանութեան ճանաչման կարեւորութեան մասին, նշելով որ անոր անպատժելիութիւնն ու ժխտողականութիւնը հանգեցուց տարբեր երկրներու մէջ այլ ցեղասպանութիւններու իրականացման, օրինակ ներկայացնելով 2014թ. Իրաքի Սինջար քաղաքի Եզիդի ժողովուրդի դէմ Իսլամական պետութեան «ԴԱԱՇ» ի կողմէ կատարուած ջարդերը և ցեղասպանութիւնը:

Միջոցառման աւարտին և փակման խօսքի ընթացքին Թեմիս Առաջնորդը հանդէս եկաւ հայրենասիրական և ոգեշնչող ելոյթով, և ապա շնորհակալութիւն յայտնեց ներկաներուն և հատկապէս օտար հիւրերուն:

Իրաքի Հայ Դատի Յանձնախումբ
28-4-2023