Օգոստոսի 17-ին ԱՀ Ազգային ժողովի նախագահ Դավիթ Իշխանյանը ընդունել է ԱՀ ԱԽ քարտուղար Սամվել Շահրամանյանին: Կողմերը քննարկել են հանրապետությունում առկա խնդիրները, այդ թվում անվտանգային իրավիճակին առնչվող հարցեր:

Քննարկումների ընթացքում անդրադարձ է եղել կազմակերպչական աշխատանքների թերացման եւ արտախորհրդարանական որոշ ուժերի անհեռատես ու պետական անվտանգությանը վնաս հասցնող քայլերին։

Դավիթ Իշխանյանը կարեւորել է հրատապ հարցերի օրակարգով ԱԽ նիստ հրավիրելու անհրաժեշտության մասին:

Մեկնարկած հանդիպումների շարքը, ըստ ԱԺ նախագահի, նպատակ է հետապնդում վերականգնելու միջհամագործակցային կապը օրենսդիր, գործադիր եւ դատական մարմինների, ինչպես նաեւ հանրապետությունում գործող տարբեր կառույցների հետ: