Լիբանանի արտաքին գործոց եւ արտերկրի լիբանանցիներու հարցերու նախարարութիւնը հրապարակեց հաղորդագրութիւն մը, որուն մէջ ցաւ յայտնեց Արցախի մէջ զինուորական գործողութիւններուն վերսկսումին համար:

Նախարարութեան հաղորդագրութեան մէջ լուրջ մտահոգութիւն կը յայտնուի Արցախի մէջ գործուող պատերազմական գործողութիւններուն, սպանութեան եւ քանդումին առումով:

«Կոչ կ՛ուղղենք զինուորական գործողութիւնները կասեցնելու եւ զինադուլը յարգելու: Կ՛ընդգծենք ինքնազսպումի ենթարկուելու եւ զինուորական մագլցումէ խուսափելու անհրաժեշտութիւնը, ինչպէս նաեւ կարեւոր կը նկատենք միջազգային օրէնքի սկզբունքները եւ ստորագրուած համաձայնագիրները յարգելը», կը նշէ հաղորդագրութիւնը:

Լիբանանի արտաքին գործոց նախարարութիւնը խստիւ կը դատապարտէ քաղաքայիններու եւ անզէն մարդոց սպանութիւնն ու թիրախաւորումը:

Հաղորդագրութիւնը կոչ կ՛ուղղէ նաեւ որդեգրելու ՄԱԿ-ի հռչակագիրին մէջ ամրագրուած խաղաղ միջոցները` լուծելու համար տագնապները եւ Արցախի մէջ վերահաստատելու համար ապահովական կայունութիւնը:

aztagdaily.com
Սեպտեմբեր 19, 2023