«Հայաստան» խմբակցության պատգամավորները շարունակում են մարզային հանդիպումները․ հերթական հանդիպումը Արմավիրի մարզի Արմավիր գյուղում էր, որին ներկա էին ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր Իշխան Սաղթելյանը, պատգամավորներ՝ Լևոն Քոչարյանը, Աղվան Վարդանյանը, Աննա Գրիգորյանը, Ագնեսա Խամոյանը, Գեղամ Մանուկյանը, Աշոտ Սիմոնյանը և այլք։

Առանց չափազանցնելու մեր երկիրը կանգնած է շատ ծանր եւ նոր մարտահրավերի առջեւ. արմավիրում քաղաքացիների հետ հանդիպման ժամանակ հայտարարեց Իշխան Սաղաթելյանը։

«Այս իշխանությունները, ովքեր խաբելով եկան իշխանության ղեկին, իրենց վարած գործունեության արդյունքում Արցախի հայաթափումից հետո Հայաստանը կանգնեցրել են ծանր խնդիրների առջեւ: Երկու տիպի մարտահրավեր ունենք՝ արտաքին եւ ներքին: Արտաքին իմաստով թուրք-ադրբեջանական տանդեմը շարունակում է ագրեսիան Հայաստանի նկատմամբ, արդեն բացահայտ միջամտում է Հայաստանի ներքին գործերին, ոչ միայն չկա դիմադրություն, այլ հայստանի խամաճիկ իշխանությունները հետեւողականորեն, շատ հաճախ նաեւ սիրով կատարում են թշնամական պետության թելադրանքը մեր հայրենիքում: Թշնամին գտնվում է Հայաստաննի տարածում, բացահայտ հավակնություններ է ներկայացնում նոր տարածքների նկատմամբ եւ չկա որեւէ դիմադրություն: Իշխանությունների առաջարկած բանաձեւը հետեւյալն է՝ տանք որքան ուզում են՝ հույս ունենալով ինչ-որ մի պահի հասնել խաղաղության: Սա ձախողված ճանապարհ է եւ Արցախի հայաթափումից հետո առնվազն, ովքեր որ հույս ունեին, որ տանք, խաղաղություն կլինի, առնվազն հիմա պիտի հասկանան, որ սա կեղծ է, տանելու է նոր փորձության եւ ըստ էության մեր պետականությունը դնելու է հարցականի տակ»,- ասել է նա:

Ըստ Սաղաթելյանի՝ մյուս խնդիրն այն է, որ այսօր Արեւմուտքը փորձում է Ռուսաստանի դեմ նոր ճակատ բացել՝ ի դեմս Հայաստանի. «ՀՀ իշխանությունների վարած քաղաքականության արդյունքում այսօր մեր երկիրը դարձել է ուժային կենտրոնների ազդեցությունների բախման միջավայր, որը հղի է ծանր հետեւանքներով: Ակս պայմաններում ցավոք, շարունակվում է ենրքին պառակտումները, շարունակվում է պայքարը ազգային կառույցների, եկեղեցու եւ ընդհանրապես հայկական ինքնության նկատմամբ: Այս իրավիճակում մենք պետք է պայքարենք թե ներքին,թե արտաքին թշնամինների դեմ»:

Սաղաթելյանը նշել է, որ անցնող երեք տարիների ընթացքում արել են հնարավորը, սակայն չեն ստացել այն արդյունքները, որոնք ակնկալում էին:

Մանրամասն՝ տեսանյութում