Խորհուրդը եւ մասնաճիւղերը քննարկել են հայ դատի առաջնահերթութիւնները եւ քաղաքականութիւնները

Բըրբենք, Կալիֆորնիա – Ամերիկայի Հայ Դատի Յանձնախմբի Արևմտեան Շրջանի Խորհուրդը (ANCA-WR) եւ արեւմտեան շրջանի 19 նահանգներում ընդգրկուած տեղական մասնաճիւղերը հանդիպում են անցկացրել շաբաթ, 6 ապրիլի 2024-ին, քննարկելու Հայ Դադի առաջնահերթութիւնները եւ քաղաքականութիւնը, մինչ Հայ Դատի արեւմտեան Ամերիկայի շրջանը շարունակում է պաշտպանել արցախահայութեան հիմնարար իրաւունքները եւ Հայաստանի Հանրապետութեան ինքնիշխանութիւնը, տարածքային ամբողջականութիւնը եւ անվտանգութիւնը:

Ամերիկայի Հայ Դատի Յանձնախմբի Արևմտեան Շրջանի տնօրէնների խորհրդի քարտուղար Անդրանիկ Քիզիրեանը համաժողովը սկսեց մասնաճիւղերի ներկայացուցիչներին եւ ամբողջ խմբին ուղղուած ողջոյնի խօսքով: «Մէզ այսօր նման հանդիպումները, յատկապէս մեր ազգի պատմութեան համար կարեւոր այս պահին, կարեւոր դեր են խաղում մեր ազգի եւ պետականութեան գոյատեւումն ապահովելու ուժեղ պաշտպանութիւն ձեւաւորելու համար: Համագործակցութեամբ մենք միասին շատ բանի կարող ենք հասնել»:

2024 թուականի նոյեմբերին սպասուող ճգնաժամային նախագահական ընտրութիւնների հետ կապուած, Ամերիկայի Հայ Դատի Յանձնախմբի Արևմտեան Շրջանի Խորհուրդի եւ ընտրական յանձնաժողովի անդամ Այգ Դիկիջեանը ԱՄՆ իշխանութեան բոլոր մակարդակների բոլոր ապագայ թեկնածուների և նրանց զօրակցելու կապակցութեամբ յայտարարեց որ «Մենք պէտք է միասնական ձայն արտայայտենք՝ ապահովելու համար, որ ամերիկահայ համայնքի մտահոգութիւնները լուծուեն արտաքին եւ ներքին քաղաքականութեան մէջ»:

ԱՀԴՅ Արևմտեան Շրջանի գործադիր տնօրէն Սարգիս Բալխեանը ներկաներին ներկայացրեց շրջանային գրասենեակի նախագծերը, համայնքային աշխատանքը եւ շրջանային առաջնահերթութիւնները, որին յաջորդեցին ԱՀԴՅ Արևմտեան Շրջանի ԶԼՄների եւ հաղորդակցութիւնների համակարգող Սոնեա Մերոյեանը եւ կառավարութեան տնօրէն Ռուբէն Կարապետեանը:

Ժամանելով Վաշինգտօնից՝ Ամերիկայի ՀԴՅ զանքուածային զօրաշարժի տնօրէն Գեւ Իսկաջեանը եւ ծրագրի տնօրէն Ալեքս Գալիցկին արտայայտեցին նմանատիպ տրամադրութիւններ, երբ Իսկաջեանն ասաց. Առանց դրա մենք չէինք լինի այնտեղ, որտեղ այսօր ենք, եւ չէինք կարողանայ իրականացնել այն, ինչ պէտք է առաջ տանենք»: Գալիցկին այնուհետեւ հանդիպման ներկաներին տրամադրեց հիմնական ազգային պատկերացումներ Կոնգրեսի տարբեր յանձնաժողովների եւ Վաշինգտօնում ՀԴՅի առաջնահերթութիւնների վերաբերեալ:

ԱՀԴՅ Արևմտեան Շրջանի ժողովում ներկայ էին ներկայագուգիչներ Արեւմտեան շրջանի բազմաթիւ անդամներ, այդ թւում՝ Ալաասկայի, Արիզոնայի, Բոյսի, Բըրբէնքի, Կենտրոնական Կալիֆորնիայի, Քոլորադոյի, Քրեսենթա Հովիտի, Գլենդելի,Հաւայիի, Հոլիվուդի, Հիւստոնի, Նևադայի, Նիւ Մէքսիկոյի, Հիւսիսային Կլիֆորնիայի, Օրենջ Քաունթիի, Օրէգանի, Փասադինայի, Սան Ֆերնանդո Արևմտեան, Արևելեան և Հիւսիսային հովիտների, ANCA San Fernando Valley North, Սան Գաբրիել Հովիտի, Թուին Ֆալսի, Եութայի եւ Վաշինգտօնի Գրասենեակներից և մասնաճիւղերից:

ԱՀԴՅ Արևմտեան Շրջանի խորհրդի նախագահ Օշին Յարութիւնեանը շնորհակալութիւն յայտնեց հանդիպման բոլոր ներկաներին եւ քաջալերանքի ու հովանաւորութեան խօսքեր ուղղեց ներկաներին:« «Մինչ մենք դարբնում ենք մեր ուղին համայնքում եւ նրա սահմաններից դուրս, մենք բոլորս միասին կաշխատենք համագործակցութեամբ եւ միասնութեամբ՝ հասնելու մեր նպատակներին եւ առաջ տանելու մեր գործը հայ ժողովրդի համար», եզրակացրեց նա:

ANCA-WR-ն եւ նրա տեղական մասնաճիւղերը վերանորոգել են իրենց ուխտը շարունակելու միասնական պայքարը յանուն Հայաստանի Հանրապետութեան ինքնիշխանութեան, Արցախահայութեան իրաւունքների եւ ԱՄՆ-ի արեւմտեան մասում ամերիկահայ համայնքների շահերի: