Կիրանցում մարզպետը և բարձրաստիճան պաշտոնյաններ մարդկանց գումար են առաջարկել․ մարդիկ մերժել են առաջարկը և ասել, որ հայրենիքը գումարով չի վաճառվում:

Այս մասին Սուրբ Աննա եկեղեցու բակում «Տավուշը հանուն հայրենիքի» շարժման օրվա ամփոփման ժամանակ, Բագրատ Սրբազանի հետ հեռախոսազրույցի ժամանակ հայտնեց «Հայաստան» խմբակցության պատգամավոր Գառնիկ Դանիելյանը, ով այդ պահին Կիրանց գյուղում էր։

«Կիրանցում պայքարը շարունակվում է, ժողովուրդը տրամադրված է։ Կիրանցեցիները ոգևորված են Երևանում տեղի ունեցող պայքարից, և իրենք էլ Կիրանցում են պայքարելու»,- ասաց Գառնիկ Դանիելյանը:

Կիրակի օրվանից տեղյակ կլինեք, թե ինչ է տեղի ունենալու առաջիկա շաբաթը, որովհետև շատ կարևոր հայտարարություններով, պատգամներով և ուղերձներով մենք շատ լավ անելիք ունենք։ Մենք մի քանի օրվա անելիք ունենք ընդամենը, որոնք մայիսը կդարձնեն շատ լավ ամիս. հայտարարեց Տավուշի թեմի առաջնորդ Բագրատ արքեպիսկոպոս Գալստանյանը։

Խոսելով վաղվա ծրագրեի մասին Բագրատ սրբազանն ասաց. Վաղը հանդիպելու եմ քաղաքական կազմակերպությունների և կուսակցությունների ներկայացուցիչների հետ: Նախատեսվում է հանդիպում նաև մշակույթի գործիչների և պահեստազորի սպաների հետ:

«Այսօր Ֆրանսիական համալսարանի ուսանողական խորհուրդը հայտարարություն տարածել է, որ աջակցում է մեր շարժմանը: Բացի այդ, իրազեկման ավտոերթեր են տեղի ունեցել Արթիկում և Մարալիկում»,- ասաց Բագրատ Սրբազանը՝ հավելելով, որ Սփյուռքում նույնպես շարունակվում են աջակացության ակցիաները:

Նշենք, որ Բագրատ Սրբազանը այսօր ԵՊՀ բակում ուսանողների համար դասախոսություն է կարդացել, Անի Գրանդ հյուրանոցում հանդիպելէ բժիշկների հետ, իսկ «Նեմեսիս» գործողության հերոսների հիշատակը հավերժացնող հուշակոթողի մոտ հանդիպում ունեցել ի սատարում «Տավուշը հանուն հայրենիքի» շարժման հայտարարությանը միացած դասախոսների հետ:

«Իմ ընթերցածը դասախոսություն չէ, հայեցակարգ է, մարդկանց տրված հնարավորություն է, որ մտածեն, մասնակցեն: Այստեղից այնտեղից արհեստական փախցված թեզեր չեն, գաղափարներ են, կյանքի զարգացման հիմնադրույթներ են»,-ասել է Բագրատ Սրբազանը՝ անդրադառնալով բժիշկների և դասախոսների հետ ունեցած հանդիպումներին:

տեսանյութն՝ այստեղ