ՀՅԴ Բիւրոյի անդամ, Միջին Արեւելքի պատասխանատու երեսփոխան Յակոբ Բագրատունի հանդիպում ունեցաւ Լիբանանի մէջ Արաբական լիկայի ներկայացուցիչ Ապտելռահման Սոլհի հետ, վերջինիս բնակարանին մէջ:

Քննարկումի նիւթ դարձան արաբական աշխարհի ընդհանուր կացութիւնը, շրջանին մէջ կատարուող փոփոխութիւնները եւ այս ուղղութեամբ Արաբական լիկայի դերակատարութիւնը:

Յատուկ անդրադարձ կատարուեցաւ Իսրայէլի կողմէ Իրանի իսլամական հանրապետութեան վրայ կատարուած յարձակումներուն եւ հաւանական զարգացումներուն:

Լիկայի ներկայացուցիչը անհրաժեշտ նկատեց այս ուղղութեամբ արաբական միացեալ կեցուածք մը ճշդելու հրամայականը:

Բագրատունի Սոլհին ներկայացուց ՀՅ Դաշնակցութեան դիրքորոշումը շրջանային անցուդարձերուն նկատմամբ, ինչպէս նաեւ արաբական աշխարհին մէջ հայկական ներկայութեան իրավիճակն ու ակնկալութիւնները: