Մայիսի 18-ին Hraparak TV-ի հյուրն էր ՀՅԴ Բյուրոյի անդամ Տարոն Տեր-Խաչատուրյանը:

Անդրադարձ է կատարվել Հայաստանում հունիսի 7-ին տեղի ունենալիք խորհրդարանական ընտրություններին, Սփյուռքի՝ հայրենիքի դրության հետ կապված մտահոգություններին, պաշտոնական Երեւանի վարած ապազգային քաղաքականության արդյունքում Հայաստանի առջև ծառացած նոր մարտահրավերներին, մայիսի 4-5-ը եվրոպական ղեկավարության՝ Երեւանում կազմակերպած շոուին եւ այլ հարցերի:

Խոսելով Սփյուռքի՝ Հայաստանի հարցում ունեցած դիրքորոշման մասին՝ Տարոն Տեր-Խաչատուրյանը մասնավորապես նշել է. «Սփյուռքը չափազանց մտահոգ է Հայաստանում վերջին տարիների գործընթացներով: Տեսնում ենք, որ 2018 թվականից ի վեր հայրենիքը գահավիժում է: 44 օրյա պատերզամ, Արցախի հայաթափում, Հայ Առաքելական Եկեղեցու դեմ պայքար, Հայաստանի անվտանգություն խնդիրների անտեսում, ինքնիշախնության հետ կապված տագնապներ, արցախահայության հանդեպ սերմանվող ատելություն, ինքնության հարցերի նսեմացում: Սփյուռքի ջախջախիչ մեծամասնությունը ակնկալում է, որ հունիսի 7-ին իշխանափոխություն տեղի ունենա եւ հունիսի 8-ին ունենանք կառավարություն, որ տեր կկանգնի մեր իրավունքներին, ինքնությանը եւ առանց զիջումների, առանց մեր անցյալը մոռանալու լեզու կգտնի հարեւանների հետ ու վերջապես առաջ կմղի հայկական օրակարգը»:

Պատասխանելով հարցին՝ ինչո՞ւ են միջազգային հարթակները լուռ եւ չեն նկատում Բաքվում բանտերում պահվող հայ գերիների, Հայասատնում դատվող քաղբանտարկյալների խնդիրները, կա՞ն, արդյոք, դրանց վրա ազդելու լծակներ սփյուռքում, Տարոն Տեր-Խաչատուրյանն ասել է. «Մենք ամեն ձեւով, իբրեւ կուսակցություն, կազմակերպություն, իբրեւ սփյուռք աշխատում ենք այդ հարցերը մեր օրակարգում պահել ու առաջ մղել, բայց այն կառույցները, որոնց հետ խոսում ենք, պատասխանում են, որ ձեր պետությունը, ձեր իշխանությունները դեմ են այդ ամենին: Դուք Հայոց ցեղասպանության մասին եք խոսում, մինչդեռ ձեր իշխանությունները չեն ուզում հետապնդել այդ հարցը, Արցախի, հայ գերիների մասին եք խոսում, բայց ձեր իշխանությունները, Երեւանում նստած, չեն ուզում արծարծել այդ հարցերը»:

Մանրամասները՝ տեսանյութում