Հունիսի 14-ին Կենտրոնական ընտրական հանձնաժողվն արտակարգ նիստ էր գումարել՝ հրապարակելու խորհրադարանական ընտրությունների վերջնական արդյունքները:

Կենտրոնական ընտրական հանձնաժողովի շենքը շրջապատված էր ոստիկանական մեծաթիվ ուժերով:

ԿԸՀ-ը նիստին զուգահեռ ընթանում էր «Հայաստան» դաշինքի, «Ուժեղ Հայաստան»-ի ու ԲՀԿ-ի բողոքի ցույցը՝ ընտրությունների արդյունքներն անվավեր ճանաչելու եւ նոր ընտրություններ նշանակելու պահանջով:

Ընդդիմադիր գործիչներն իրենց ելույթներում նշում էին, որ հունիսի 7-ի խորհրդարանական ընտրությունների եւ դրան նախորդած ողջ քարոզարշավի ընթացքում տեղի են ունեցել համակարգված եւ լայնածավալ ընտրախախտումներ:

ԲՀԿ անդամ Արման Աբովյանը լրագրողների հետ զրույցում հայտարարեց, որ հավաքվել են պաշտպանելու ժողովրդի քվեն, որպեսզի «քվեագողություն, քվեաավազակություն» տեղի չունենա:

ԿԸՀ-ն դառնում է Նիկոլի հանցակիցը՝ հայտարարեց ՀՅԴ Հայաստանի ԳՄ անդամ, «Հայաստան» դաշինքի անդամ Գեղամ Մանուկյանը։ «Բոլորս զայրացած, էինք, թե Նիկոլի պատվերով ԿԸՀ-ն գաղտագողի, գիշերով փորձեց պայքարից հանել ԲՀԿ-ին։ Այսօր Փաշինյանը մեղսակից է դարձնում Ռազմական ոստիկանությանը, զինկոմիսարիատներին»,-ասաց նա։

Նիկոլ Փաշինյանի վստահված անձ Արմեն Գրիգորյանը հանդիպում է Ալիևի ամենավստահված անձի հետ, հասկանու՞մ եք չէ, թե ինչ թեմաներ են քննարկելու, Հայաստանում թրքապաշտ բռնապետական ծրագրեր են այստեղ քննարկելու՝ հայտարարեց «Հայաստան» դաշինքի անդամ Արթուր Խաչատրյանը։ Նա նաև հիշեցրեց, թե ինչ է արել Նիկոլ Փաշինյանի կառավարությունը ընտրություններից 4 օր անց՝ բարձրացնելով ակցիզային հարկը: «Դա նշանակում է, որ վաղը գազը, դիզելային վառելիքը, բենզինը, ծխախոտը, ալկոհոլային խմիչքը թանկանալու են»,- նշեց Արթուր Խաչատրյանը:

Սա ակնհայտ դիտավորություն է, այս ամենն արվում է, որ ՔՊ-ն փորձի խորհրդարանում ձայների 3/5-րդ-ն ապահովել՝ ԿԸՀ բակում լրագրողների հետ զրույցում ասաց ՀՅԴ Հայաստանին Գերագույն մարնի ներկայացուցիչ, «Հայաստան» դաշինքի անդամ Իշխան Սաղաթելյանը։

«Իրենց ցանկությունն, առհասարակ, սահմանադրական մեծամասնություն ունենալն է։ Ակնհայտ է, որ չնայած գործադրած ջանքերին, հսկայական ապօրինություններին, ընտրախախտումներին, ինքը չի կարողացել իր նպատակին հասնել: Փորձում է բացահայտ խուժանությամբ սահմանադրական կարգը տապալել։ Այն, ինչ-որ արվում է հիմա ու այս իշխանությունների կողմից, վերարտադրությունն ապահովելու փորձ է»,- ասաց Սաղաթելյանը։

Թիվ 12/13, 10/51 / եւ 36/65 ընտրական տեղամասերում քվեարկության արդյունքների անվավեր ճանաչումը չի ազդում ընտրությունների արդյունքների վրա. հայտարարեց ԿԸՀ նախագահ Վահագն Հովակիմյանը:

«ԿԸՀ-ն սովոր է գիշերվա կեսին մթության քողի տակ հանցագործի նման գողանալ ժողովրդի վստահության քվեն, ինչպես գիշերվա կեսին անվավեր ճանաչեցին տեղամասի արդյուքնները, նույն կերպ էլ հիմա գողանում են ձեր քվեն»- նշեց Իվետա Տոնոյանը՝ այն բանից հետո երբ ԿԸՀ-ն հայտարարեց որ ընտրությունների արդյուքները անվավեր ճանաչելը չի ազդում ընտրությունների արդյունքների վրա եւ ԲՀԿ-ն չի անցնում ԱԺ:

Ակցիայի վայրում հավաքված քաղաքացիները վանկարկում էին. «ամոթ, ամոթ»։

Արամ Վարդեւանյանն էլ հայտարարեց որ առաջին դեպքն է, որ ԿԸՀ-ն չի կատարում Վարչական դատարանի որոշումը եւ ընթերցեց ընդդիմադիր 6 կուսակցությունների հայտարարությունը:

Տեսանյութն՝ այստեղ