ՀՅԴ Բիւրոյի անդամ, Միջին Արեւելքի պատասխանատու երեսփոխան Յակոբ Բագրատունի «Շաղզոյեան» կեդրոնին մէջ ընդունեց Իրաքի խորհրդարանի անդամ եւ քրիստոնեայ «Սոյանա» երեսփոխանական համախմբումի պետ Քալտօ Ռամզին, որուն հետ քննարկեց հասարակաց հետաքրքրութեան խնդիրներ:

Ռամզի ներկայացուց Իրաքի ներկայ կացութիւնը եւ քրիստոնեայ ազգաբնակչութեան իրավիճակը: Ան իբրեւ ասորի երեսփոխան սերտ կապեր ունի Իրաքի հայութեան հետ եւ գործակցութեան լայն դաշտ հաստատած է թէ՛ համայնքին եւ թէ՛ պետական շրջանակներու մէջ:

Ընդհանուր քննարկում կատարուեցաւ շրջանային անցուդարձերու շուրջ եւ անհրաժեշտ նկատուեցաւ տեւական կապի հաստատումը: