«Երկու օր է արդեն՝ մենք ականատես ենք լինում, թե ինչպես է Ալիևի պարտադրած բռնակալությունը, որը բխում է նաև Նիկոլ Փաշինյանի շահերից, հաղթարշավում Հայաստանի Հանրապետությունում: Նիկոլ Փաշինյանի՝ այստեղից հնչած ուղիղ հրամանով իրավապահ համակարգն անցել է գործի։ Այլևս չկա՛ իրավապահ ու ինքնավար մարմինների անկախությունը, չկա՛ դատարանների անկախությունը․ գործում է բացառապես Նիկոլ Փաշինյանի բռնակալությունը:

Այստեղ անձամբ Ռոբերտ Քոչարյանի խնդիրը չէ․ դատվում են և դատվելու են Նիկոլ Փաշինյանի օրոք բոլոր նրանք, ովքեր դեմ են վարվող քաղաքական կուրսին: Հիմա կասեք՝ լա՛վ, բա Ալիևը սրա հետ ինչ՞ կապ ունի: Հոդված 8. «Կողմերը դատապարտում են և պայքարելու են անհանդուրժողականության, ռասայական ատելության, խտրականության դեմ և այլն, և այլն»: Սա այն թուղթն է, որը նախաստորագրել են Արարատ Միրզոյանն ու Ջեյհուն Բայրամովը: Քանի՞ հոգի է դատապարտվել Ադրբեջանում: Մինչդեռ Հայաստանում բոլոր նրանք, ովքեր ասում են Արցախ, ովքեր խոսում են վերադարձի իրավունքի մասին, դատապարտվում են: Երբ ասում եմ՝ Փաշինյան-Ալիև զույգի շահերը համընկնում են, ահա դրա ամենապարզ դրսևորում»,- այս մասին ԱԺ իր ելույթում ասաց «Հայաստան» խմբակցության քարտուղար Արթուր Խաչատրյանը։

Մանրամասն՝ տեսանյութում