ՀՅԴ Բիւրոյի Եւ Կեդրոնական Կոմիտէի Ներկայացուցիչները Այցելեցին Նախագահ Աունի
03 Մայիս 2019![](https://www.arfd.am/wp-content/uploads/2019/05/HDKH_Pakradouni-with-the-president_5219-1024x550.jpg)
ՀՅԴ Բիւրոյի ներկայացուցիչ Յակոբ Տէր Խաչատուրեան եւ ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի երէկ այցելեցին հանրապետութեան նախագահ զօր. Միշել Աունի:
Հանդիպումին ընթացքին քննարկուեցան ընդհանուր հարցեր, որոնց շրջագիծին մէջ Յակոբ Տէր Խաչատուրեան շնորհակալութիւն յայտնեց նախագահ Աունին` լիբանանահայութեան եւ սփիւռքահայութեան նկատմամբ անոր ցուցաբերած հետաքրքրութեան եւ գուրգուրանքին համար` շեշտելով, որ հայութեան նկատմամբ նախագահ Աունի կեցուածքներն ու զգացումները յարգանքի եւ գնահատանքի արժանի են:
ՀՅԴ Բիւրոյի ներկայացուցիչը նախագահ Աունի տրամադրութեան տակ դրաւ լիբանանեան ծագում ունեցող բոլոր սփիւռքահայերուն կարողութիւնները` ի խնդիր Լիբանանի շահերուն իրականացման:
aztagdaily.com