ՀՅԴ
Հայ Յեղափոխական Դաշնակցություն պաշտոնական կայք arfd.am
Skip to content
ՀՅԴ

ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ

ՊԱՇՏՈՆԱԿԱՆ ԿԱՅՔ

  • ՄԵՐ ՄԱՍԻՆ
    • Պատմություն
      • Պատմական ակնարկ
      • Կարևոր իրադարձություններ
      • գործիչներ
    • Ծրագիր
    • Կանոնագիր
    • Ընդհանուր ժողովներ
    • Կազմակերպական կառույց
      • ՀՅԴ Բյուրո
      • Հայաստան
        • Գերագույն մարմին
        • Տարածքային կառույցներ
        • ԱԺ խմբակցություն
        • ՀՅԴ-ն գործադիրում
      • Արցախ
      • Կազմակերպական շրջաններ
      • Երիտասարդական/ուսանողական
    • Հիմնարկներ և գրասենյակներ
    • Ուղեկից միություններ
    • Միջազգային համագործակցություն
  • ՆՈՐՈՒԹՅՈՒՆՆԵՐ
    • Լրահոս
    • Հայտարարություններ
    • Հոդվածներ
  • ՄԱՄՈՒԼ
    • «Դրօշակ» պաշտոնաթերթ
    • Լրատվամիջոցներ
  • ՇՏԵՄԱՐԱՆ
    • Գրադարան
    • Տեսադարան
    • Ձայնադարան
    • Լուսանկարներ
    • Թանգարան
    • Արխիվ
  • ՀԵՏԱԴԱՐՁ ԿԱՊ
Facebook
Twitter
YouTube
Instagram
    • Դաս
    • Նոր
  1. ԳԼԽԱՎՈՐ ԷՋ
  2. ՆՈՐՈՒԹՅՈՒՆՆԵՐ
  • ՀՅԴ Հայաստան
  • Հարցազրույցներ

Հարված քաղաքացու գրպանին, կամ ինչ հետևանքներ կունենա փաստաբանների նոր հարկային բեռը

07 Փետրվար 2024

Հայաստանի փաստաբանական համայնքը մտահոգված է Ֆինանսների նախարարության նոր նախաձեռնությամբ, որով նախատեսվում է փաստաբանական ծառայությունների մատուցումից առաջացող շրջանառության հարկը 2024 թվականի հոկտեմբերի 1-ից դարձնել 10 %` ներկայիս 5 %-ի փոխարեն (կրկնապատկել շրջանառությունից առաջացող հարկային բեռը), իսկ արդեն 2025 թվականի հունվարի 1-ից՝ բացառել փաստաբանական ծառայություն մատուցող հարկ վճարողների գործունեությունը շրջանառության հարկի համակարգում:

Փաստաբանների պալատից նախագծին հակադարձեցին հայտարարությամբ, որում, մասնավորապես, ասվում էր. «Փաստորեն, Նախագծի համաձայն` փաստաբանական ծառայություն մատուցող սուբյեկտները 2025 թվականի հունվարի 01-ից հարկադրված են լինելու գործել հարկման ընդհանուր համակարգում, ըստ այդմ` մատուցվող փաստաբանական ծառայությունների համար կիրառվելու է 20 % ավելացված արժեքի հարկ: Դրանից զատ, հարկման ընդհանուր համակարգում գործելու դեպքում փաստաբանական ծառայություն մատուցողները վճարելու են նաև շահութահարկ, որի դրույքաչափը կազմում է 18 %:

Հատկանշական է, որ Նախագիծը մշակելիս հաշվի չի առնվել փաստաբանության իրավապաշտպան բնույթը, ինչպես նաև այն, որ փաստաբանական ծառայությունների մատուցումը շատ հաճախ տեղի է ունենում հենց իրավապաշտպան, ոչ թե ձեռնարկատիրական գործունեության շրջանակներում, ուստի փաստաբանական ծառայությունների հարկման հարցում պետության քաղաքականությունը չի կարող խստացվել և նույնացվել բացառապես տնտեսական նշանակություն ունեցող ոլորտների հետ, հատկապես՝ խաղատների, շահումով խաղերի, գրավատների և վիճակախաղերի»:

Տնտեսագետ Սուրեն Պարսյանը, անդրադառնալով հարկային խստացումների մասին 168.am-ի դիտարկումներին և հարցին՝ արդյո՞ք այդ խստացումները տնտեսական բացասական միտումների մասին իշխանությունների կանխատեսումների հետևանքն են՝ պատասխանեց հիշեցմամբ.

«Դեռ տարիներ առաջ որոշում կայացվեց հարկային ճեղքի մեղմման վերաբերյալ, և դրա շրջանակներում նախատեսվել էր մի շարք գործունեության տեսակներ տեղափոխել ավելացված արժեքի հարկման դաշտ:

Դեռ այն ժամանակ առաջ քաշվեց նախագիծը, որ փաստաբաններն ու նոտարները պետք է գործեն ընդհանուր հարկման ռեժիմով, այսինքն՝ պետք է վճարեն 20 տոկոս ԱԱՀ, 18 տոկոս շահութահարկ՝ ներկայիս 5 տոկոս շրջհարկի փոխարեն, սակայն հանրային ճնշման տակ հետ կանգնեցին այդ որոշումից, ու կարծեք նորից այդ նախագիծն են բերել այժմ»:

Տնտեսագետը նկատեց, որ նախորդ անգամ այդ նախագծի համար հանրային լսումների ժամանակ պաշտոնական շրջանակներից առաջ էր քաշվում անհասկանալի մի հիմնավորում, թե ինչո՞ւ պետք է պետությունը փաստաբանական ծառայությունից օգտվողների՝ հանցանքի համար մեղադրվողների համար հարկային բարենպաստ ռեժիմ ապահովի:

«Նույն տրամաբանությամբ կարող են ասել՝ քանի որ կան ծույլ ուսանողներ, եկեք կրթությունը ևս ԱԱՀ հարկի դաշտ տեղափոխենք, և կստացվի, որ բոլոր ոլորտներում 30-40 տոկոս ծառայությունների վճարների աճ կունենանք»,- հեգնանքով հավելեց նա:

Սուրեն Պարսյանը նաև ընդգծեց՝ փաստաբանական գործունեության կամ ծառայությունների մատուցման առանձնահատկությունն այն է, որ այստեղ հաշվանցվող ավելացված արժեքի հարկ չկա (այլ կերպ ասած՝ փաստաբանը չի գնում տարբեր ապրանքներ, որոնց մեջ կա ԱԱՀ, որ հետագայում կարողանա իր ԱԱՀ-ից նվազեցնի և քիչ հարկ տա). հիմնական պրոդուկտը ծառայություն մատուցելն է՝ իր գիտելիքը, փորձառությունը, ինքն այլ ապրանքներից կամ ծառայություններից օգտվելու կարիք չունի:

Ասել է թե՝ այս նոր հարկային բեռի հնարավոր ընդունումն ուղղված է հենց քաղաքացու գրպանին. «Առանց այն էլ այս ծառայությունները մեր քաղաքացիներից շատերի համար հասանելի չեն՝ հաշվի առնելով սոցիալ-տնտեսական վիճակը, այժմ այդ ծառայություններն էլ ավելի են թանկանալու»:

Ի դեպ, մասնագետի գնահատմամբ՝ պետական բյուջեի եկամուտների ապահովման նոր աղբյուրների փնտրտուքն այս քաղաքականությունը կտարածի նաև առողջապահական ու կրթական ոլորտների վրա:

«Իրենց հիմնավորումն այն է, որ, օրինակ, առողջապահական ու կրթական ծառայությունները հարկենք ԱԱՀ-ով, կգա բյուջե, իսկ բյուջեից պետական աջակցություն կտրամադրենք կոնկրետ բուհերի կամ առողջապահական հիմնարկների:

Այս ամենի հիմնական պատճառն այն է, որ իրենք լավ գիտակցում են՝ 2022-23 թթ. բարեբեր տարիների միտումներն ուշ թե շուտ ավարտվելու են, և մոտակա ժամանակաշրջանում նրանք եկամուտների հավաքագրման լրջագույն խնդրներ են ունենալու, հետևաբար, փորձում են լրացուցիչ հարկային մուտքեր ստեղծել տարբեր ուղղություններից: Հակառակ դեպքում՝ նրանք չեն կարողանա պետական բյուջեի եկամտային մասն ապահովել. Օրինակ, այս տարի նախատեսել են ծախսել 3 տրիլիոն դրամ, հավաքագրել՝ 2.6 տրիլիոն, ինչը մեծ ցուցանիշ է, ու եթե արտաքին գործոնները թուլանան կամ վերանան, ապա բավականին լուրջ փաստի առջև են կանգնելու՝ չկարողանալով պլանավորված հարկային եկամուտներն ապահովել»,- ամփոփեց տնտեսագետը:

ԶԱՐՈՒՀԻ ԴԻԼԱՆՅԱՆ

FacebookTwitterOdnoklassnikiTelegramPrint
Լրահոս
Հանդիպում ԷՏԷՔ կուսակցութեան նորընտիր

ՀՅԴ Կիպրոսի Կոմիտէի պատուիրակութիւնը՝ բաղկացեալ Սիմոն Այնէճեանէն եւ Ռաֆֆի Մահտ

20 Նոյեմբեր 2026
Հարաւային Ամերիկայի Հայ դատի յանձնախու

Հարաւային Ամերիկայի Հայ Դատի Յանձնախումբը Նոյեմբեր 18-ին յարգանքի հանդիսութիւն

20 Նոյեմբեր 2026
Հայհոյանքը փաստի սով Է

Հայաստանի հանրապետութեան նոր Սահմանադրութեան ընդունման հարցը վերածուած է օրակա

20 Նոյեմբեր 2026
Ակնարկ. Առաջարկի Թաքուն Բաժինը Եւ Ժողո

Հայաստանի Հանրապետութեան վարչապետը թէ՛ Ազգային ժողովի եւ թէ՛ կառավարութեան նիս

20 Նոյեմբեր 2026
Նիւ Եորքի Հայութեան Միջամտութեամբ Վար

Նոյեմբեր 8ին, Մենհեթընի «Պոլինկ Կրին» զբօսայգիին մէջ՝ Ատրպէյճանի «Յաղթանակի օր

19 Նոյեմբեր 2026
Պրիւքսէլի երկար ու դժուարին ուղին

Եւրոմիութեան Հայաստանի անդամակցութիւնն ու մերձեցումը՝ նոյնիս՛կ ոլորապտոյտ եւ փ

19 Նոյեմբեր 2026
Դու պիտի գնաս, որ Հայաստանը մնա

ՀՅԴ Հայաստանի ԳՄ ներկայացուցիչ, ՀՀ ԱԺ «Հայաստան» խմբակցության պատգամավոր Իշխան

19 Նոյեմբեր 2026
Պիլալ Էրտողանի Լիբանան Այցելութեան Վեր

ՀՅԴ Լիբանանի Հայ դատի մարմինը Թուրքիոյ նախագահ Ռեճեփ Թայիփ Էրտողանի որդիին` Պի

18 Նոյեմբեր 2026
Բագրատունի Ընդունեց Երկխօսութեան Ազգայ

ՀՅԴ Բիւրոյի անդամ, Միջին Արեւելքի պատասխանատու եւ Հայկական երեսփոխանական պլոքի

18 Նոյեմբեր 2026
Հայաստանի թշնամիները երբեք գոհ չեն լին

Վարչապետ Նիկոլ Փաշինյանը սխալմամբ կարծում է, թե Ադրբեջանին և Թուրքիային շարուն

17 Նոյեմբեր 2026
Երեք տարի անց արցախյան հակամարտություն

Հայ դատի կենտրոնական խորհուրդն այսօր հրապարակել է իր «UNRESOLVED: The Conflict

17 Նոյեմբեր 2026
Այսօրվա լսումները պետք է դառնան ոչ թե

ՀՅԴ Բյուրոյի անդամ, ԱԺ «Հայաստան» խմբակցության պատգամավոր, ԱԺ Մարդու իրավունքն

16 Նոյեմբեր 2026
ՀՀ ԱԺ «Հայաստան» խմբակցությունը հրավիր

ՀՀ ԱԺ «Հայաստան» խմբակցության նախաձեռնությամբ նոյեմբերի 16-ին կազմակերպվել էին

16 Նոյեմբեր 2026
Նիդերլանդների ՀՅԴ կառույցի հայտարարութ

2026 թվականի նոյեմբերի 5-ից 8-ը, Հայաստանի Հանրապետության իշխանությունը բռնազա

16 Նոյեմբեր 2026
Ակնարկ. Հայաստանը ՀԱՊԿ-ի խաչմերուկում

Մոսկւայում նոյեմբերի 11-ին կայացած Հաւաքական անվտանգութեան պայմանագրի կազմակեր

16 Նոյեմբեր 2026
Հաստատվել է «Հրայր Մարուխյան» հիմնադրա

Առաջադիմական հետազոտությունների եվրոպական հիմնադրամի (Foundation for European

14 Նոյեմբեր 2026
Ցեղասպանութիւնը ուրացողները եւ չՍփիւռք

Շուշիի մէջ Ալիեւ-Էրտողան տանդեմը կը տօնէ Քառասունչորսօրեայ պատերազմի յաղթանակը

14 Նոյեմբեր 2026
Արեւմտեան Գանատայի Հայ Դատի յանձնախում

ՎԱՆԳՈՒՎԸՐ.- Գանատայի Հայ Դատի յանձնախումբի Արեւմտեան շրջանի ներկայացուցիչներ Յ

13 Նոյեմբեր 2026
Խօսողին Լսող Է Պէտք

Մոսկուայի մէջ տեղի ունեցաւ ՀԱՊԿ-ի (Հաւաքական անվտանգութեան պայմանագրի կազմակեր

13 Նոյեմբեր 2026
Ակնարկ. Իրանեան Ուղերձներ` Սպառնական-Գ

Իրանի հոգեւոր պետի խորհրդականին եւ փոխնախագահին` Հայաստանի ուղղութեամբ կատարած

13 Նոյեմբեր 2026
Բոլոր Նյութերը
Հետեվեք մեզ
Facebook
Twitter
YouTube
Instagram
Ստացեք մեր լուրերը էլ.փոստով
Loading
ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ Հասցե՝ ՀՀ, ք. Երևան, Մհեր Մկրտչյան 12/1 Հեռախոս՝ (+374) 10 52 17 65, (+374) 10 52 18 74 Էլ. փոստ՝ [email protected]
© ARF Dashnaktsutyun- ARMENIAN REVOLUTIONARY FEDERATION Website by Web Development Company