ՈՒԱՇԻՆԿԹԸՆ․- Շաբաթ, Փետրուար 28-ին, Հ․Ե․Դ․ «Անի» մասնաճիւղը կազմակերպեց բողոքի հաւաք մը, Ատրպէյճանի դեսպանատան առջեւ՝ նշելով Սումկայիթի, Պաքուի, Կիրովապատի եւ Մարաղայի փոկրոմները:

Երիտասարդները պահանջեցին արդարութիւն՝ 1988-ի ջարդերուն, արցախահայութեան վերադարձն ու հայ գերիներու անմիջական ազատ արձակումը։

Խօսք առնողները շեշտեցին Ատրպէյճանի շարունակական բռնութեան եւ ժխտողականութեան ձեւաչափը՝ հայ մշակութային ժառանգութեան ոչնչացումէն մինչեւ գրաւուած տարածքներ:

Կալի Չաքմաքճեան կատարեց բացումը, անդրադառնալով Իրանի ճգնաժամին եւ Ատրպէյճանի վտանգին։

Արենի Համբարեան փոխանցեց օրուան պատգամը։

Ալեք Թէքեան դատապարտեց Ատրպէյճանի շարունակական բռնութիւնն ու ժխտողականութիւնը: Արփա Շահնազարեան շեշտեց արդարութեան պահանջի անհրաժեշտութիւնը՝ Արցախէն բռնագաղթուածներուն համար:

Թերեզա Երիմեան (Հայ Դատ) կոչ յղեց գործի լծուիլ եւ բողոքել, արդարութիւն պահանջել եւ ըստ այնմ քուէարկել:

Ցուցարարները անգամ մը եւս, պահանջեցին հայ գերիներու ազատ արձակումը, արցախահայութեան վերադարձն ու մշակութային ժառանգութեան ոչնչացման աւարտը:

Աւարտին, աղօթեց շրջանի հովիւ՝ արժ․ Տ․ Սարգիս Ա․ քհն․ Ագթաւուգեան:

Մանրամասներու համար այցելել՝ anca.org/action