Հ.Յ.Դ. Բիւրոյի անդամ Խաժակ Մկրտիչեան, ընկերակցութեամբ Հ.Յ.Դ. Աւստրալիոյ Կեդրոնական Կոմիտէի ներկայացուցիչ Վիգէն Քորթեանի՝ այցելեց Հայ Առաքելական Եկեղեցւոյ Աւստրալիոյ Թեմի Առաջնորդարան, ուր հանդիպում ունեցաւ գաղութիս առաջնորդ Գերաշնորհ Տէր Վարդան Եպիսկոպոս Նաւասարդեանի հետ:

Հանդիպման ընթացքին քննարկուեցան ազգային և հոգեւոր կարեւոր նիւթեր, Աւստրալիոյ, հայրենիքի և սփիւռքի մէջ: Հ.Հ. Կառավարութեան յարձակումները մաս կազմեց խօսակցութեան, ուր փոխանցուեցաւ Հ.Յ.Դաշնակցութեան աջակցութիւնը եկեղեցւոյ, որ կը գործէ իբր հայութեան համախմբան և հոգեւոր կեդրոն: