«Այս մեկ տարվա ընթացքում մենք որոշակի ակնկալիքներ ունեինք կառավարությունից, այսօր այդ ակնկալիքները, ցավոք, չեն իրականացել: Ավելին` մենք տեսնում ենք, որ որոշակի քայլեր են կատարվում, որոշակի կոչեր են հնչում, որոնք ոչ միայն չեն արդարացնում մեր սպասումները, այլև կարող են երկիրը տանել բավականին ծանր փակուղային իրավիճակի: Եվ սա չի վերաբերում միայն վերջերս տեղի ունեցած դեպքերին, դրանք գուցե ինչ-որ չափով արագացրեցին, բայց այն, որ այս դժգոհությունը մեր մեջ կուտակվել է երկար ժամանակ, դա փաստ է: Խոսքը վերաբերում է թե՛ տնտեսական քաղաքականությանը, որովհետև իրականացվող տնտեսական քաղաքականությունը շարունակությունն է նեոլիբերալիզմի, երբ ասվում է, որ պետության դերը պետք է մինիմալացվի, բարենպաստ պայմաններ պետք է ստեղծվեն, իսկ քանի որ «աղքատությունը մարդկանց գլխներում է», թող ինքնուրույն կերտեն իրենց բարեկեցությունը»,- նշեց Խաչատրյանը:

Ըստ նրա՝ շատ մտահոգիչ են Արցախի հարցում վերջին հայտարարությունները, թե Արցախում կան ուժեր, որոնք «դավադիր» են, «դավաճան» և իրենց «դավադիր», «ազգակործան» խնդիրները լուծելու համար պատրաստ են պատերազմ սադրել:

«Դա շատ մտահոգիչ է, առհասարակ` այս Հայաստան-Արցախ ջրբաժանը, որը վերջերս սկսեց խորանալ: Անկախ նրանից, թե որտեղից է գալիս հայաստանցի-ղարաբաղցի բաժանումը, կառավարությունը, իշխանություններն են պատասխանատու տեղի ունեցած ցանկացած իրադարձության համար և պարտավոր են կանխել այդ բաժանումը: Ցավոք, մենք դա կանխելու քայլեր չենք տեսնում, ընդհակառակը՝ սկսում են պետական դավաճանության մեջ մեղադրանքներ` կոնկրետ ուժերի ուղղված: Դա մեզ համար անընդունելի է, հատկապես` երբ հասարակության մեջ կան մանիպուլյատորներ, որոնք դա փորձում են օգտագործել հայաստանցի-ղարաբաղցի դավաճանական տարբերությունը ներդնելու համար»,- շեշտեց ՀՅԴ Հայաստանի ԳՄ անդամը:

Արթուր Խաչատրյանը նշեց, որ անընդունելի է նաև առկա հասարակական անհանդուրժողականության մթնոլորտը, որը սկիզբ առավ սևեր-սպիտակներ բաժանումից:

«Մի այսպիսի գիծ ենք տեսնում` իշխանությունը ձևավորել է ժողովուրդը, հետևաբար` ով իշխանության հետ համակարծիք չէ, նա համակարծիք չէ ժողովրդի հետ, ուստիև՝ ժողովրդին թշնամի է, նրա դեմ պետք է պայքարել: Եթե սրան գումարենք նաև այս անհասկանալի` անցումային արդարադատության դրույթը, մենք ռիսկեր ենք տեսնում ՀՀ-ում ժողովրդավարության խաթարման ուղղությամբ: Մենք ընդունում ենք, որ այսօրվա իշխանությունն ունի բարձր լեգիտիմություն, վստահություն, և կարիք չկա քայլերի դիմելու, որոնք կասկածների տեղիք են տալիս, մասնավորապես` դատարանները շրջափակելու` վերջին քայլը: Մեր երկրի խնդիրներից մեկն այն է եղել, որ դատական, օրենսդիր և գործադիր իշխանությունները մի կենտրոնից են կառավարվել: Հիմա փոխանակ քայլեր ձեռնարկվեն այս երեք իշխանությունների միջև հակակշիռների և փոխզսպումների մեխանիզմներ ամրապնդելու համար, օրենսդիրն ու գործադիրը փորձում են դատական իշխանությանը պարտադրել իրենց կամքը: Քավ լիցի, մենք երբեք չենք մերժել, որ դատաիրավական համակարգը վստահության պակաս ունի, հակառակը՝ մենք ենք կոչ անում իշխանություններին, որ քայլեր ձեռնարկեն դատաիրավական ամբողջ համակարգի նկատմամբ վստահությունը բարձրացնելու համար: Խոսքը վերաբերում է թե՛ դատարաններին, թե՛ դատախազությանը, թե՛ քննչական մարմիններին, թե՛ ոստիկանությանը: Թյուր կարծիք կա, թե քննչական մարմինները շատ ավելի կոմպետենտ և ազնիվ են, քան դատական մարմիննները: Ոչ, դա մի ամբողջ շղթա է, և բոլոր մարմիններում բարելավման կարիք կա: Բայց եթե մենք իրապես խոսում ենք դատաիրավական բարեփոխումների մասին, չի նշանակում, որ գործող օրենքները պետք է բռնաբարել, խախտել՝ օրինականություն հաստատելու համար: «Նպատակն արդարացնում է միջոցները» մոտեցումը մեզ համար ընդունելի չէ, և մենք մեր մտահոգությունը պատրաստվում ենք ներկայացնել և՛ հասարակությանը, և՛ իշխանությանը, և՛ ընդդիմությանը»,- եզրափակեց Արթուր Խաչատրյանը:

yerkir.am

Ինչո՞ւ է Դաշնակցությունը հանրահավաք անում

ՀՅԴ-ն ահազանգում է Հայաստանի՝ սխալ ուղով գնալու մասին և մայիսի 23-ին հրավիրում է հանրահավաքի։

Սպասվող հանրահավաքի շուրջ yerevan.today-ը զրուցել է ՀՅԴ Հայաստանի Գերագույն Մարմնի անդամ Արթուր Խաչատրյանի հետ։

Հարցազրույցն ամբողջությամբ՝ տեսանյութում.

Ստորև ներկայացնում ենք մեջբերումներ հարցազրույցից.

«Որ ուղղությամբ է կառավարությունը գնում, դա արդեն երևում է։

Ինչքան սխալ է մեկ տարվա ընթացքում շոշափոլի արդյունք պահանջելը, այդքան սխալ է ցույց տալը, թե ինչ ես արել:

Ընդունում ենք, որ կառավարությունը պետք է արդյունավետությունը բարձրացնի, բայց դրա համար նախարարություն չեն կրճատում: Դրսից կարդացողը մտածում է բարձր տեխնոլոգիական երկիր է:

Մենք ողջունեցինք ժողովրդական շարժումը, բայց մեր մոտեցումները զարգացման ուղղությամբ տարբերվում է:

Մեր համար մտահոգիչ է, որ գործադիր իշխանությունը օրենսդիր իշխանությանը պարտադրեց իր որոշումը:

Այսօր երկրի առջև մանր-մունր հնչեղ բաները մեջ են գցում, որ օրակարգը շեղեն:

Նիկոլ Փաշինյանի արտահայտությունը Արցախի վերաբերյալ շատ մտահոգիչ էր: Կաթիլ-կաթիլ խորացվում է հայաստանցի-ղարաբաղցի մասնավոր կարծիքը: Հասարակության մեջ կան մարդիկ, ովքեր կրում են այդ կարծիքը:

Արցախում հակահեղափոխականների պայմանագրին մասնակցում էր «Իմ քայլի» երկու պատգամավոր: Վարչապետի հայտարարությունը չեմ կարծում, որ ֆորումի մասին էր:

Հիմա էլ Արցախը դարձավ հակահեղափոխական ճիրան:

Մեր հիմնական կոչն է՝ լրջացեք:

Մենք տեսնում ենք, որ հանդուրժողականություն չկա: Մտնում ես համացանց, այդ հայհոյախառն մտքերը, ատելությունը, տեսնում եմ, որ մի մասը ֆեյք են, մի մասը Հայաստանում չեն, բայց դրա դրսևորումը եղավ կյանքում: Այնքան են ասել սև ու սպիտակ, դա պետք է պոռթկար: Կարող էր չլիներ Հրանտ Մարգարյանը, կարող էր լինել ցանկացած ընդդիմադիր: Մեր ժամանակ, եթե տղամարդը կնոջ հետ քայլում էր, ասում էինք ճանապարհի արի խոսենք, նոր Հայաստանում, սիրո և հանդուրժողականության մթնոլորտում մարդը թոռների հետ քայլում է հարձակվում են այդ մարդու վրա: Քաղաքական գրծչի վրա հարձակում է եղել խուժանի կողմից:

Մեր սկսած ծրագրերը ներկայացնում են որպես հաջողություն:

Էդ բարդ բառը՝ վեթինգը առանց այդ չորս ժամվա չէ՞ր կարող ասել:

Կարծում եմ ամբողջ դատաիրավական համակարգի վրա վստահություն չկա, ողջ դատաիրավական համակարգը թող փոխեն:

Եթե վեթինգի գաղափարը կար, ո՞վ էր խանգարում մեկ տարի առաջ նախաձեռնել:

Կա նաև ժողովուրդ, որ ունի այլ մոտեցումներ և դու պատասխանատու ես բոլոր նրանց համար ովքեր քեզ նաև կողմ չեն քվեարկել, կամ չեն քվեարկել, նրանք էլ քեզանից ոչ պակաս են սիրում այս երկիրը:

Այս ամեն ինչը մենք լուրջ սպառնալիք ենք տեսնում՝ թե՛ քաղաքական, թե՛ տնտեսական»: