«Չկա սահմանադրական ճգնաժամ, կա պարզ, տարրական, մարդկային, նվազագույն, իրավական գիտելիքների տիրապետելու կամ առնվազն դրանով առաջնորդվելու ճգնաժամ: Մարդիկ չեն ուզում իրենց մտավոր կամ նվազագույն գիտելիքներին մի քիչ զոռ տալ՝ կարդալու, հասկանալու, ըմբռնելու, որովհետև իրենց նեղ խմբային, անձնական շահը կուրացրել է նրանց մտքի պարզագույն տրամաբանությունը»,-լրագրողների հետ զրույցում ասաց Մինասյանը:

Մինասյանի խորին համոզմամբ՝ դատական համակարգը, մասնավորապես ՍԴ-ն այսօր շատ ավելի անկախ է, քան կար մինչև 2018 թ. և կլինի, եթե այս իշխանությունը ձևավորի դատական նոր համակարգ. «Կա հստակ ձգտում՝ վերացնելու դատական այս համակարգը և կա ՍԴ-ի դիմադրությունը իշխանության այս ցանկությանը: Սա է հենց բերում անկախության ավելի առարկայական դրսևորման»:

Ըստ ՀՅԴ-ական գործչի՝ Վահե Գրիգորյանն իր հայտարարությամբ խախտել է թե՛ օրենք, թե՛ Սահմանադրություն։ «Ինչո՞ւ պետք է Հրայր Թովմասյանը հրաժարական տա, ես չգիտեմ։ Ինքը դադարել է կուսակցական գործունեությամբ զբաղվել»,- շարունակեց Մինասյանը։

Մանրամասները՝ տեսանյութում