Դասական քաղաքական հետապնդում է. Կարծում եմ՝ հարց ու պատասխանի ընթացքում էլ դուք դրանում համոզվում եք. այսօր՝ հուլիսի 4–ին, ԱԺ–ում լրագրողների հետ զրույցում նշեց ԱԺ ՀՅԴ Հայաստանի ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանը։

«Շատ կոնկրետ մի ամիս առաջ Նիկոլ Փաշինյանը Ազգային ժողովի դահլիճում հրահանգ տվեց դատախազին, և սա դրա հետևանքն է, նաև ասելով, որ դուք Սևանի ափին տուն ունեք, պետք է դատվեք։ Այսօր դատախազը, իր օգնականի կարգավիճակով, կատարում է Նիկոլ Փաշինյանի հերթական ապօրինի հրահանգը:

Իշխանությունների հայտարարություններին չհավատալու հիմքեր կան, քանի որ սա ստի ու կեղծիքի իշխանություն է, դա բազմաթիվ անգամ ապացուցվել է։ Հիմա ահաբեկչության ֆոն են ստեղծել, բայց նման կարգի շատ գործեր հիմքեր չունենալու փաստով կարճվել են, կարող եմ հիշեցնել, Արթուր Վանեցյան, Վահրամ Բաղդասարյանը, Աշոտ Մինասյան Նիկոլ Փաշինյանին սպանելու փորձի գործ, շոուն ապահովեցին, հետո գործը կարճեցին»,-ասաց Սաղաթելյանը։

Նա ընդգծեց՝ պետական դավաճանության մեղադրանքով զիմնվորականին ձերբակալել են, շոու են սարքել, հետո հիմք չունենալու պատճառով գործը կարճվել է։

«Սա հերթական փուչիկ գործերից մեկն է»,-ասաց նա։

Հարցին՝ ի վերջո, այդ առանձնատունը Սեյրան Օհանյանի՞նն է, թե ոչ, Սաղաթելյանը պատասխանեց. «Ես չգիտեմ, Սերյան Օհանյանը դրա մասին պարզաբանումներ տվել է, լրացուցիչ ասելիք այս մասով ես չունեմ։ Ես իրեն չհավատալու հիմք չունեմ, իսկ իշխանություններին չհավատալու բազմաթիվ հիմքեր ունեմ, որովհետև սա ստի և կեղծիքի իշխանություն է, ու դա բազմաթիվ անգամ ապացուցվել է։

Հիմա ինչ–որ ահաբեկչության ֆոն են ստեղծվել, բայց շատ քրեական գործեր են եղել, որ հետո կարճվել են՝ հիմք չունենալու հետևանքով։ Կարող եմ հիշեցնել՝ Արթուր Վանեցյան, Աշոտ Մինասյան, Վահրամ Բաղդասարյան, Նիկոլ Փաշինյանի սպանության փորձ, ինչ շոուն ապահովեցին, հետո հիմք չլինելու պատճառով գործը կարճեցին։

Սա մի իշխանություն է, որ զինվորականին ձերբակալել է պետական դավաճանության մեղադրանքով, այդ շոուն կազմակերպել են, ցուցադրել են, հետո հիմք չունենալու պատճառով գործը կարճել են և այդ զինվորականին կրկին պաշտոնի են նշանակել։ Սա հերթական այդ փուչիկ քրեական գործերից մեկն է»,–ասաց նա։

«Դատախազը շարունակում է մնալ Նիկոլ Փաշինյանի օգնականի կարգավիճակում։ Ինքը պետական շահերը պաշտպանության փոխարեն պաշտպանում է բացառապես Նիկոլ Փաշինյանին և նրա իշխանությունը։ Նա ոչ թե պետք է մեղադրանք առաջադրեր Արծվիկ Մինասյանին, այլ պետք է ընթացք տար Արծվիկ Մինասյանի հաղորդմանը՝ Նիկոլ Փաշինյանի պետական դավաճանության հանցանք կատարելու գործով»։

Մենք ցանկացած սցենարի պատրաստ ենք, այդ ձայնագրությունների մեջ կարող էր լինել նաև ձեզանից յուրաքանչյուրի անունը. ասաց Իշխան Սաղաթելյանը։

«Որևէ մեկի համար գաղտնիք չի որ կոնկրետ ես նաև Սրբազան շարժման ակտիվ աջակիցներից, մասնակիցներից եմ եղել, ես վստահաբար կարող եմ պնդել, որ Բագրատ Սրբազանը, Արթուր Սարգսյանը և բոլոր նրանք, ովքեր կալանավորված են, օրենքից դուրս որևէ քայլ չեն արել։

Ես չեմ բացառում, որ փորձելու են ավելի մեծացնել այդ շրջանակը, բայց պատասխանատվությամբ ասում եմ, որ որևէ քայլ օրենքից դուրս նախապատրաստված չի եղել։ Ընդամենը այս շոուն կազմակերպել են, որպեսզի դիմադրության օջախները պայքարող մարդկանց կարողանան կեղծ մեղադրանքներով լցնել բանտերը։ Մնացածը արդեն իրենց երևակայության արդյունքն է»,–ասաց Իշխան Սաղաթելյանը։

Մանրամասները՝ տեսանյութում