Oragir.News-ի «Օրակարգ» հաղորդաշարի հյուրն ՀՅԴ Բուրոյի անդամ, Ազգային ժողովի «Հայաստան» խմբակցության պատգամավոր Լիլիթ Գալստյանն է։

Հաղորդաշարի շրջանակներում անդրադարձ է կատարվել Հայաստանում մտավորականության շարունակական դեգրադացման, դրա մատճառների, արժանապատիվ մտավորականի կերպարի, Հայ Առաքելական Եկեղեցու դեմ իրականացվող արշավի, դրան հակազդելու ճանապարհների, ներքաղաքական զարգացումների, ՔՊ-ի ընդունած «Էթիկայի կանոնագրքի», դրանից չշեղվելու հավանականության, 2026-ի խորհրդարանական ընտրություններին ճիշտ նախապատրաստվելու անհրաժեշտության, ինչպես նաև օրակարգային մի շարք այլ հարցերի վերաբերյալ։

Լիլիթ Գալստյանը նկատում է՝ Ռուբեն Բաբայանը, ով առաջարկել էր Հայաստանում ճիպոտահարելու ինստիտուտը ներդնել և Միքայել արքեպիսկոպոս Աջապահյանի նկատմամբ այդ պատժատեսակը կիրառել, պետք է խնայեր իր ավանդն ու հեղինակությունը և լաթի նման չօգտագործվեր։

«Բնականաբար հարմարվողները ավելի շատ են, լռողները շատ են, 30 արծաթին չդիմացողները շատ են։ Այն, որ Հայաստանում վաղուց տաբուները և բոլոր կարմիր գծերը հատված են, դա էլ է ակնհայտ, և գրեթե էդ իշխանամերձ, էդ լափամանը իրենց բառապաշարից է՝ իշխանությունների, բայց իշխանամերձ կերակրատաշտակին մոտ միշտ, բոլոր ժամանակներում մոտ կանգնած, այսպես մոտ կանգնած մատավորականության տեսակն էլ մենք ունենք, որ դրանք միշտ կենսունակ են՝ և՛ հոտառությամբ՝ վատ իմաստով, վատ հոտառությամբ, միշտ այսպես քսմսվում են իշխանությանը և ծառայում՝ առանց մտածելու, որ նրանք ընդամենը լաթ են դառնում, հետագայում լաթ, գետնի լաթ։

Ես ափսոսում եմ իհարկե, որ ես գիտեմ, որ մենք Ռուբեն Բաբայանի մասին ենք խոսում, ես շատ եմ ափսոսում, թեև ինքը վաղուց այդ ընթացքի մեջ էր, որ մի օր պիտի չդիմանար և այդ պոռթկումն ունենար։ Եվ, գիտեք, ինքը վաղուց էր ավելի քան սինխրոն իշխանությունների հետ։ Սա այն Ռուբեն Բաբայանն է, որն այնուամենայնիվ մեր թատերական արվեստում և հատկապես տիկնիկային արվեստում իր ձեռագիրը, խոսքն ասած մեկն էր, և ինքը պիտի որ խնայեր իր հեղինակությունը և իր ավանդը, բայց ինքը չխնայեց»,- ասաց նա՝ ուշադրություն հրավիրելով այն բանին, որ հոգևորականների քաղաքական գործունեության մասին դատողություն է անում մի մարդ, ով շատ վաղուց «Սորոսի»՝ «Բաց հասարակությունների հիմնադրամի» տնօրենների խորհրդի անդամ է։

Ընդդիմադիր պատգամավորը նշեց նաև՝ իշխանության կողքին կագնած հոգևորականների տասնյակը՝ պայմանական «Կճոյանները», հայտնվելու են պատմության աղբանոցում։

«Այդ սրբազանների կամ հոգևոր դասի տասնյակը, որը մեր պատմության մեջ որպես ուրացողների, հերձվածողների, թուրք մոնղոլների և այդ բոլոր արշավողների նույն գրադացիայում տեղավորեցին իրենց՝ պայմանական «Կճոյանները», նրանք ուղղակի պատմության աղբանոցում են մնալու և այդ սև աղբանոցում են մնալու»,- նշեց նա՝ համոզմունք հայտնելով, որ այս մարդկանց նկատմամբ առկա են ահռելի մեծ քանակով կոմպրոմատներ։

Մանրամասները՝ տեսանյութում