ՀՅԴ Բյուրոյի անդամ Տարոն Տեր-Խաչատուրյանը Բարեւ tv եթերում կարեւորել է 2026 թ-ի ապրիլի 11-12-ը Փարիզում կայացած Սփյուռքի ազգային զորաշարժի խորհրդաժողովը: Նա մանրամասներ է պատմել խորհրդաժողովի երկօրյա քննարկումներից:

Անդրադառնալով Արցախի թեմային՝ Տարոն Տեր- Խաչատուրյանը նշել է, որ այս հանգրվանում խոսել են հայրենի հողեր արցախահայության ապահով եւ հավաքական վերադարձի մասին:

Խոսելով Հայաստանում հունիսի 7-ի տեղի ունենալիք ընտրություներից՝ նա ասել է. «Սփյուռքը եկել էր բարձրաձայնելու, որ սիրելի հայ ժողովուրդ, ձեր իրավունքն ու ձեր պարտավորությունն է ընտրությունների արդյունքը: Սակայն սփյուռքը մտահոգ է Հայաստանի իշխանությունների վերջին 8 տարիներին որդեգրած ապազգային ընթացքով, որ վերաբերում է Արցախի հարցը փակելուն, Հայոց ցեղասպանության հարցը երրորդ-չորրոդ պլան մղելուն, Հայ Առաքելական Եկեղեցու հանդեպ ոտնձգություններին, սփյուռքին լուրջ չվերաբերվելուն: Այս բոլորը մտահոգություններ են: Մենք չենք ասում, որ Ցեղապանության հարցը պահելը զենք վերցնելև Թուրքիայի վրա հարձակվել է նշանակում, մենք չենք ասում, որ Արցախի հարցը օրակարգում պահելը Ադրբեջանի վրա հարձակվել է ենթադրում: Մենք խաղաղասեր ենք, բայց խաղաղասիրությունը զիջելով չի լինում: Մենք կորցրել ենք Արեւմտյան Հայաստանը, ներկայում հայաթափված է Արցախը: Սփյուռքը եկել է ասելու հայ ժողովրդին, հայությանը՝ ո՜վ հայ ժողովուրդ, վերջին պետականությունը, որ դեռ ունես, Հայաստանն է: Ամեն ինչ անենք, որ Հայաստանի ապահովությունը, անվտանգությունը, ինքնիշանությունը պահենք եւ հզորացնենք:

Ապրիլ 24-ի հետ կապված Տարոն Տեր-Խաչատուրյանը նշել է. «Մենք 20-րդ դարում ցեղասպանության ենթարկված միակ ժողովուրդն ենք, որ ցեղասպանվել ենք ոչ միայն ժողովուրդը կորցնելով, այլեւ հողը: Մենք 111 տարի է ոգեկոչում ենք մեր դեմ կատարած անարդարությունը: Ամենից կարեւոր հարցը, որ ունենք, մեր իրավացիությունն է, որի դեմ հանդիման Թուրքիան պարտավոր է հաշվի նստել, այնպես ինչպես Գերմանիան հաշվի նստեց Հոլոքոստի ողջակիզման պարագայում, եւ հատուցում կատարեց»:

Մանրամասները՝ տեսանյութում