ՀՅԴ Բյուրոյի ներկայացուցիչ, ԱԺ «Հայաստան» խմբակցության պատգամավոր Արմեն Ռուստամյանը հյուրընկալվել է «Երկիր մեդիա» հեռուստաընկերության «Սփյուռքն այսօր» հաղորդաշարին:

Անդրադարձ է կատարվել 2026 թ-ի ապրիլի 11-12-ը Փարիզում կայացած Սփյուռքի ազգային զորաշարժի խորհրդաժողովին:

Արմեն Ռուստամյանը խոսել է խորհրդաժողով հրավիրելու նպատակների մասին: Կարեւորելոլով խորհրդաժողովի անցկացումը` ՀՅԴ Բյուրոյի ներկայացուցիչը նշել է. «Խորհրդաժողովը սպասված էր այն իմաստով, որ բավականին լուրջ խնդիրներ են առաջացել այս 8 տարիների ընթացքում հայրենիք-սփյուռք կապերի բացակայության պատճառով: Պետական քաղաքականություն որպես այդպիսին, կարելի է ասել, գոյություն չունի, իսկ այն ինչ կատարվում է , ավելի շատ վնասարար է քան օգտակար: Սրանք պարզապես խոսքեր չեն, որովհետեւ ինչպես բոլոր հարցերում այս իշխանությունները, փոխանակ օգտագործեին մեր եղած փորձը, միջազգային փորձը ավելի զարգացնեին, եւ այդ զորակցությունը ամբողջական դառնար, սկսեցին զրո կետից եւ հոնքի տեղը աչքը հանեցին; Այդ փորձն աամբողջությամբ անտեսվեց » :

Արմեն Ռուստամյանի խոսքով՝ թե մեր, թե միջազգային փորձը խոսում է հետեւյալի մասին՝ անտեսելով սփյուռք-հայրենիք կապերի յուրահատկությունները՝ մեր դեպքում շեշտը դրվել է այս կամ այն մոտեցման կարեւորության վրա: Հայրենադարձության հարցում, օրինակ, մոդելը Իսրայելն է, տնտեսական համագործակցության և ինտեգրման հարցերում՝ Չինաստանը, Հնդկաստանը եւ այլն: Մինչդեռ մենք պետք է առաջնորդվենք ոչ թե այն մոտեցմամբ, որ սփյուռքից միայն օժանդակություն ակնկալենք, այլ ասենք՝ եկեք, մաս կազմեք պետությանը եւ ազգին: Հայությանը այդ հանարավորությունը պետք է տանք, եւ սա պետք է իրականացվի հստակ ծարագրավորված, կառուցակարգային եւ իրավական լուծումներով: Եվ դա պետք է աշխատի փոխշահավետության սկզբունքի վրա: Այսինքն, սփյուռքը պետք է ունենա հնարավորություն Հայաստանի քաղաքական, տնտեսական, իրավական, մշակութային կյաքնում ներկայություն ունենալու, իսկ Հայաստանն էլ ստանա առավելություններ սփյուռքի առկայությունից:

Դիտարկմանը, թե մեզ գաղափարական միասնություն է պետք, մինչդեռ օրվա իշխաննությունները խփում են այն ազգային գաղափարներին, որոնք սփյուռքի համար կարմիր գիծ են, Արմեն Ռուստամյանը պատասխանել է. «Այո մեր ինքնության հարցն է: Տեսեք, ոնց են աղավաղում այն, ինչը մեզ շաղախում է: Հայրենիք-սփյուռք հարաբերություններն առաջին հերթին հայերին իրար կապելու մասին են: Մեզ մեր ինքությունն է կապում, հայի տեսակը, նույն ընկալումը: Մենք մեր հայրենիքի, լեզվի, մշակույթի, ավանդույթների, մեր արժեհամակարգի իմաստով, նույն մոտեցումներն ունենք, կիսում ենք իրար հետ անկախ նրանից թե մենք որտեղ ենք ապրում: Ինքնության անհրաժեշտությունն է պետք խրախուսել, որ կարողանանք մեր ներուժն ամբողջությամբ օգտագործենլ: Իսկ ինչ են անում այս իշխանությունները, որպեսզի ցույց տան, որ մենք անկարող ենք: Նրանց ծրագիրը կխափանվի, եթե պարզվի, որ մենք լուրջ ուժականություն ունենք՝ ինքներս մեր խնդիրներին տեր կանգնելու: Որն է մեր ուժականության հիմքը՝ մեկ ազգ, մեկ հայրենիք, մեկ նպատակ: Այո, սրանով մենք կարող ենք համախմբել ողջ հայությունը » :

Խոսելով թուրք -ադրբեջանական տանդեմի նպատակների մասին՝ Արմեն Ռուսատմայնն ասել է. «Թուրքերի ուզածը ոչ միայն հայտնի պահանջներն են մեզնից, այլ մեր ինքնությունից մեր հրաժարվելը: Մեր ինքությունն է իրենց համար խնդիր: Արցախն հայաթափվել է, բայց թուրքերը չեն հանգստանում: Ջնջում են ամբողջ հայկական հետքը, մեր մշակութային ժառանգությունը, ինչպես Նախիջեւանում, Արեւմտյան Հայաստանում: Իրենք մեր ինքոության հետ խնդիր ունեն, որպեսզի հայկական հարցից ազատվեն: Չկան հայեր, չկա հայկական հարց. սա է իրենց մոտեցումը: Իրականացվում է պանթուրանական ծրագիրը: Ժամանակները փոխվում են, իրենք իրենց ծարգրերը համապատասխանեցնում են ստեղծված իրավիճակին, բայց նպատակից երբեք չեն հհրաժարվում: Սա է պետք հասկանալ, այստեղ է, որ խաբում են այս իշխանությունները՝ մեզ թմրեցնելով, այսպես կոչված, խաղաղության կեղծ պատրանքով: Ինքնություն չունեցող ազգը ոչնչանում է առանց պատերազմի՝ սա է իրականությունը: Այս իշխանությունների 8 ամյա գործունեությունը եթե կարճ բնորոշենք, դա գիտակցված վնասարարություն է՝ ուղղված մեր ինքությունից հրաժարվելուն եւ մեր համազգային ձեռքբերումները մսխելուն: Սփյուռքի զորաշարժի համաժողովը անհրաժեշտ էր, որպեսզի մենք սթափության կոչով հանդես գանք ողջ հայության առաջ, որ եթե թողնեք այս քաղաքականությունը շարունակվի, ապա կանցնենք անշրջելիության բոլոր կետերն ու ամենամեծ ցանկության դեպքում էլ ունեցածն այլեւս հետ չենք բերի»:

Խոսելով աշխատանքների շարունակականության և խորհրդաժողվի ուղերձը կապիտալիզացնելու մասին՝ ՀՅԴ Բյուրոյի ներկայացուցիչն նշել է. «Արդեն իսկ խորհրդաժողովի ժամանակ ձեւավորվել է համակարգող մարմին: Կոչ-հայտարարությունը ներկայացնում է զորաշարժի ուղղությունները, համահայկական օրակարգը: Խորհրդարանական ընտրությունները դիտվում են որպես սահմանագիծը, որից հետո արդեն անշրջելիության վիճակ կարող է առաջանալ: Կոչ է արվում բոլորին մասնակցեել ընտրություններին: Նրանք ովքեր ունեն քաղաքացիություն, կարող են գալ եւ մասնակցել ընտրություններին: Իսկ Հայաստանից դուրս բավականին շատ քաղաքացիներ կան: Իրենք կարող են անմիջական մասնակցություն ունենալ եւ լուծել գլխավոր հարցը՝ փոխել երկրի զարգազման այս հակազգային, ապազգային ուղեգիծը եւ հաստատել ազգային պետական ուղեգիծ: Դա կարելի է անել միայն փոխելով այս իշխանությանը: Եվ ուրեմն մեր խնդիրը Հայաստանից դուրս այս գաղափարի շուրջ զորաշարժ առաջացնելն է, իսկ Հայաատանի ներսում ընդդիմության միասնական ջանքերով՝ իշխանափոխություն իրականացնելը: Այսօր սա հրատապ անհրաժեշտություն է: Դրա հետ կապված մենք խորհրդաժողովը կազմակերպեցինք, որ այս ահազանգը եւ հարցի կարեւորությոունը յուրաքանչյուր հայ հասկանա եւ իր կողմից կարողանա իր նպաստը բերել դրա լուծմանը»:

Մանրամասները՝ տեսանյութում